الخبيرات بالمكياج تعالوا و علموني من الألف إلى الياء طلب سهل

السلام عليكم ورحمة الله وبركاته..
بنات أنا عمري 18 سنه و ما بقى غير شهر و اتخرج من ثانوي..
و أكيد بهالمرحله كان إستخدامي للمكياج مقتصر على الكحل القلم و القلوس..
أما خلال فترة الاجازه لازم اتدرب كثير على وضع الضل (الشدو) و كذا..
لأن وراي كلية أو جامعة و كل البنات بهذي المرحلة يتدربون على الميك أب ^_^
و على فكره..بشرتي حساسه جدا و نوعها مختلط..يعني جزء منها دهني و آخر جاف و متقشر و آخر عادي << ما عرفنا لها هالبشره
أبغى تقولون لي البنت بهذا العمر يناسبها البودره المضغوطه وإلا كريم الاساس؟علما اني بستخدم واحد م هالاثنين ما يصير اثقل على وجهي.. لانه ما يتحمل
و ميزانيتي للبودره او الكريم 60 (ستين ريال)
و أبغى ظلال الوانها فاقعه مثل اللي بالمشاغل يعني حيل حيل يبين اللون..مو مثل حقين مكياجي اللي كأنهم من سوق بو ريالين
طبعا أفضل يكونون ألوان متعددة في علبة واحدة..مااحب كل لون في علبه..و عيوني حساسين ايضا لذلك أبغى ماركه محترمه طبيا و ليس مادياً ^_^
و ميزانيتي لعلبة الظلال(الشدو) 70 (سبعين ريال)
نجي لشيء مهم جدا جدا بالنسبة لي..وهو الفرش..بليز بنات ماابغى مجموعه كامله كأني خبيرة مكياج.. لا أبغى الفرش الأساسيه و اللي من خلالها اقدر اوزع الشدو مضبوط و اقدر من خلالها ارسم رسمات مثل المشاغل..
و أيهما أنسب من ناحية الجوده و السعر و قولوا لي الأسعار لا تنسون..وجوه..مكياجي..فافوم..
و كيف أعرف الفرشاه اللي تقصدونها و حق شنو استخدامها؟!!!
ميزانيتي للفرش مو الفرشه الوحده لاء مجموع الفرش اللي بشتريهم 50 (خمسين ريال)
و بالنسبة للأضاءه أنا أفضل الإضاءة البودرة..شنو أفضل ماركة للإضاءة؟!!
ميزانيتي للأضاءة 50 (خمسين ريال)
تقريبا بس هذا اللي احتاجه و اللي مااعرفه..اما الأرواج أحب ريميل و جي كازنوفا و قلوس ذى بودي شوب بس ما شريته النوع اللي ب60 ريال لأن ميزانيتي للأرواج 20 ريال.
بانتظار ردود الخبيرات و ياليت بالصور و الأسعار بليز
لكم تحياتي و كل احترامي
أختكم في الله بن + هيل = أحلى قهوة
بس أحب تسموني نحول
والله يوفقكم و يسعدكم
في أمان الله