الطبخات وراعياات الحيله يساعدوني

الله يكون بعونك
ويصلح لك اطفالك
ويحفظهم لك...

beauty symbol
اللهم امين..

ههه يا حبي لك و الله رحمتك جد احس انك تكتبين و شوي و تقطعين شعرك
شووفي حبيبتي انا بصراحه ماعندي اطفال ولا حتى متزوجه <<< وش مدخلك يا الملقوفه ههه
بس لأني انا اللي اهتم في بنت اختي من الصباح لحد الساعه 5 تقريباً
و هي عمرها سنه و 7 شهور و عندها حاله اذا شافتني مسكة شي بالمطبخ تنهبل و تتعلق برجليني الا اشيلها بهالوقت
و تجلس تبكي لحد ما افك اللي بيدي ،، يعني اوقات جد ما اعمل لا غدا ولا ارتب ولا اعمل اي شي لانها تحبني و تموت فيني بهالوقت الغلط بالذات ههه
لكن حاولي يا قلبي انك ترتبين وقت غفواتهم و اكلهم على وقت جدولك لتنظيف البيت و الطبخ و الله يعينك ترى يبيلها صحوه من بدري ايه مو تقعدين نايمه كل النهار لا لا لا <<<< اقول اوص بس خ
لكن جد انا اقومها بدري عشان افطرها عالساعه 8 او 7 الصباح لأنه افضل صحياً الافطار المبكر
حتى لو يقوموا الاطفال 6 كمان افضل عادي ..
طبعاً افطرها و اخليها تتفرج عالتي في قناتها المفضله بيبي تي في << انجلش احبها تستفيد ملحقه عالعربي
و من الحين تعرف بعض الكلمات عربي و انجلش الله يحرسها ماشاءالله تبارك الله .
طبعا تقوم من عالتي في و اخذها لغرفتها عند ألعابها و عندها مثل البيت مصغر في زحليقه و مرجيحه يعني غرفتها مملكتها الصغيره ،، و كل شوي اطل عليها مو اطول عنها لا ابدا ،، اولا عشان ما تحس و تجي تركب راسي و ثانيا عشان اطمن مع انه عندي جهاز المراقبه و اللي عندي روعه كاميرا بصوت و صوره من ( ماركةجراكو )
في هالوقت وهي مندمجه بالتي في اصير انظف يا دوب على سريع في حال ما نظفت الليلة الفايته قبل النوم
و اجهز للغداء يعني لو فيه دجاج اطلعه من الفريزر ، او الخضار اغسلها و اجهزها او اي شي يبيله تجهيز فقط من الصباح
و طبعاً لأني قعدتها من النوم بدري تصير لسه مدخدخه نووم فتنام غفوتها ،،، تقريبا لو صحيت 7 تنام الغفوه عالساعه 9 او 10
و هنا اجهز الغداء في حال كان صينيه لأنها عادي لو تتعمل من بدري ، او سلطات اي نوع من غير الليمون و الملح و الخل اخليه قبل ما اقدمها للغداء
او اذا كان رز اصير اجهز الكشنه و اطبخ الدجاج و كل شي اجهزه الا الرز ما اطبخه ،، اروح اخذ لي شاور سريع طبعا iيكون عندي جهاز مراقبة البيبي عشان اسمعها و اشوفها افضل لي
و اطلعي من الحمام الله يكرم الجميع تبخري و تعطري و تزيني <<< المهم فهموا خلاص
و قبل ما يجي مثلا زوجك بشوي ابدي اطبخي الرز و هو ماياخذ وقت ابد الرز اذا كل شي جاهز.
و حاولي يا قلبي تختارين شغلات سهل طبخها او طبخات تقدرين تطبخينها من اول مثل الصواني او الايدامات تسوينها بدري و يصير باقي عليك الرز الابيض ،، و يمديك تزبطين حلا جدا سهل و سريع مثل حلا الكاسات منظره حلو و طعم روعه و سريع عمله ، أو كب كيك حركات ، أو كيكة بتي كروكر بس اخلطي المقادير و دخليها الفرن و زينيها بكريمتها و خلاص
و ترى جدا كل شي سهل بس يبيلك تنظمين وقت التنظيف و الطبخ مع وقت غفواتهم و لازم يصحون بدري
و تخططين من اول وش بتسوين اليوم الثاني من غدا و حلا ،، و ترى راح يترتب يومك تحسين انك عملتي بيومك كل شي نمتي و صحيتي بدري و طبختي و قعدتي مع عيالك و لعبتي معهم اهم شي مساكين
و تفرجتي عالتي في و اخذتي شاور و روقتي خ
المهم اتمنى اكون افدتك لكن انا عن نفسي يومي جدا ممتع و بسيط و مرتب و مع الوقت بتتعودينه
و سوري لو طولت بربره ههه

راما
الله يسعدك،,اسلوبك جدا رائع.
صدقني المتزوجه وعندها عيال يكون وقتها مافيه متعه كله ضغط.
ويمكن تنظيمي للوقت غلط لاني اصحيهم واروشهم وأشطب بالبيت بعض الشغلات..وابدأ طبخ عشان كذا يزعجوني.
واني أصحى الصباح وابدأ صعبه لأن جسمي يكون مرهق طوال اليوم ماعندي نوم مثل الناس ياقايمه أسوي رضعه يأغير حفاظ وانتي بكرامه ياتسكتين الصغيره.
والله ماأنوي القومه نهائي ألا نفسي في خشمي وأمشي وأنا ماني متوازنه..وتشوفين أركض مابين عيال ومابين حمامات ومابين مطبخ و
دعواتك..

الله ييسر امرك ياقلبي
يبيلك تستغلين فرصة نومهم واضغطي ع نفسك شوي وخلصي شغلك سريع سريع والله يهون عليك
او خلي ابوهم ياخذ الولد ساعه يمشيه في الحديقه ع بال ماتخلصين المهم في المهم

ههه الله يعينك جد لكن اذا تبين الراحه لازم بدري تصحين
بتتعودين على قومة الصبح عادي مع الوقت

الله يعينك يارب

إسألي الله العون وربي بزرع في وقتك البركه وفي بالك راحه

موفقة غلاتى