الحياه بين دمعه و بسمه

الجزء الأول
بالمستشفى قسم الولاده ... من 20 سنه
مها "بعيون ها دموع" ::إذا جات بنتي سموها على جدتي آمنه
سعود "بتعاطف" :: مهاوي بسج خلي عنج هالكلام مابج إلا العافيه وبتربا بحضنج
مها "سالت ادموعها" :: حاسه أني ما بشوفها
سعود "عصب من تشائمها" :: ماعندج سالفه .. بنادي لج جسوم "وطلع"
بعد ربع ساعه جاها جاسم
جاسم "ابتسامه" :: هلا بأحلى أم بنوته بالدنيا
مها "ابتسمت" :: هلا بأخوي هلا بجسومي
جاسم "عدل وقفته " :: احم احم .. كل هالدلع لي من قدي .. طلبات القمر أم القمر
مها "بجديه وتحاول تتمالك نفسها" :: جاسم طلبتك
جاسم "بنفس الجديه" :: آمريني تم
مها "بدت تغرق اعيونها" :: راعيها وحط بالك عليها
جاسم "تنرفز" وقاطعها :: اهيه بقلبي وعيوني وبتتربا بعزج وشنو هالكلام
مها "ادموعها بدت تنزل" ::أنا ياليت
جاسم "حاز بخاطره حالتها" قاطعها ::مهوي شنو هالكلام استغفري ربج
مها "واهيه اتشاهق وتصيح بصوت واطي" :: جاسم خلني اكمل وافضفض
جاسم "واهيه كاسره خاطره" :: بسج ادموع يا أم الغاليه .. سمي
مها "تحاول تهدي نفسها"::أنا أحس أن الله يحبني وبياخذ أمانتي وما بشوف آمنه ما أوصيك عليها .. "شاهقت وكملت" الدين ما وصيك على الدين
جاسم "بدت تتجمع الدموع بعيونه" :: إن شاء الله لا توصين هذي بنتي وبعيوني
مها "ابتسمت بارتياح من بين ادموعه" :: هذا عشمي فيك أبيك تلفها بالرعايه ومحبتك وعطفك وادري سعود مب مقصر معها بالفلوس بس بوديها تدرس برع لين تخلص كل دراستها روح لها وتطمن عليها على طول ولا تقطعها
جاسم " ابتسم وأشر على اعيونه " يعني *من عيوني*
مها "دايخه من كثر الصياح" :: تسلم اعيونك يا أخوي طمنت قلبي
جاسم "وعيونه تدمع على حالها ومسحهم بسرعه ثم ابتسم لها وقال" :: أرتاحي الحين يا أم الغاليه
وفعاً مها من حطت راسها على الوساده نامت من التعب
مها كانت متزوجه من سنه ونص عمرها 20 لما جابت آمنه من عايله عادية المستوى أبوها ( حمد ) بخيل
وزوجته (منيره ) صاحبة حش وتسيورات ولا تدري عن بيتها غير الأكل وكله محرضه حمد على حفيدته آمنه
أخوانها ..
راشد 37 رجل متفتح عادي الطول طيب حلو المجلس أبرز ملاحه خشمه (سلت سيف) والشعره إللي لين كتفه يشتغل بشركه وسفراته وايده ماخذ بنت خالته .. مي عمرها 27 سنه مليانه عاديه الطول ملامحها نعومه بشرتها سمره وذويقه .. وعندهم ولدين .. حمد 9 سنه و محمد 4 سنوات
فهد 33 انسان طيب يمكن ملامحه مافيها المميز بس أسلوب تعامله الراقي يجذب الانتباه عنده منيره 8 سنوات واللي نسخة من أمها حنان اللي توفت من ثلاث سنوات
نجله 29 طويله بيضه دبدوبه اشوي شعرها اسود لين ركبها حبوبه تشتغل مدرسه مطلقه بسبب عقمها تموت بمنوره
ومها أختهم من أبوهم وأخذها من أمها (حصه) بالغصب من عمرها 3 اشهور وقطعها عنها..
