الشيب مب عيب بس حتى ولو مشكله

أنا سمعت بخلطة بس من قناة بدايه
ولا أدري اذا كانت تنفع للشيب
لأن الشيب صعب ينصبغ بسهوله
الطريقه : حشى صارت طبخه ههه
ورق شاي وقشور بصل الاحمر الموفي اللي حار الظاهر يسمى البصل الهندي
حطيهم على النار وخليه يغلى وكثري ورق الشاي وبعد مايبرد
حطيه على الشعر وروحي غسليه ويمكن مايصبغ من أول
مره أو يبان شي بسيط بس أنتي استمري عليها وراح يبان
اللون إن شاءالله
ملاحظه : الخلطه هذي تناسب اللي شعرهم أسود
وياليت أختك ماتصبغ عشان راح يزيد الشيب
تجرب هالخلطه يمكن تناسبه أحسن من الصبغات
وضررها ....
السموحه حبيبتي طولت بالقرق وحده ماتنعطى وجه ههه

والله حتى انا عندي هالمشكله بس بكثره مع اني تو ماتعديت العشرين تهي تهو

ورده الله مير يسلمس والله فرحت يوم شفت ردس ههه ازعجتني اختي الله يهديها روحي شوفي يمكن احد رد
بعطيها هالخلطه وتجربها وبنشوف النتايج على شعرها ومشكوره الله يعافيس
صرخه اله يعينيس يقولون الشيب يكثر مع الصبغات :(
مشكورين

وانا عندي نفس المشكلة لكن الحنة تبين انه صبغنا الشعر الابيض بعكس الصبغة تساوية مع الشعر الاسودكمان الحنة احسها تبرد راسي ويجيني صداع نصفي فاضطر استخدم الصبغة لانها اسهل والله يفرجها علينا

بشري حبيبتي فوفه
وش صار على الخلطه
إن شاء الله صارت زينه
ردي علي ياحليلك أنتي وأختك
ههه

ورده ههه قلتلها قالت لامانيب مستعملتها << والمشكله انها مزعجتني لين نزلت لها موضوع
الا انتي جربيها وعلميني استناك ههه

الحناء يجيب صداع لانه رطب وممكن انك تتعرضين لبراد
والصبغات تزيد الطين بله
والشيب يمدحون المراميه لكن ما اعرف طريقتها ممكن تسوين لها بحث هنا
اكتبي شيب واضغطي انتر
ومن ناحيه ورق البصل والشاي اعتقد انهم يسوون مثل الصبغه يعني مايحلون المشكله لكن يسترون عليها
والله يعين انا بعد اشوف فيني شيب كله من الصبغات

الحين بشعرها شيب بعد تبي تصبغ بيزيد أسألي مجرب ماطلع فيني الشيب الابعد الصبغات وأذا تقدر تحط حنه
أحسن لها تخمره من الليل مع كركديه مفيوح مع ماء +نسكافيه شوي والصبح تحطه بشعرها امده من ساعتين
الى اربع ساعات اكثرشئ................

هلا وفوفه كيف حالك يالغالية
شوفي اختي
انا جربت القرمز تضعين كميه صغيرة مع كاس ماء على النار الى ان يذوب وبعدين تخلطينه مع حمام زيت وتضعينه على الشعر مدة ساعة الى ساعتين ويظهر لونه عنابي حلو لونه مره
لكن انتبهي من القرمز يدمر كل شيء ويمسك بالجسم والقدر يصبغ فيه اللون والملعقة فخلها تاخذ حذرها وتلبس قفازات وتضع فازلين على وجهها وتغسل راسها لحاله حتى الحمام اعزكم الله يتدمر من اللون
وسلميني علي اختك هي اللي استلمت مني الشنطة شكلها حبوبة
بالتوفيق