التيراميسو الأصلي خطوه خطوه بالصور

السلام عليكم
مثل ما احنا عارفين التيراميسو طبق ايطالي مشهور ولها عدة وصفات وطرق ومن كم يوم وصلتني طريقه عن طريق الايميل ( مجلة طبخ ايطاليه) وكانت الطريقه حلوه وطبقتها والنتيجه كانت
واو .... ذكرني بطعم التيراميسو الاصلي اللي اكلته في ايطاليا
ما اطول عليكم واخليكم مع المقادير والطريقة
المقادير:
4 صفا ر بيض
1 علبة جبنة - 12 حبة ( كيري او فيلادلفيا او ماسكورباني .. او اي جبنه كريميه)
1 علبه كريمه سائله
نص كوب حليب كامل الدسم ( والافضل كارنيشن او ابو قوس)
مقدار من القهوه السائله المركزه ( اسبريسو او نسكافيه)
نص كوب سكر
علبة بسكويت اصابع
فانيلا
شوية قرفه
بودرة كاكاو للزينه
الطريقه:
نغمس البسكويت بالقهوه السائله ونصفه في قالب التقديم
نخفق البيض والحليب والسكر والفانيلا والقرفه ونحطه في حمام مائي على النار حتى يبدأ يصير ثقيل ( يعني مثل طريقة عمل الكاسترد)
والحين نخلط الجبنه حتى تصير مثل الكريمه
نخفق الكريمه حتى تجمد
نضيف خليط البيض الى الجبنه والكريمه
ونخلطهم حتى تصير مثل الكريمه الثقيله
نصب نص المقدار على طبقة البكويت المصفوفه
بعدين نحط طبقه ثانيه من البسكويت ( طبعا لازم نغمسه بقهوه) ونصب طبقة الكريمه
نبدأ نرش الكاكاو البودره على الوجه ... او ممكن تزينونه بمبشور شوكولاته
وهذا شكل الطبق النهائي
نتركه بالثلاجه مده لا تقل عن 4 ساعات حتى يجمد ويتماسك
وعند التقديم ... هذا شكله عن التقطيع
عوافي