أمها حصة (53 سنه) عايشه باميركا مع أخوها مبارك وبناتها جواهر وريم من بعد وفات زوجها
خالد عمره 34 سنه عايش بقطر متزوج من بنت عمه منيره .. عنده كلثم وغاده
عبدالرحمن عمره 30 سنه عايش بقطر متزوج من شذى وعنده سلطان
جواهر عمره 23 سنه عادية الملامح بيضه مخطوبه لعبدالرحمن عن محبه تشتغل بشركه
ريم عمره 19 سنه حلوه وتشبه أبوها نسخه حنطيه تخصصها (( بايولجي ))
مبارك عنده دكتور بجامعه بامريكا عمره 49 زوجته هنادي 45 عندهم
عبدالرحمن 25 سنه هادي الملامح اعيونه امكحله أبيض البشره قلبه كبير ويتحمل الكل ويفضل الغير على نفسه (( يكمل دراسات عليا إدارة أعمال ))
ماجد 22 سنه حاد الملامح واعيونه اوساع امكحين بشرته حنطيه شايف نفسه يستبق الأحداث ويتخذ قرارات متسرعه (( هندسه معماريه ))
آمنه 19 سنه حلوه ما أخذه ملامح من جدتها إلي الكل كان وللحين يتكلم عن جمالها ومسميه عليها
(( فنون ))
فؤاد 15 سنه هذا راهي ضحك ومقالب مزيون وأبيض ودايم مع ساره بنجره
ساره 12 سنه هذي ملامحها عاديه تحب فؤاد وايم ومعاه بمناجر ولا بمقلب
زوجها سعود رجال كبير عنده اعيال كبار بس كان وده ببنت تنور بيته فاخذ مها من كبار رجال الأعمال وأغناهم وعنده 8 أولا وأصغرهم يوسف
عبدالعزيز .. 45 (( ولد نوره )) واحد غرامه الفلوس عصبي ويبي الكل على مزاجه متزوج من .. حمده بن تاجر .. دلوعه ومرفهه ولا لها خص فأحد راس مالها وناستها وراحتها و عندهم
سعود – 21 مالج على ناديه بنت عمه وعرسهم بالصيف لأن باقي له سنه ويخلص (( ادارة أعمال ))
فواز – 19 يدرس محاسبه ببريطانيه ويحب شريفه ويبيها صريح يقول جام الكل ما يستحي
نوره – 15 دوم مع لولوه وفاطمه وربع الروح بالروح .. بيضه وعيونها خضر ( على من مادري)
نوف – 12 رفيجت مهره بنت عمها .. دبدوبه من قلب وقصيره وعيونها اوساع
علي – 10 دلوع البيت ولد أمه كله معاها ولحد يكلمه إلا ويصيح .. دبدوب أبيض ومزيون
محمد .. 43 (( ولد نوره )) إنسان مهزوز الشخصيه شوي الكل يأثر على رايه متدين وما يسلم من افكار أخوه متزوج من .. نجاه .. بحرينيه كانت معاه بالجامعه ببريطانيا عنيده إلي في راسها لازم تسويه وطيبه وحنونه على اعيالها و عندهم
توأم سعد وسعيد – 18 يدرسون بجامعة كونيل طب .. حنطيين وملامحهم حاده الفرق بينهم بأن سعد عنده غمزتين وسعيد غمره وحده وشامه اصغيره براحة يده
مهره – 12 رفيجت نوف بنت عمها .. عود من ضعفها .."مريضه بفقد الشهيه"
ناصر .. 42 (( ولد شريفه )) واحد راس ماله مصلحته ما يهمه إذا صح ولا لا أهم شي مايخسر شي له متزوج من .. وضحه .. بنت خاله نفسه تشوف مصلحتها ومصلحت أهل بيتها تغار من اختها وعندهم
