الخبز بلغاري من مطبخي بصور

السلام عليكم
كيفكم شو خبااركم
اليوم مسويه لكم طبق الخبز بلغاري
وبصراحه هموضوع شفته من اخت منزلته في منتدى ثاني وعجبني وسويته
وطلعت لزييزه
::
المقادير >>>معليش مصورته
1ونص كوب حليب سائل
2بيض
4كاسات دقيق ابيض يمكن اقل او اكثر بشوي حسب نوع الدقيق انا استخدمت الكويتي
1 ونص م ك خميرة فوريه
ثلاثة ارباع فنجان القهوة سكر
1م ص ملح
ثلث كوب زيت
الطريقة:
نخلط المقادير الجافة سوا
ياليت بخلطة العجاانه لان بتطلع العجينه احسن من اليد
بعدين سوائل
وهذي صورة العجينه بعد تخميرها ربع ساعه او نص ساعه
بعدها نقسم العجينه اربعه اقسام
وبعدها كل قسم نسوي منه 4 كور يعني تطلع عندنا 16 كوره ونغطيها علشان ما تنشف
نبدا نفرد الكورة الاولى
وندهن وجهها بزيت الزيتون
ونفرد الثانية ونحطها فوق الاولى وندهن وجهها بزيت الزيتون برضه والثالثه والرابعة نفس الطريقه بس الرابعة ما ندهنها وبتكون عندنا اربع طبقات نبدا نحشيها
:::
طريقة الحشووه
بصل
فلفل حار
زيت لتقلية البصل
8حبات كيري
نقطع البصل صغير والفلفل ونحط عليه قليل زيت
ونقلبه على النار لين يشقر البصل
:::
الحين نبدا بطريقة الحشوه
نحط الحشوه ع اخر طبقه من العجينه ونلفها زي السويسرول
ونبدا نقطعها بهشكل
ونرصها في صينية مدهونة زيت ونمسح وجهها ببيض مخلوط معاه حليب سائل ونرش عليها السمسم وحبة البركة وتخلينها ترتاح 10 دقائق وهي مغطاه بنايلون
>>انا الصراحه نسيت اغطيها بنايلون
ندخلها الفرن وتترك من 25 الى30 دقيقة على نار وسط وهذا شكلها بعد ما خرجت من الفرن
:
:
:
لا تنسوني من صالح دعائكم دمتم في حفظ الرحمن
استغفرالله
استغفرالله
استغفرالله