اخ من خوات زوجي كيف اتصرف معهم

1. ابكتب مشاكلي على شكل نقاط ياليت القى عندكم الحل


2. 3- نادرا ما يجلس معاي يسولف


3. 4- لايحب السفر ولا الطلعات للمطاعم وغيره


4. 9-كان يحاول بشتى الطرق انه يخليني اصرف معاه بمصاريف البيت لاكني ارفض


5. 10- اذا كان راضي عني يعطيني مصروف واذا كان زعلان ما يعطيني


6. الحلول الي استخدمتها معاه :

ابكتب مشاكلي على شكل نقاط ياليت القى عندكم الحل

انا بنت الحمد الله حلوه ومثقفه واحب التأنق وانسانه طبعي هادي وبارده جدا وعندي هوايات وعندي طموح جدا عالي وكنت اطمح اني اكون سيدة اعمال لاكن اريد ان اعمل من البيت
هو انسان عصبي جدأ جدأ جدأ ودقيق جدأ ليس عنده طموح وزاهد بالدنيا لا يرد ان يحسن من وضعه المادي ولا يحب التأنق وقراراته مستعجله وسيئ الظن بمن حوله جميعأ ليس اجتماعيا عنده صديق او صديقان وليست علاقته بهم قويه لايعرف الا اهله اصدقائه هم اخواته ووظيفته ومشاهدة المباريات فقط
ِ
حبيته من ايام الملكه وحبني وكان يزورني باستمرار يحبني ولا يصبر عني لما بقي على الزواج 3 اسابيع حدث سوء تفاهم على موضوع الزواج لم افهممه ولم يفهمني كان يصارخ على وبقوه ويتهمني باني لا احب اهله ولا اريدهم لاني طلبت بزواج رجال فقط والنساء نحتفل معهم فيما بعد بعدها فكرت بالطلاق زعلت عليه صار يكلمني وانا لاريد فكنسل موضوع الزواج عشان يراضيني وانا اصلا ابي اتطلق كلمت مراكز استشارات وقالو لا تتطلقين بعدها صارت هالمشكله نتهاوش عليها كل ما عصب ليش ما سويتو لي زواج ليش ما سويتو لي زواج........من هذه الموقف اخذ فكره اني ما احب اهله
1-مشكلتي الاولى والرئيسيه هم اهله علاقتي بامه كويسه لاكن خواته ملاقيف أي شي يقولونه له اخواته يجي يهاوشني هم عددهم كثير وكبار بالسن بعضهم عندهم اولاد بعمر زوجي وهم الي مربينه على ما يبون ويخاف من خواته كثير ويأتون شبه يومي عند امهم وانا ساكنه فوقهم بدور منعزل تماما عنهم
لم اخطئ في حق اهله ابدأ صابره على رمي الكلام والقافه لاكنه يهاوش وبقوه على ملاحظاتهم مايبي اهه يشوفون على ولا شي ما يعجبهم حتى لو انه بسيط كان دائما يدخل ويهاوش على حاجات تافهه مثل ليش اختي فلانه تتصل ولا رديتي عليها ليش طلعتي من اهلي ذاك اليوم ولا قلتي مع السلامه ليش ما تزلين بدري عندهم وبعد ولادتي زادت الملاحظات صارو يدققون على وعلى ولدي مثل ليش ما البسه ليش ما تهتمين فيه ليش ما ارضعه ملاحضات دقيقه وتافهه لاكن زوجي يعاقبني عليها عقاب كبير........ كان يبيني انزل كل يوم عندهم وعندهم يوم الخميس هذا يوم جمعتهم وكان اخوانه الرجال يجلسون معنا وواجب علي انا لا اتخلف ولاخمييس اانقطعت عن اقاربي واشتكيت له قلت اني انقطعت عن اقاربي ولا اريد ان اجلس مع اخوانك لان هذا محرم شرعا رد علي وقال( قولي لاخواتي انا ما عندي مانع لاكن خواتي يرفضون )!!!!!!! وكنت اذا ذهبت لاقاربي يوافق لاكنا ذا راح عند خواته حرشوه ضدي وقالو زوجتك ما تبينا ويجيني معصب ونتهاوش ونقعد شهر متزاعلين وقالي (اذا تبين تروحين عند اقاربك لازم تستأذنين من خواتي )
من هذه الكلمه تغيرت واصبحت اقول كل مافي خاطري وارفع صوتي قلت انا ما تزوجت رجال انا متوجه خواتك قام ضربني و طردني
2- لم اجد وقت ابدا للبدء في مشروعي الصغير بسبب انشغالي مع اهله لايحترم مواهبي ابدا انا رسامه منعني من الرسم لاتفرغ لخدمته والجلوس مع خواته