ناديه – 20 باقي لها سنه وتخلص لأنها كانت تضغط على روحها بالصيفي .. هاديه عيونه مكحله
لولوه – 15 دوم مع نوره وفاطمه وربع الروح الروح .. اضعيفه وحنطيه وشعرها أسود قصير
سعود – 8 دلوع الماما دبدوب حنطي .. عادي الملامح .. عصبي
نايف .. 42 ((ولد شريفه )) طيب ويحب يمشي بالصح عجبه ولا لا وحتى لو غيره مب راضي متزوج .. موزه .. بنت خاله طيبه وتحب أختها دوم تسأل عن آمنه بس من كثر ما أختها تخرب صورة آمنه عندها قامت تبتعد عنها "عن آمنه" وانسانه خيرها يعم الكل وعندهم
جراح – 21 هذا عسول وكل ما قالوا له نخطب لك قال أبي وحده نفس آمنه (( طب ))
شريفه – 18 تدرس بجامعة قطر رياضه .. اعيونها عسليه اوساع(ذباحه على قوله فواز) اضعيفه طويله بيضه .. شعرها لين نص ظهرها بني غامق
فاطمه – 16 دوم مع نوره ولولوه وربع الروح الروح .. بيضه .. طويله ..شعرها قاصته بوي بني
زايد – 12 هادي .. اضعيف يعتمد عليه رغم صغر سنه .. مطيع وحبوب
جاسم ... 39 (( ولد نوره )) أنسان هادي وعاقل يوزن الأمور يحس بالمسؤوليه ناحية أخته اليتيمه متزوج .. العنود .. إنسانه عندها حب تملك عندهم
سعود – 16 عصبي .. شايف نفسه .. كلامه لازم يمشي .. اسمر طويل واضعيف وايد .. شعره ناعم واسود .. "مسمي ل لولوه "
نوره – 13 قويه وعندها حب التملك .. عيونها نعسانه .. ونعومنه وبيضه
آمنه – 10 هذي أخذت هدوء وعقل أبوها ودوم معاه .. بيضه قصير وشعرها الاسود لين نص ظهرها
مها – 8 لزقة أمها وتغار من غانم لأنه اخذ أمها منها
غانم – 3 دلوع الكل بالبيت دبدوب ابيض يجنن
عبدالله .. 36 (( ولد كريمه *لبنانيه* )) مب متزوج عنده دكتوراه في الطيران
يشتغل طيار ما يحتك باخوانه يحب آمنه ويروح لها بسكات
خليفه ... عمره 33 (( ولد سارا *امريكيا* )) واحد ماله شغل بأحد همه بيته وعياله ولا يدخل مع أحد بمشاكل ملامحه حلو وعربيه بس أخذ من أمه لون البشره اضعيف وطوله عادي
متزوج .. دانه .. إنسانه حبوبه وايد حلوه واصغيره اضعيفه ونعومه
ساره – 4 كأنها اوروبيه جميله .. تشبه ابوها
فيصل – 2 عيونه زرق ويشبه امه
يوسف .. عمره 25 (( ولد سارا*امريكيا* )) إنسان كول .. بس بحدود .. يحب آمنه وايد .. ودايم معاها .. شكله أجنبي طويل عريض مع بعض الملامح العربيه وأشقر .. (( دراسات عليا تسويق ))
آمنه ..20 سنه .. تشبه جدت أمها وأمها إلي فعلا كانوا جميلات ناعمه ملامحها ناعمه بيضه والخدود ورديه .. حبوبه وشاطره وطيبه وعلى نياتها .. تدرس هندسه كيميائيه .. وتبي فنون بعده بما أنه ممنوع تشتغل
تم الجزء الاول
أنتظر الردود

لا مو معقولة زعلت

قصة رائعه غاليتي
بانتظار الجزء الثاني بشوق
...

