الدونات الفرنسيه خطيره لاتفوتكم

السلام عليكم ورحمه الله وبركاته
هلا يا فراشات كيفكم ان شاء الله بخير
جايبه لكم اليوم دونات بس ايش مو اي شي روعه
مايبيلها شي في خمس دقائق وفطورك جاهز طبعا هذي انا جايبتها من ( فتافيت )والله انا يوم شفتها قلت ايش هذي عاديه يعني مافيهاش حركه وطعمها عادي بس لما تكون الوحده سهرانه وجوعانه وشافتلها طريقه ولا اسهل منها قلت يالله يا شيخه ايش خسرانه سويهاوالحين ادمان عليها اقول طولت عليكم يالله
نبدأ بالمقادير :
بيضه -توست حبه وحده -ملعقتين حليب سائل -سكر-فانيلا
لتغميسه :فراوله طازجه او مجمده +سكر
الطريقه :
نقسم التوست الى نصفين يعني مثلثين ثم نخفق البيض ونضع معه السكر والحليب والفانيلا بس كثري الفانيلا لانه هو اهم شي
وبعدين غمسي التوست في الخلطه وخليه الين يتشربه ثم سخني التاوه وحطي فيها شوي زبده ثم حمري التوست من الجهتين وبعدين تكوني مجهزه سكر مطحون وغمسيه في التوست وحطيه بالصحن التقديم وبجانبه التغميسه وهي الفراوله بعد ماتخلطينها في الخلاط مع السكر وبالعافيه عليكم
والله تراها مره لذيذه وحلوه وحركه كمان
ايوه كمان ذكرت حاجه تقدرين تحطين اذا بغيتي بدل الفراوله شوكلت
عاد ها ماوصيكم الي تسويها تقول ايش رايها فيها