البسبوسه الملكيه

هذي طريقة البسبوسه الملكيه نقلتها لكم من الاخت شذاوي
المقادير :
عجينه البسبوسه تحتاج الى
2 كوب سميد طبعا ( الكوب المرقم الزجاجي )
ثلاثه ارباع الكوب شيرة ثقيله
نص ملعقه صغيرة بكم بودر
5 ملاعق كبيرة ومليانه حليب بودرة
2 ملعقه كبيرة سمنه فارم
مقدار 2 غطاء ماء الزهر ( غطاء القاروره )
ربع كوب صغير ماء
مقادير القشطه :
5ملعقه كبيرة ومليانه حليب بودرة
7 ملاعق كبيرة سكر
5 اكواب ماء
مقدار 4 اغطيه ماء الزهر
5 ملاعق كبيرة نشا
ونحتاج لفستق مطحون
الطريقه :
جهزي القشطه كل المكونات مع بعض وحطيها بقدر
وفوق النار حتى تثقل
عجينه البسبوسه :
نخلط جميع المقادير مع بعض
ونحطها فوق النار لمدة دقيقه فقط مع التقليب
حتى تمتزج الشيرة مع المكونات
نحضر صينيه بايركس اكبر من المقاس المتوسطه
ندهن القاع بالسمنه
ثم نضع قليل من خليط السميد بس تغطيه الصينيه
وعلشان يسهل علينا فردها بالصينيه نخلي بجنبنا قليل من السمنه
وندهن خلف الملعقه وعلى طول على السميد
رايح يترتب معانا بسرعه
وطبقه الفستق :
نوزع كميه من الفستق المطحون لتغطيه خليط السميد
ثم نحط القشطه ونوزعها بالتساوي
ثم باقي خليط السميد ومثل ماقلت حتى يسهل لازم ندهن الملعقه بالسمن تلاقي الموضوع سهل جدا
نكون مجهزين الفرن من قبل
وندخل الصينيه على درجه عاليه جدا جدا انا حطيتها بالرف السفلي وكان 240 درجه
ولازم كمان نولع من فوق
يعني كلهم مع بعض
علشان تستوي بسرعه وبوقت قليل
اخذت معي اكثر من 10 دقايق
خرجتها من الفرن
ووزعت يمكن نص كوب شيرة بس مو تكثروا
واتركيها تبرد تماما
وتدخل الثلاجه
حتى تتماسك القشطه
وصحه وعافيه عليكم
ولاتنسوني من صالح دعائكم