الحقوني تهاوشت مع زوجي عشان اهله وهوزعلان مره وش اسوي

السالفه باختصار اني ساكنه بجنب اهل زوجي واليوم زوجي قال لولدي الكبير روح جيب من عندجدتك سكر عشان اسوي لولدي شاي وملابسه وسخه توه صاحي من النوم وجالس ياكل زبادي قلت ابدل ملابسه بعد ماياكل قلت لزوجي خلني البسه لأن اولادعمه كانوا هناك ماحبيت انه يكون شكله مقرف قدامهم ولدي يسمع كلام ابوه يقوله روح وراح الولد بوساخته وانا جلست اهاوش ورفعت صوتي عليه راح وكب الشاي في المغسله ماشربه وكسرالكاسه وطلع من البيت معصب واحنا كل شوي نطلب من اهله هات وهات وهم من النوع اللي يتضايقون من كثرالطلبات وقبل كنت ادرس بالكليه ماكنت اسوي غدى لاني ارجع تعبانه من الدوام يروح يجيب من عندهم غدى والايتغدى عندهم وماعرفت الامن حريم من جماعتنا يقولون ام زوجك تسبك تقول اني ماعرف اطبخ وان ولدها دايم ياكل عندهم وانا انقهرت وجلست ابكي لما سمعت الكلام هذا بس ماعلمت زوجي غير انهم مايحبون ولدي الثاني يكرهونه مع انه طيب وهادي مومثل الكبير يحبونه ودلعوه وانا انقهرلما اشوفهم يعاملون ولدي الصغير كذا واحقدعليهم بالله وش ذنبه طفل صغير ويكرهونه ويفرقون بينهم في المعامله ماينادونه باسمه يلقبون له وانا ساكته ماعمري قلت اوبينت لزوجي وبعدماكسر الكاسه وطلع من البيت ارسلت له رساله اعتذار وانه اتكالي بشكل كبير على اهله وقلت له ان اهلك يتضايقون من كثرالطلبات وانهم مايحبون احدياكل ويشرب عندهم وانه دايم يطلعني غلطانه واني اكره اهله.بس هو زعلان ولايكلمني وانا تعبت من المشاكل والحمدلله انامابيني وبينه اي مشاكل خاصه لكن دايم مشاكلنا عشان اهله وللعلم انه عنده اثنين من اخوانه متزوجين ساكنين في نفس المدينه لكن في شقق بعيده عنهم ويحترمونهم ويعاملونهم احسن مني.
بالله قولو وش اسوي والله ان نفسيتي زفت وصبرت كثير عليهم ودي استقل بشقه بعيده عنهم لكن مستحيل يوافق وانا والله مايطاوعني قلبي اني ابعده عن اهله مع العلم ان ابوه عايش وهويصرف عليهم وعندهم اخ عزوبي باقي ماتزوج.واخواته ثنتين .
وش السواه مابغى اخسرزوجي.