الحريم والحياه الزوجيه ارجو التفاعل

داريـــdareenـــن

05-04-2022 - 05:07 am

السلام عليكم
حببياتي يامدامات وفراشات
كيفكم واتمنى تقرؤو الموضوع وتعطوني ارائكم وخلونا نستفيد
الموضوع يحتوي على عدة محاور
اولا:انا لما اكتب مشكلتي وغيري تكتب مشكلتها تتوقعون ليش.....
اكيد تب تفضفض...
تبي احد يواسيها...
واحد ينصحها بعقل وحكمه...
لاكن للاسف
انا جربت كذا مره اكتب موضوع مشكله صارت لي
اتفاجا بالردود الهدامه والمحطمه والباعثه على الياس
اتطلقي منه هذا مافيه خير
زوجك فيه وفيه
ولا المصيبه الكبيره....
التجريح يعني انا موناقصه جروح حتى تجون تجرحون فيني...ابيكم تواسوني...اللي تقول اصلا انتي فيك وفيك وفيك
واتي لزقه...
او اللي تجي تقول الرجال فيهم وفيهم...ليش التعميم...والله اني كرهت حياتي وفقدت الامل
مو شرط في رجال مره كويسين مثل مافي رجال سيئين...
والثالثه تجلس تعلمها اساليب هدم بيتها...روحي لاهلك...ولا تعلمها افكار بوليسيه في التجسس...
والله حرام
اذا موقادرين تنصحون وتوجهون ادعولها
ترا كم بيت انهدم بسبب هالمنتديات ومن ضمنها بيتي كم مره كان رح يخترب فوق راسي بسبب افكار بعض الاخوات الجهنميه...
والرجال مو سوا تجربتك ماتنفع مع غيرك...وتجربتي ماتنفعك..كل حسب وضعه وشخصيته
ثانيا:المواضيع والله مرات اقرف واكره نفسي من بعض المواضيع...
ا نا وليلتي الرومانسيه مع زوجي.....
ايش الداعي تعلمينا عن رومانسياتكم طيب...
بيننا بنات عزباوات لسا ماتزوجو حرام توقعونهم بالخطيئه بسبب هالكلام
والثانيه ...عشائي الرومانسي مع زوجي...وبالصور بعد...
طيب بتموتين وتعلمنا انك سنعه مافي داعي تعلمينا لمين...
والله بنعرف انك سنعه!!!!
وخصوصا ان في حريم زوجها مايعطها وجه تسوي مثل هالامور...
وكمان المصيبه الاكبر لما تجلس توصف ايش صار وايش قال....
يالله احس اني اخجل من هالكلام...عيب
ثانيا ياعمتي دامكم تحبون بعض احنا وش دخلنا....
وش بتستفيدين...
كم من محرومه وكم من مقهوره...ا
قلها بتجيكم عين ولا حسد
ثالثا:ليلتي الرومانسيه
ولا زوجي انهبل علي لما سويت وسويت...وتجلس توصف لبست وحطيت وتعطرت...والمصيبه....
حضني
باسني
وبعض الكلام اللي اتعب لما اقراه...
واللي فرحانه وتقول بعدين الباقي مشفر..لا والله شفرتي بقوه ياعمه
عيب حتى لو مانعرفك والله عيب ومايصير
وهديتي لزوجي ...وهديتك لزوجك...طيب وبعدين..!!!
والمصيبه زوجك وش جاب لك وم ولدتي؟....
زوجك وش جاب لك يوم عرف انك حامل؟....
زوجك وش جاب لك يوم بغيتي تموتين؟...
طيب وش نستفيد من هالموضيع
ماغير التفاخر...ونصه كذب
او مشاكل وحسره للي زوجها ماعطاها ولا عبرها...
رابعا:اللي مهبل فيني وبانجن منه كل همكم من الوسط وتحت
بالعربي من السره الى الركبه
يعني بس هذا مفهومكم للحياه الزوجيه
الحياه الزوجيه اسلوب وفن لازم نتقنه ونفهمه
يعني الشي هذا اكيد شي اساسي
بس مو بالصوره اللي الحريم متخيلين
يعني مره وحده تسال وش يجذب الرجال
80%قالو ابسطيه بالفراش
طيب وين الباقي؟؟!!
خامسا:انواع السماجه لما الاقي وحده كاتبه عنوان الحقوني....واجي ركض...ابي اشوف وش صار!!!
الا قها كاتبه انا عروس وزواجي قرب مادر وش اسوي!!!!
وكيف يصير!!!!!!!!!
ووين مكانه!!!!!!!!!!!!!!!!!!!!!!!!!!!!!!!!!!!!!!!!!
وانا استحي وطبعي خجوله!!!!!
طيب دامك خجوله كيف تقدرين تكتبين كل شي باسمه وعلنا قدامنا
ولا الشغله لعب عيال
والله شي يخجل
سادسا:القسم موضوع للمشاكل الزوجيه والتثقيف الزوجي
مو مصخره
يعني نبي دورات في التعامل
نصائح للزوجه
افكار هادفه
امور تخص الزوجين فعلا...
من افكار هادفه من غير تجاب وكاني اتفرج على فلم اباحي
مع مراعاة الحياء وان المنتدى عام
امور لتطوير الزوجه ...
مواضيع للاشياء الروحيه اللي الان منتشره بكل بيت وبين كل زوجين
يعني بالعربي مانبي كلام مامنه فايده
نبي نصائح عامه هامه مفيده
والحياه مو كلها جنس قي جنس
واتمنى اني مانسيت شي
وابي ردود ومشاركه بالرئي
وشكرا للجميع

