الدرس الثالث صابرين كمال

اهلين حبايبي
اليوم بعلمكم ابسط طريقه لمكياج دخاني
ناعم وبسيط
ونتيجة الدرس بتكون مثل هالصور
وطبعا انه استخدمت شدو مضغوط فقط في هالميك اب
عشان يسهل عليكم الدرس
وبصراحه انه استخدمت صبعي في وضع الشدو وفي دمجه
تره وايد اسهل واسرع بنات جربوا
المهم
استخدمت هالالوان من ماركة بافيرا
استخدمت الابيض والبنفسجي والماروني والبطيخي وقليل جدا من اللون الاصفر واللون الازرق
وهاذي صوره للماركه
وتتواجد هالماركة في جده والرياض فقط
طبعا هي ماركة ايطاليه وبروفشنل
المهم تبتدي الدرس وسامحوني الاضاءه تعبانه لان اضاءه الغرفه اللي اتمكيج فيهه وايد قويه
فطريت عقب ماكملت تصوير الخطوات
اطلع واروح غرفه ثانيه عشان الاضاءه احسن فيهه
وصورت لكم النتيجه النهائيه للدرس
المهم نبتدي
هاذي العين بعد وضع الكريم الاساس والكنسيلر
استخدمت اللون الابيض تحت الحاجب
حطيت على الزاويه الداخليه للعين لون بطيخي (طبعا كله بالصبع)
وعلى باقي الجفن المتحرك حطيت اللون البنفسجي الغامج
رسمت قوس باللون الماروني فوق الجفن المتحرك
دمجت الالوان بالصبع باتجاه الزاويه الخارجيه للعين وبمسحه بسيطه ظفت اللون الاصفر تحت مقدمة الحاجب
ادري مايبين في الصوره لان التصوير مو شي
بس بتشوفونه فوق في الصور اللي حطيتهم لكم في البدايه
المهم نكمل فديتكم
نخط الاي لاينر هم من ماركة ريفيرا
ونمده خارج الزاويه الخارجيه للعين مثل الصوره
واخيرا نخط بالفرشاه او بعود الاذون تحت العين باللون الازرق
ونرسم الحاجب وماننسه المسكارا والقلم الابيض داخل العين
وبتكون النتيجه جذي
ناعمه جدا
واذا بقيتوا المكياج للسهره مثلا
لازم تكون الوانه اثقل واوضح
فشسون؟
تستخدمون ظل مائي اسود كبيسك قبل الشدو المضغوط
تحطون الظل المائي الاسود على الجفن المتحرك وتدمجونه وتوزعونه باتجاه الزاويه الخارجيه للعين
بعدين توزعون الشدو المضغوط عليه مثل ماعلمتكم
تكون النتيجه
مكياج اثقل والوانه اوضح ويصلح للسهرات
تحياتي لكم جميعا وان شا الله يعجبكم هالدرس الخفيف