جاسم رجع للواقع وانسدح على الكرسي وقال بخاطره "مبتسم بحزن" ** خليتيني يا مها خليتيني يا أختي إلي ما جابتها أمي والله فقدتج .. وأمانتج كبرت وصارت قمر نفسج وإن شاء الله تكونين راضيه عن إلي قمت به وشلون صارت ** "تنهد بعد ما انقطعت افكاره برنة التلفون "
على شاشة التلفون أمونة قلبك تتصل بك
ورد عليها
جاسم :: ألو
آمنه :: أهلين بالغالي أخو الغاليه
جاسم "ابتسم" :: هلا بأمونة قلبي
آمنه :: شخبارك باباتي "بعتاب" وين ما اتصلت اليوم
جاسم :: معليش غلاي انشغلت اشوي آسفين الشيخه
آمنه :: بس علشان مهاوي بسامحك
جاسم "فيه الضحكه" :: وليش أنا مالي غلا بقلبك
آمنه "بدلع" :: الغلا كله اشوي عليك .. "ببراءه" حتى بابا يسوفي يغار منك
جاسم " ضحك " :: يعني تدرين يالشيطانه
آمنه "تبي تبرء نفسها" :: أنا مادري بس اقول يمكن "تبي تغير السالفه" بابا اشتقت لك متى بتجيني من زمان ما زرتني
جاسم "تذكر" :: ايه صح بعد كم يوم بكون عندك نسيت أقولك
سمعها تصارخ مستانسه :: هيه هيه فله بتجيني
جاسم "يضحك عليها" :: بطيتي الطبله .. خلاص عيل مب ياي ..
آمنه "بخوف واحباط" :: لا عاد لا تقول
جاسم "يسوي روحه امعصب" :: شنو "يقلدها" لا عاد لا تقول .. واحد من الربع
آمنه :: سوري ..
جاسم :: انزين ابوي ما مر عليج
آمنه "صخت فجئه"وبعدين قالت :: امبه
جاسم "خاف" :: أمونه شنو فيج
آمنه "بحزن" :: مرني ساعه سلم علي وعطاني هدية وراح
جاسم "حز بخاطره بس يبي يخفف عنها"قال بمرح :: فله مب أحنا قبل ما كنا نطري له على البال ومايدري أنا وين أصلا
آمنه "تتصنع الفرح" :: يعني الحين أنا دلوعه باباتي
جاسم "تفاعل معها" :: أكيد حتى أسألي يسوف متى آخر مره عطاه هدية
آمنه "تتصنع الحماس" :: متى ؟؟
جاسم "استانس انها نست اهمومها" :: يمكن يقولج ولا عمري كله أنا اطلب
آمنه "تضحك" :: ههه عاد مب جذي باباتي مب قحي
جاسم :: لا كلش بس وين صرفت الفلوس وليش و ايش لزمتك به .. تحقيق مب أنتي تصرفين بدون ولا كلمه
آمنه :: بل حاسدني جسومي
جاسم :: ايه عيل انا أكرف بالشركه وأنتي تصرفين افلوسنا
آمنه "بخوف" :: اللهم لا حسد الله يديمها علي من نعمه
جاسم :: ههه بل خافت من قلب
آمنه :: ايه اكيد بعدين من وين أشتري هدايا لصديقتي لعيال أخواني ولماما سارا
*اسكتت ابلعت ريجها بخون من زله اللسانها*
جاسم "عصب":: من متى ومن وراي
آمنه "غاصه بالصيحه" :: لا أنا قصدي صديقه كبير نسميها ماما سارا
جاسم "رخى صوته علشان ما تصيح" :: اها ومن متى تعرفيها .. ما رويتني اياها
آمنه "ابلعت ريجها وارتاحت نسبيا ومتوهقه" :: إن شاء الله برويك اياها توهم معرفيني عليها البنات
جاسم "حز بخاطره خوفها" :: أمونه لا تزعلين مني بس تضايقت اشوي لأنج ما قلتيلي من قبل واحنا دايم نعرف عن بعض وكل شي نقوله *يحاول يعدل العلاقه ولا كهربها*
آمنه :: آسفه
جاسم "يبي يسكره هالسالفه" :: أوكي حطي بالج على نفسج بروح الحين أرتب اغراضي علشان الطياره مع السلامه
آمنه :: مع السلامه
خلصت المكالمه واهيه فرحانه وحزينه بنفس الوقت ماتدري ليش قررت تروح تغير جو اشوي وتتمشى دقت على يوسف
آمنه :: أهلين يوسف شخبارك ؟؟
يوسف :: هلا حبيبتي بخير
آمنه :: طلبتك يسوفي طلعني ملانه وضايق خلقي
يوسف :: أوكي لبسي وأنا بستأذن من الربع وجايج
آمنه :: أوكي باي
-----------------------------------------------------------------------
يوسف كان عند الشباب وجاه اتصال آمنه وبعد ما سكر التلفون
يوسف :: يلا شباب أستأذن
عبدالرحمن :: وين تو الناس
يوسف :: اي تو الناس وراي مشاغل
مشعل :: من هذي مشاعل
يوسف "يضحك على صديقه" :: مشاغل مب مشاعل يا فالح
مشعل :: احس المكالمه إلي جاتك من بنت وتبيك
وضحكوا الشباب عليه وعلى تفكيره
يوسف :: الغاليه متصله تبيني
عبدالرحمن :: لازم أنت تروح لها خل سعود يروح
يوسف :: لا وين اروح لها أنا احسن يالله باي
سعود :: اجي معاك
يوسف :: يالله تعال مع السلامه
الكل :: مع السلامه
ولما طلع عبدالرحمن سحب مشعل
عبدالرحمن "مندهش" :: تعال مشعل هذا ما توقعته قطري ؟؟ من وين اتعرفه ؟؟
مشعل "بغير اهتمام" :: آآآي يخي عورتني ... أنا وماجد ماخذين ماده مع ولد أخوه ..