3- نادرا ما يجلس معاي يسولف

4- لايحب السفر ولا الطلعات للمطاعم وغيره

5-يدقق علي في عمل المنزل لا يعجبه شي ابدا مهما عملت يذكر لي عيوب دقيقه جدا حتى بعد ما حملت لم يرحمني ابد كنت اشيل حاجات ثقيله جدا جدا لحد ما طحت بالمستشفى من الالام الي بظهري وبعدها لم يتأدب استمر على قسوته
6-يوافق على اشيا مثل ان اخرج ولا اسجل في دوره ولا ادخل النت ولا ازور اقاربي...... وبعد كذا يوم يعصب ويهاوش وكاني سويت هالشي بدون استأذان
7- ما نقعد اسبوعين الا و نتمشكل وتنتهي مشكلتنا بضربه لي وطرده على اسباب تافهه جدا جدا جدا خاصه اذا كانت المشكله تخص اهله تدهورت حالتي النفسيه بسبب الضرب والطرد والاهانه(حسبي الله عليهم دنيا واخره)
ويتجج بطرده لي انو هذا البيت بيت امي مو بيتك وهي مسكنتك ابلاش المفروض تشكرينها لانها مسكنتك ابلاش
8-لايتحمل المسؤليه كل ما اطلب منه شي لي او لولدي بقولي خلي اهلطك يسونه لك

9-كان يحاول بشتى الطرق انه يخليني اصرف معاه بمصاريف البيت لاكني ارفض

10- اذا كان راضي عني يعطيني مصروف واذا كان زعلان ما يعطيني

11- كريم مع اهله وطيب جدا لدرجة الغباء ويخددم خواته او بناتهم او ازواجهم باشياء مستحيل يخدمني فيها واذا واجهته يتعذر باعذار واهيه وكرمه مع اهله مخليه بص الشهر مفلس ما عنده ولاريال وهالشي اكيد انا متضرره منه كثير واهله ما يردون له كرمه وخدمته لهم

الحلول الي استخدمتها معاه :

حاوت اتقرب من اهله بالهدايا انزل بشكل يومي واطبخ لهم احيانا لاكن ما يبين في عينه بل بالعكس نزلتي لهم سببت لي الكثير من المشاكل لكثرة ملاحظاتهم التي ينقلونها له
اتفقنا انا وياه على نقاط وكتبناه بورقه وهي انو يوم لاهلك في الاسبوعين على اساس اتفرغ لمشروعي ولا انقطع عن اقاربي فلو احتجت للمال اهلك لن يعطوني شيأ ابدا فليش اضحي بمصدر رزقي بسببهم لاكن ما فيه فايده يطبقه كم اسبوع وبعدها يرجع زي قبل
صارت مشكله كبيره بيني وبينه وكالعاده كانت بسبب خواته طردني وبعد شهر رجعني وعطاني نقاط امشي عليها انا وياه ومن ضمنها قالي اعتبري اهلي ما تو خلاص لا تروحين لهم واشتغلي وسوي لك مشروع لاكن ما جلسنا فتره بسيط الا صار يهاوشني ليش ما اروح مع انه هو الي طالب اني اقاطعهم
واجهت اكبر خواته بانهم سبب مشاكلي وطلبت منهم يكفون شرهم ولاعاد يقولون له شي عني ردت وقالت اننا نبيك تصيرين حرمه عشان كذا نكلمه عنك وعصبت علي وقالت لاعمرك تجين الي ما يبينا ما نبيه
حاولت اني انظف البيت ولا اخليه يشوف علي ولا شي لاكن يطلع لي عيوب صغيره جدا ما تحمل تصير مشكله عشانها!!!!!!!! بصراحه ما اقدر اغطي كل طلباته
اصبحت لا اتكلم لا عن اهلي ولا اهله لاكنه هو الي يجيب سيرتهم ويسأل ويجادل ويجبرني ان اتكلم واذا لم ارد يعصب ويعتبرها تطنيش وحقران
تدخل اخواني كثير بخصوص الضرب والطرد ولاكن بدون فائده
كل الي ابي اوصله هو حياة مستقره بعيد عن المشاكل وابي ابدء بمشروعي وامارس هواياتي فعملي هو رقم واحد في حياتي واشترطت عليه ذالك وقت عقد القران ولاكن بدون فائده
واتمنى اقاطع اهله او تكون زيارتي كل شهرين فمجد ما اتذكرهم يجيني اكتأب وضيقة صدر