العبرة اخنقتني والدمع سال والسبب أختي الصغيرة

السلام عليكم ورحمة الله وبركاته
بنات في البداية أبي أطلبكم طلب وهو أنكم تدعون لي بالخير كل ماشفتوا الموضوع..
حقيقة ماادري وش اقول بس انا كتبت هالموضوع لاني ابي افضفض لكم باللي في خاطري، عرسي قرب ماعاد بقى عليه شي ان شاءالله أسأل الله ان يتممه على خير انا وكل العرايس يارب ، طبعا معروف هالفترة كلها مشحونة بالضغط والتوتر اللي الله يعلم فيه خصيصا لو كانت الشغلة فيها وداع صحبات لاني راح اعيش في مدينة غير مدينة اهلي عن جد كانت لحظات مرة وانا اشوفهم يبكون لاني راح افارقهم لكني مابكيت وكنت متماسكة ام يمكن ، المهم وطول الوقت وانا احاول اخلص اموري بهدوء وانسى فكرة الفراق هاذي تماما عشان ماشوش على نفسي ،، إلى اليوم اقولها وبكل مرارة ماقدرت اتحمل دموعي صارت تنزل لا اراديا والسبب دموع اختي الصغيرة اللي تقطع القلب وهي تقولي لا لا تروحين وتخلينا لا تتزوجيين وايش اللي خلاها تسوي كذا لاني خلاص كنت بروح مع اخوي وزوجته بيتهم ،، وبس في النهاية ماقدرت اروح معاهم لانها ماسكتت ابد وقعدت ببيتنا وهي الحين نايمة بجنبي ..
و الحين انا متضايقة وودي بحل يساعدني في تدريج الموضوع عليها لان قلبي يتقطع عليها؟
في انتظار حلولكم..