الحياه حلوه بس نفهمها ورمضان حلو بس تعالو اقولكم موضوع للنقاش

"بسم الله الرحمن الرحيم"
احترت اش اطرح موضوع بمناسبة شهر الخير......
بالنهايه وبعد تفكير ....
كلنا نعرف رمضان شهر البركه والخير والغفران ...
وبما اننا نساء فا من الصباح او بالكثير الظهر واحنا بالمطبخ طرخ
وحوسه ولا كمان من الليل نفكر اش نسوي فطور وماننام من التفكير
تو خلصنا من السحور جلسنا نفكر بالفطور خ راحت علينا نوومه
واحنا نفكر مساكين والله نصحى زي المفجوعين يوه راح علينا الوقت ياربيه
وكل ذا وصحينا الساعه 1 الظهر وعلى طول عالمطبخ حتى وجهنا مانغسله وطلعي اللحمه
ولا الدجاجه يوه نسيت ماغسلت وجهي وماصليت الظهر <<<<لاحظو الصلاه اللي اهم شيء
ونصلي وبسرعه عالمطبخ وهاتك ياشغل لين ياذن المغرب
طبعا لاقرانا قرأن ولا ارتحنا ولا شيء بالنهايه ياكلو ولاحتى تسلم يدك ولا الله يعطيك العافيه
كل واحد الحق ماالحق عاللاكل ........خلصو الاكل يلا قومي شيلي السفره وغيرها
وبسرعه تصلي المغرب حتى الاذكار ماتقوليها وبسرعه تجهزي للسفره الثانيه
يجو من الصلاه بكل اريحيه ياكلو يتفرجو تلفزيون طلبات جيبي سوي وانتقادات
اذن العشاء يطلعو وانسي يرجعو مايرجعهم غير السحور الا من رحم ربي
تستغربي لما الرجال يختمو القران 3 مرات من غير الصلوات التراويح والتهجد
صح في كثير حريم يصلوها ماشاء الله بس يظلو الرجال متقدمين علينا بكثير
طيب نفكر شويا في نفسنا لا راحه لا صلوات بتاني لا قرأة قران
واشياء كثير يجي اخر رمضان نجهز البيت للعيد ومن قبل كل يوم واحنا بالسوق
يعني بكل ماتعني الكلمه هلالالالالالالالالالالاك يجي العيد وجهك شاحب شكلك تعبان
ادري الشمع والفتله والتنظيفات والميك اب بتعطي وجهك شوية نظاره بس التعب والارهاق باين
بالعكس تماما الرجال الراحه والصحه والنظاره <<<<يقولو ماشاء الله من العباده الا من الراحه ....
النهايه******
لو تفكري بينك وبين نفسك محد بينفعك بالنهايه الا صلاتك وعبادتك مااقول قصرو بس اتوقع
شوربا مع صنفين رئيسيين وحلا تكفي مع السمبوسه تكوني مفرزنتها من بدري يعني ماتاخذ وقت منك
واشياء ثانيه تكون مفرزه وبس تقلي وصدقوني بترضو بكذا نفسكم و ازواجكم واولادكم
واهم شيء ماراح تقصرو من ناحية دينكم يعني سوي الاشياء الرئيسيه من بدري والشوربه
وقبل المغرب بساعه اقري قران وارتاحي وبعدها اقلي وحطي تمرتك والمويا والشوربه
والاشياء الباقيه بعد الصلاه تشغلي عليها النار للتسخين على ما تصلي المغرب وتقولي الاذكار على مهلك وتقومي
تطفي عنها وتحطيها مع مشروبك المفضل توت او تانج او .....وتاكلووتريحي و بالهنا والعافيه
والكلام يطول بهالموضووع
ابغى تفضفضو هنا وكل وحده تقولنا كيف ترتب نفسها عشان نفيد بعض
انا ذكرت لكم جدولي فووق واي وحده عندها طريقة اكله وحابه تفيدنا فيها جزاها الله خير
حتى لو كانت كاتبتها بمكان ثاني يكفي تحط لنا الرابط عشان تعم الفايده ........