الرجاء الدخول واخذ النصيحة

1. المهم

السلام عليكم ورحمة الله وبركاته
كيفكم يابنات والله وحشتوني موت بس معليش انشغلت مرة وسامحوني ع التقصير وانشالله تكونوا بالف صحة وخير وكل عام والجميع بخير بقدوم الشهر الفضيل

المهم

يابنات في وحدة من قريباتي سوت فرد عند وحدة وياليت ماسوته والله لو تشوفوها يابنات كيف نفسيتها تعبانة شي يحزن وقسم بالله العظيم انه شعرها تحول من ناعم وغزير الى خشن وجاف وواقف لو اوصف لكم خشونة وقرف شعرها حتى صار ملفت من خشونته والمشكلة صاير واقف زي العضمة حتى مع الاستشوار متصدقوا انه قريبتي ماكانت تطيق شي اسمه زيت ولا كانت تحط زيوت ودحين تشتري زيوت على الف وخمسمية عشان حالتها والمشكلة قبل ماتسوي الفرد اليوكو على قولتها قالتلها قريبتي اهم شي مابغاه واقف فقالتلها الكوافير مع انه انا متاكدة لاهيا كوافيرة ولا هيا دارية عن شغلتها ابشري لاتشيلي هم حاخلية لكي موية وحاتستغني عن الاستشوار وحتى مابين فية الفرد وقسم بالله وربي شاهد على كلامي انة البنت بحالة سيئة وصارت كل بعد استحمام لازم استشوار وحتى زوجها انتبه لشعرها وقلها ليش شعرك صار واقف والمشكلة قريبتي لها اربعة شهور مسويتة وليومك هذا لاهي راضية ترد على جوالها ابدا وحتى رسايل ترسلها برضو مطنشتها والله انها تحزن كان شعرها روعه وكانت ناعم بس مو مرة حرير يعني كان طيب وكان فية لمعة بس هيا فضلت انها تسوي اليوكو عشان تستغني ع الاستشوار مرة ودحين مسكينة بعد كل استحمام لازم استشوار لانه لو ماستشورته يبدا معاها الصداع واصلا من غير استشوار فشيلة وواقف مرة وقالتلي لازم تقوليلهم اسم الكوافير عشان لايتورطوا وهيا يوكاد قشطة في المدينة المنورة
هادي نصيحة مني عشان لاتتورطوا