الطعميه بجده

dalas2008

17-07-2022 - 03:26 pm

حبيباتي ابي اسال الله يسعد ويبسط ويهني اللي ترد الله يجزاكم خير ولا يحرمكم من اللي تحبوهم وين الاقي مطعم او محل لبيع الفلافل تعرفون الطعميه الصغيره اللى تجي لذيذه وخضره من جواها مش الكبيره احس الكبيره مزيته وبصراحه احس انه لغوصوها مش مسوينها بأمانه تكفى اللى تعرف وين تنباع الطعميه الصغيره عندنا بجده وبالشمال تدلني الله يوفقها والله كل مارحت الطايف عنداهلي مااطلب عشاء غير الطعميه الصغيره لاني محرومه منها في جده

التعليقات (7)

أم عبودي 2007

17-07-2022 - 06:09 pm

انا تعجبني سندوتش الطعميه حق النابلسي بس طعميه الحاله ماجربت في شارع حراء
طيب وين الطعميه الي في الطائف

dalas2008

17-07-2022 - 07:10 pm

اهلين اختي والله اللى بالطايف اسمع اهلي يقولوا بشارع التلفزيون بس مااعرف اسم المحل بالضبط انا ابيها طعميه حاف من غير سندوتش فاهمه ياليت احديدلني انا بشارع حراء

المهاجره إلى الرحمن

17-07-2022 - 08:11 pm

والله في جده في محل طعمية بالروضة اسمو ابو يعقوب
ومحل تاني اسمو المصباح
كلهم خطيرين

قطة برية 2007

17-07-2022 - 09:12 pm

فية بشارع حراء مع الامير ماجد بيت الطعمية خيال ولهم اكثر من فرع بجدة

dalas2008

17-07-2022 - 10:13 pm

يسعدكم ربي الوحده تتشجع تكتب في هذاالمنتدى من مشاركاتكم الرائعه وتفاعلكم

الحنان2009

17-07-2022 - 11:14 pm

طعمية القدس
أفضل مطعم طعمية في جدة في حي السامر مقابل قاعة أفراح الرفيدي تماما ...إدمان ...المحل لوحته نيون أحمر مكتوب عليها كلمة طعمية بالخط الكبير ..تشوف اللوحة تجوع على طول ... بس مادري له فروع ولا لا...جربوه اليوم خذلك سندوتش ع الطاير وقله يحط بادنجان وسلطة فلفل...وادعولي

dalas2008

18-07-2022 - 12:15 am

مشكوره راح اجرب كل المحلات اللي دليتوني عليها وان شاء الله تجي حسب المزاج

عزيمه عزيمه←
ام نايف تفك زنقتكم برمضان→