التعليقات (9)

خلف الكواليس

05-04-2022 - 08:09 am

سلمت يداك اختي

داريـــdareenـــن

05-04-2022 - 09:10 am

الله يسلمك يارب

nashoma

05-04-2022 - 10:11 am

موضوعك رهيب ومبدع وان شاءاله ابنطرح المواضيع والنقاشات الهدافه والكل ابيستفيد

om samar

05-04-2022 - 11:12 am

ايه والله انك صادقة
فيه مواضيع مالها داعي
ومواضيع او ردود فيها اسرار زوجية المفروض ما تنكشف
الله يسعدك

لمعةألماسة

05-04-2022 - 12:13 pm

صح لسانك والله انك صادق في كل كلمه قلتيها

داريـــdareenـــن

05-04-2022 - 01:14 pm

الله يخليكم
ونبي نرفع الموضوع عشان نستفيد وكل وحده تشاركنا برايها
واللي عندها نقد تحطه

قلب حمود

05-04-2022 - 02:15 pm

سُبْحَآنَ َ رَبِ ْ لَآ إِلَ ْ إِلَّآ أَنَّتْ,,, أَسْتَغْفِرً َ و أَتُوبُ إِلَيِّ ْ
قمة الروعة ,,
صراحة موضوعج وايد حلو ,,
تسلم يدج ..
يعني فعلاً احياناً مواضيع انتي يالمتزوجة تستحين منها ,, شلوون البناات اللي ماتزوجو > الله ييسر لهم ويرزقهم بالزوج الصالح
ومثل ماقلتي .. إذا وحدة تقول مشكلتها يبوونها ماتتكلم واقولون انها تفضح روحها واطلع اسرار بيتها ..
يعني اذا ليلة رومنسية او عشاء رومنسي عادي ,, بس اذا اهي تبي شورهم بمشكلة صايرة بينها وبين زوجها لاا ,,
وإذا ردوو قالو لها تطلقي او روحي بيت اهلج ,,
>>> صراحة مب منطق ..

استاذه قلق

05-04-2022 - 03:16 pm

معك حق ميه في الميه ...
وصادقه ..
يالبى قلبك بس ..
الله يسعد قلبك يارب

داريـــdareenـــن

05-04-2022 - 04:17 pm

الله يسعدكم عالتفاعل والردود الحلوه

ايش هي عيديتك من زوجك←
كيف أجذب زوجي إلي→