افيدوني يالبى قلوبكم من جربت هاللون

السلام عليكم ورحمه الله وبركاتة
كيفكم ياصبايا ان شاء الله بخير فديت قلوبكم انا
حبيباتي حبيت اخذ مشورتكم لان ناوية بحيل الله اخصل شعري
لاني حالفة اني ماراح اصبغة لان بااخر صبغة صبغت شعري وتقطع وانعدم
وصار ماينفع معة لا استشوار ماغير ناشف وجاف واظطريت اقصة لحد رقبتي
والحمد الله خلال سنتين اعتنيت فية ووصل شعري لتحت نص ظهري
بس يدي للحين تاكلني ابغى اصبغة بس الوالدة عطتني ذاك الكلام اللي يجمد على الشارب ههه
قالت انتي للحين ماعتبرت من الصبغة اللي فاتت وماتذكرين دموعك وانتي ماسكة شوشتك بين يدينك
وتقولين عز الله بنفضح قدام الله وخلقة اقول معصي بس
عاد امي فديتها يوم شافت دميعاتي بينقزن من عويناتي نظرت فيني ذيك الناظرة وقالت
حم حم اذا بتخصلين خصل خفيفة مافي مانع عاد ان هنا نقزت ابوس راسها
واطمر لك للعم قوقل يمكني يفيدني بجكم تجاربة وخبرتة
لعل وعسى احصل خصل حلوة وصراحة لقيت خصل حلوة بس كل بنات العائلة مسوينها
بس لقيت ان الموضة الحين هي كريزي كلر وصراحة دخل بمزاجي اني اصبغ خصل موف
لان يقلون الشعر الاسود الفاحم يجنن علية درجات الاحمر والموف الفاتح والبلاتيني
وهاذي الصور عجبتني كثير وحبيت اسألكم شرايكم فيها وقد احد سواها منكم
وبليز اللي يعرف صبغة بلون موف يدلني على اسمها لاني ناوية اني بسويها بالبيت
بس حبيت اسأل للي مجربها هل اللون الموف من اللالوان المؤقتة اللي تنزل بسرعة اولا
صراحة حبيباتي ان عجبتني بقوة لون الخصل اللي بصورة الاولى
حبيباتي الله بالردود لاني ناوية اصبغة هالاسبوع واللي ماتعرف ترفعة لو بدعوة الله يرفع منزلتها يارب