التجمع الثامن من يوميات المشي على السير على الخيروالحب أجتمعنا وبالآخره لقآنا يارب

1. لاني احس مسؤله عنكم ايه وربي احس مسؤله مثل ماكنت مسؤله عن نفسي


2. خصوصا البنات اللي مجتمعين بكل تجمع كان معي

السلام عليكم ورحمه الله وبركاته
يسعد لي أيامكم جميعاً بكل حب وخير ان شاء الله
وكل عآم وانتم بصحه وسلامه
وينعآد علينا وعليكم بالعافيه والمسرات
راح شهر عظيم اللي هو رمضان سبحان الله وطار
والحين أيام العيد
نسئل الله أن يتقبل منا ومنكم صالح الأعمال وان يقول لنآ قد بدلت سئياتكم حسنات
وأن شاء الله الكل استفآد وعمل بهذ الشهر العظيم (شهر رمضان )
ولا راح خساره
اللهم نسئلك نكون من الفائزين أمين
سبحان ماني مصدقه
الا والله أحس فعلاً حلم مدري وش اوصف لكم!
معقوله الحين صار التجمع الثامن
جد جد احسه حلم
ياربي رحمتك
وربي الحين مغمضه وجالسه اتذكر اول تجمع وكيف كنت وكيف عآنييت وكييف وكيف
معقوله أن اللي يبي شي يوصل له!
معقولة كنت انتظر وصبرت وقدرت اوصل للمرحله هآآآذي
ياطيبه الا قدرتي قدرتي وانتي قدهآآآ الحمدالله الحمدالله ( واستعآآنتك بالله وصبرك ودعائك سهل لك كل المصاعب )
واكبر دلييل روحي شوفي كل تجمع أقري كل حرف كتبته كل كلمه وجهتيها لأنفسسك ولا لغيرك
كتبتيها بدمك وروحك ومشآآعرك كتبتها مع لحظات الم مع لحظه تامل مع لحظه صدمه مع لحظه فرح مع لحظه جوع مع لحظه حرمآن مع لحظه شبع
مع لحظه ومع لحظه
مع لحظات احزآآآآآن ومواقف صعبه مع لحظات سعآآآده سوا حصلت لك ياطيبه ولا مع بنات قرووبك واللي عشنا فيهآآ كل لحظه
مع لحظات لقاء ومع لحظات فراق ومع لحظات بنات الى الان مستمرين معاك سوا كتبو معنا ولا صارو يشاركونا من بعيد لبعييد ولكن يشهد ان دعواتي تلزمهم كلهم واتذكرهم بالخير ..
مدري وش احس فيه وربي بس اللي مخليني مستوعبه الأن كل مواضيعي وكل لحظاتي فيها ودي ارجع واقراا كل مشاركه قديمه كتبتها وعانيت فيهآ ولا فرحت فيها ولحظه نزول ولا يأست فيها بلحظه ثبت وزن ولا ولا ولا ولا ولا ... الخ
مستحييل بسمح لأنفسي ارجع مثل ماكنت بأذن الله لا انا الحين طيبه غير وهذا بفضل من ربي
حتى لو الله كتب وزاد وزني مستحييل بمسح له يتعدى السمنه راح ان شاء الله اتبع خطتي اللي الحمدالله وبفضل من الله شجعتني وخلتني استمر
وكل اللي سويته سبحان الله كانت تجربه من نفسي وبرهان على نفسي يعني ممكن لو تجربه على غيري مارح اتشجع بس شفتهآآ بنفسي وبرووحي ولاحول ولاقوه الا بالله اللهم زيد وبارك
يمكن في التجمعات الأخيره قلت ممكن تكون التجمع الأخير بس كآ تجمع لي انا يعني اقول لأنفسي اخر مراحل السمنه
بس في شي يمنعني اني اوقف او ماعاد اكتب واسجل يومياتي ولا اسجل كل شي اسويه

