الشوفه الشرعيه متى تكون

حبيبتي انتي قصدج انخطبت يعني تقدم لها ولا وافقت ولا ملكت؟؟
عموما الشوفة الشرعية تكون لما الولد يتقدم للبنت
اذا وافقت مبدأيا يعني من كلام اهله حسته ممكن يكون خوش ولد تخبرهم
و اذا هله خبروه ان البنت موافقه مبدأيا يقوم هو يطلب يشوفها عشان يبقى اخر شي الشكل و الاطباع و الشخصية
و اذا شافو بعض و صار ارتياح ياخذون مهلة يفكرون شوي يستخيرون ربهم و يسئلون عن الولد و بعدين يعطون الموافقة النهائية
و الافظل ان يسئلون عن الولد قبل الشوفة بعد>> عشان لو طلع موب خوش ولد مايخلونه يجوف البنت
يعني باختصار الشوفة تصير قبل الموافقة النهائية
بس اذا ملجو خلاص من حقه يشوفها صارت زوجته
اما اذا قصدج صارت الموافقة و ماشافو بعض هاذي غريبة شلون يوافقون على بعض من غير شوفة ولا حتى صورة؟؟
قبل مايملجون لازم يشوفها و تشوفه عشان بعدين محد يقول غشونا و خدعونا
و المفروض تصير الشوفة حتى قبل الموافقة النهائية
قولي حق صديقتج لاتستعيل و خلهم يقعدون مع بعض قبل ماتوافق نهائي
والله يجدم اللي فيه الخير>> بالتوفيق

ماقصرتى يالغلا
هم اعطوهم الموافقه النهائيه وسالو عن الولد واهله شافوها
وتكلمو بالتفاصيل بس تفاجئت انه طلب يشوفها
واهله قالوا بالبدايه انه واثق من اختيارهم ومايبي يشوف العروس
بصراحه غريب اللى صار

عادي يشوفها بس لازم يكون معها محرم

لاحبيبتي من حقه يشوف البنت و تشوفه حتى لو متطمن من اختيار اهله
و يكون معهم محرم و يقعدون يسولفون شوي و خلاص

زهور الشام وMiRiNdA LeMoN
يعطيكم العافيه
هي عارفه انه من حقه وانه يجوز له
بس استغربته انه ماطلب هالشي الا بعد الخطبه الرسميه
المفروض يكون قبل الخطبه عشان اذا مانسبته مايصير شي
من الاساس
على العموم الله يوفقهم

حبيبتي المفروض الاهل مايعطون الشاب كلمه الا بعد مايشوفها وتشوفه بعدين تسمى خطيبه لانها صارت خطبه رسميه ولاتنسين المحرم وجوده ضروري في الشوفه وهذي عاداتنا ياأهل الجنوب عامه وليست خاصه......!!!