ليش تسأل ؟؟
عبدالرحمن "للحين مندهش" :: مادري بس ما توقعته اقطري
مشعل :: اها .. للمعلوميه أمه أمريكيا
عبدالرحمن "بدى يستوعب" :: اها وانا اقول ليش ما يبين عليه .. وهو عايش عند أمه
مشعل "زهق من كثرة أسألته" :: لا يسوي دراسات عليا نفسك .. ياخي فج خلني أشوف أخوك ذي مادري وين طس
عبدالرحمن :: اها
مشعل "لقى محد يرد" :: اف .. اشفيه مجود تأخر
عبد الرحمن "بدون اهتمام" :: مادري ما تشوفني معاك حالي حالك .. دق عليه
وراح عبدالرحمن حق تجمع الشباب وترك مشعل يحول يدق عليه
.................................................. ....................................
ووصلوا لآمنه وطلعوا يتمشون اشوي
دق تلفون سعود
سعود :: هلا مجود
ماجد :: هلا أنت وينك
سعود :: انتظرتك ما جيت ورحت
ماجد :: اها .. وينك الحين فيه
سعود :: رايح أتعشى مع الأهل
ماجد ::اها ما يصير اجيك
سعود :: لحظه .. " التفت على يوسف " وين بنروح ماجد بيجيني اهناك
يوسف :: ملاحظ حضرتك أنه آمنه معنا
آمنه :: اصلا ولا يهمه
سعود :: أنتي جب .. "التفت على يوسف يبي يكمل نقاشهم لقاه معصب " اشفيك
يوسف :: من جب " ورفع حاجبه "
سعود " إلتفت على آمنه " :: آسف أمونه حياتي
آمنه " اتطالع من الجامه ولا عبرته "
يوسف :: وين تبي أنزلك بعدين بروح معاها
آمنه :: يكون أحسن
سعود :: لا والله ست الحسن والدلال .."التفت على يوسف" .. بس يبونك
يوسف:: قولهم مشغول .. ومره ثانيه بلاقيهم
سعود قال لماجد وكملوا طريقهم بسكات
آمنه ضايق خلقها ... ويوسف يطالعها بالمنظره لأنها قاعده وراه وضايق خلقه عليها و يفكر بشنو مشغول تفكيرها
سعود افتشل من اسلوبه مع عمته اللي عمرها ما قالت له كلمه تزعله بس يرفض يعتذر
-------------------------------------------------------------
نزلوا اسعود لربعه ويوسف كمل طريقه مع آمنه
آمنه :: نسيت أقولك جاسم بيجي بعد كم يوم
يوسف :: اها .. المفروض تفرحين مب ..ماكمل لأن حس أنها تصيح وإلتفت لقاها "تصيح بدون صوت"
يوسف :: أمونه شنو فيج انا اخوج قوليلي
آمنه "غطت وجها بيدها نفس اليهال وقام تشهق من الصياح "
هو ما استحمل ووقف السياره على جنب ونزل لها فتح بابها ولمها
يوسف "وقلبه متقطع من اصياحها" :: أمونه لا تخوفيني عليج شنو فيج