لاني احس مسؤله عنكم ايه وربي احس مسؤله مثل ماكنت مسؤله عن نفسي

خصوصا البنات اللي مجتمعين بكل تجمع كان معي

احس انقهر عشانهم ازعل عشانهم افرح عشانهم احس لو وقفت عن نصيحتهم او مسكت نفسي عنهم بيضيعوون أنفسهم انا مابي هالشي انا ودي يتغلبون على انفسهم وعلى كل حاجز ليش مايحققون احلامهم ليش مايجوون يبشروني بهذا يشهد اللي بيكون كفرحه ك أحساس لي يشهد الله ان المحبه من الله
ويشهد الله وش يكن قلبي لكل وحده فيهم ( اسئل الله ان يكون محبه فيه ولوجه ونحشر جميعاً مع المتحابين والمحشورين مع محبه اهل الخير ) أمين
يعني اقدر اكمل بنفسي واوصل لأهدفي وانا ساكته ويشهد الله نآآس وشخصيات كثيره انصحتني اني اسكت واوقف ولا اشجع ولا اكتب ولا كلمه لان يقولن دامك عرفتي لأنفسك وعرفتي طريقك ومابقى لك شي
ماعليك من غيرك والناس ماتعطي خير وراح تتعبين معاهم يلتزمون يومين يخربونها باليوم الثالث يتلزمون شهر يخربونها با أسبوع .... الخ يعني ليش تتعبين نفسك معاهم وهم داخلياً يبون التغيير بس مو راضين يكملون العزم وباقي المشوار يقولون انتي عطتيهم الحل وهم الحل بيدهم يعني انتي ستوب عنهم
يشهد الله كل كلمه بتحاسب عليها
بس انا ارجع واقول لا هذيلا حبايبي وصديقاتي وخواتي حتى لو تعبووني لوو تضايقت منهم بيجي يوم يفرحوني بيجي يووم بشوف فيهم امل لاني حسيت وعشت نفسسهم بس انا وعيت نفسي صحييت نفسسي
بأختصار ابي تعيشون نفس كل احساس حسيت ودي كل وحده توصل للي تبيه وتكون جد عزمهآآ غير
الحمدالله انا اكتب بهالتجمع مشاء الله ولاحول ولاقوه الا بالله والله اكبر والله اكبر والله اكبر باقي تقريباً نص كيلو
واوصل اللي ابيه
واقول دائماً وابدآ ( اللهم لك الحمد حتى ترضى ولك الحمد أذ رضيت ولك الحمد بعدالرضا ) اللهم اجعلني لك شاكره دائما وابدآ
ام
طبعاً يابناتي >>لاتصدقون أنفسكم تراني يمكن اصغركم هع هع
انا فاتحه هالتجمع الجديد كالعاده بيتنآآ نتشارك فيه فرحنآآ وسعآدتنا >> ع طوول يارب
ونتشارك فيه احزآآآنا وهمومنآآآآ>>> الله يبعدهآ عنا أمين
وان شاء الله بهالتجميع يكون لكل وحده فينا عزم وهمه حديد
وان مايتعدى هالتجمع الا واصله اللي تبينه
لاتضيعون الفرصه اسئلكم بالله
الاكل مارح يطير والحياه قدامكم وانا اللي نسويه مو دايت بمعنى دايت لا
نظامنا روعه وسهل
وكل يوم ازيد واعيد فيه
وشفتو كثير تغير عليه ولله الحمد
نظامنا نفسه ماتغير
وراح انسخه من التجمع اللي فات هذا هو وراح اعيد وأزيد فيه لآما تستوعبونه
(((( صراحه
انا اشوف ان الدايت خصوصا اللي استمرت من التجمع الاول الى الأن
اكيد حست وتعرف هالشي
ان الدايت مو صعب وان الوحده تسوي لها نظام حلو خفيف بحيث تاكل اللي تبينه
ولا تحرم نفسها
والمشي بعد اللي جربته ومشت الحمدالله حست مافي شي صعب لان
