الدينمو لا يدفع الماء وش الحل

1. براودن : كمّل قبل لا أجلدك ؟


2. ابشر ابشر

قمت أنت ذاك اليوم الفجر وتبي تتوضأ وفتحت البزبوز
إلا ويطلع لك جنّي يتيم عور ويقول لك ياأخي غصب ؟ مافيه موية

براودن : كمّل قبل لا أجلدك ؟

ابشر ابشر

تنقهر وتعظ برطمك اللي كنّه درج ملاعق إذا وقفت الموية فجأة , رحت للدينمو ولقيته شغّال لكن لايدفع الماء للخزان العلوي وغالبا تلقاه مولّع يعني حار لأن المروحة تدور بلا ماء وتطّل في الخزان إلا وتلقاه مليان ويتاغر من توافر الماء
؟؟؟؟؟؟؟؟؟؟؟
فتضطر إلى فعل الآتي :
طيّب وبعدين كل مرة بتعبي موية >> والله حالة
الحل ياقماعة الرابعين هو:
فك ماصورة الخزان بأبو جلمبو >> الأداة وليس العضو معنا
اقصد الماصورة المغذية للدينمو التي في الخزان الأرضي هذه:
ستجد في آخر الماصورة حاقة كدا مستديرة تسمى (( شفّاط ))
وانتبه تقول لراعي المحل عطنا شفاط النمل
وهذه صورته:
وخذ الأصلي ولاتهمك القيمة وابعد عن التجاري 20 فرسخ
وركبّه بدال المجيّم " الخربان" اللي عندك
ثم خضّ " رجّ "الماصورة ألين تمتلىء بالماء وانتظر
إذا انخفض منسوب الماء في الماصورة فشغلك ماش
وعليك بفك الشفاط والتأكد منه
أما إذا كان منسوب الماء ثابت
فشغلك عدل فركب الماصورة وفالك تتروش
ثم
شيّك على مفاصل مواصير الدينمو وتأكد لا يكون فيه تنسيم
ولف الفواصل بالشطرطون الأبيض حق المواصير
وأكرب على قفايزها زين
واحقن الدينمو موية >> بإذن الله هذه الحقنة الأخيرة >> الله يستر لا يجوّنا مكافحة المخدرات
ثم شغّل الدينمو وتأكد من دفع الماء ثم اكرب على السدادة التي صبيت معها جركل الموية
ولا يهمك السبّاك اللي بيزرف دراهمك على شيء مايسوى
وخلك ذيب واترك عنك العجز
وتمردق جعل من جابك في الجنة
منقول