السينابون للي تبغاه بطريقة مجربة ومن عندي

السلام عليكم
يافراشات انا شفت ان انتوا تسالوا عن السينابون
وهذي الطريقة من عند اختي وعجبني مره كانه نفس السينابون الي في المجمعات ...
بس اهم شي تكوني دقيقة في الطريقة عشان يضبط معك
انا لما عملت صورته في النهاية يعني ماصورت الطريقة
المقادير::::
2 كوب دقيق ويفضل دقيق كويتي.
1 م ص بيكنج بودر
1 م ص خميرة فورية
ذرة فانيلا
رشة ملح
4 م ك سكر
4 م ك زبدة
2 م ك زيت
3 م ك حليب بودرة
1 كاس ماء
تعجني المقادير مع بعض .. يعني النواشف اول وتظلي تحركي فيها تحركي فيها عشان يدخلها هواء كثير
يعني في حدود الربع ساعة ...
بعدين تضيفي السوائل الي هي الزيت والزبدة عدا الماء ... وتظلي تعجني فيها ... راح تشوفيها زي الخبز المفتت ...
وتصبي عليها الماء ويكون دافي على خفيف ... وتظلي تعجني وحاولي انك تعادليها اذا حسيتي انها احتاجت دقيق بملعقة او ملعقتين ...
وتتركيها تتخمر لمدة ساعة ....
بعد ما تتخمر تكوني مجهزة هذي المقادير ..
سكر ناعم
قرفه مطحونة
زبدة سائحة
الجوز <<< هذا الي تبع المكسرات مش المبشور الابيض ..
والجوز يكون مجروش يعني تكون القطع يادوبك مقسومه نصين ثلاثة بس
وفي الخلاط
ست حبات كيري مع حليب نستله مع بعض
الطريقة الحين
تفردي العجينة وبتكون على شكل مستطيل
اذا كنتي حابة تكون القطع صغيرة اقطعي المستطيل الى اثنين ... عشان القطع تكون صغيرة
اما اذا حبيتي يكون مقاسها كبير فاتركيها مثل ما هيه
بعدين تمسحيها بالزبدة السائحة كل العجينة وتحطي فوقها القرفة والسكر والجوز ..
وتلفيها زي السويسورل .. وتقطعيها بمقاس ثلاث اصابع او اقل ؛<<<< على حسب مقاس اصبعك اذا كان كبير او صغير خ
وتصفيهم في صينية ممسوحة بالزيت وتتركي بينهم مسافة 2 سم تقريبا
وبعد ماتخلصيهم
صبي فوقهم مقدار من الخليط (حليب النستله والكيري) طبعا مو كل المقدار
وتحطي فوقهم على حسب رغبتك عين الجمل (كاجو)
وتحطيها في الفرن على فرن حرارته عاليه
ربع ساعة بس من تحت
ومن فوق شغلي الفرن عشان التحمير مع المراقبة حتى تشوفي لونهم صار حلو
واطلعيها من الفرن وتصبي عليها باقي خليط (حليب النستلة والكيري) واذا كان عندك صلصة الشكولاته هيرشي او غيرها .. صبي فوقهم بشكل عشوائي ..
واكلوها بالهناء والشفاء
وفي الرد الثاني ان شاء الله بحط لكم الصورة النهائية ...
وادعوا لي