المشي مو مثل مالكل متوقعه
موعيب ان الأنسان يجرب ويفشل حتى لو خربط وجته حاله وزاد وزنه سواء من الظروف ولا اي شي صار له..
لكن العيب اللي يزد من يأسه ولو شاف وزنه زاد اوو خبص يومين او 5 ويقول خلاص مو قادر اضبط نفسي
لان هذا راح يجيب نتيجه عسكيه ولا راح يقدر الأنسان يضبط نفسه..
بالعكس انا عن نفسي لوو شفت نفسي خربطت وربي صحيح اندم
بس بنفس الووقت اكوون مو متندمه تدرون ليش
لاني من اول مابديت دايت الى الأن خذتها قاعده
ان أتحمل نتاائج اي خربطه سويتها
واعقب نفسي.. واعقابها بأيش!!
ازيد وقت المشي اللي امشييه دايمآً
يعني انا امشي في اليووم ساعتين
صراحه اذ خربطت اززيد على الساعتين ساعه زياده
يعني اخلي نفسي امشي 3 ساعات باليوم
يعني باليوم اللي خربطت فيه كذا
او اذ كنت امشي ساعه اخليي المشي ساعتين
يعني لازم احررق اللي خربطته
عشان ماحس بذنب واحس ان خربت الدنيا
صدقووني يابنات
ان هالطريقه اللي خلتني الى يوومكم استمر بالدايت الحمدالله ونااجحت معي
وانا بالأمانه اقول كلمه حق عن نفسي
الحمدالله انتظم مشاء الله علي ونادراً ما اخربط
وافرغ طااقتي باليوم المفتوح اللي هو يوم الجمعه واكل كل اللي نفسي فيه
من شبسات. ومقليات و شوكلاته كل شي
وامشي بعد فيها حوالي الساعتين وثلاث
واليوم المفتووح كسر للأسبووع والحمدالله بعد يظل يحررق الجسم طول الاسبوع ويساعدك ع نزول الوزن اكثر...
يعني
حلو اننا ننتظم طول الأسبوع
ناكل تخفييف ونقلل من النشويات ونتبعد عن الحلويات والأكلات اللي سعراتها عاليه+ المشي مايقل عن ساعه او ساعتين
واذ جاء الجمعه اكلي اللي تبينه ياجعلك تاكلين قوزي لوحدك عادي مايضضرك ههه
والله ثم والله اللي تسووي كذا
راح توصل للوزن المثالي حتى لو بالبطئ
وانا الحمدالله مستمره وهو المفروض اني موقفه من زمان
ولكن وزني خلاص عشانه قرب للمثالي بالموت يتحرك سبحان الله مع ان المشي وبالاكل منتظمه
ولكن لايأس مع الحياه ولا حياه مع اليأس ))
هذا هوو خطتنا يابنات
واللي تمشي عليها والله ثم والله بتجي تبشرني وبتفرح من نفسهآآآ
اسئل الله ان يحقق آمانينا وأمانيكم أمين أمين
توني انتبه اني هذرت كثيير : (
بس وش اسوي حبيت اعبر وحبيت ان البيت يكون فيه اثاث شويه مو فاضي ويطلع لنا صوت صدى هههآآآي
يلا تفضلو كل وحده تدخل برجلهآ اليمنى
وبنات دائماً وابد اقول لكم هالمقوله
لاتنسون دعوه الغيب مستجابه
ادعو كثرو الدعاء سوآ لأنفسك ولا لغيرك يعني سبحان الله حتى لو دعيتي لغيرك الملك يقول ولك المثل ولا غير كذا تاخذين حسنه
والله يعطيكم على قد نياتكم يارب
واخيرآ
اسئل الله رب العرش العظيم ان يوفقنا
ويستر علينا دنيا واخرى
ويحقق أمانينا
ويجعل كل تعب في ميزان حسناتنا
ويارب يكون كل حرف نكتبه شاهد لنا لا علينا
أمين
اللهم صلي على محمد وعلى آل محمد
طيوبه