الفرق بين هالمصممتين

1. وجلس الفستان يحاكيكم في الدولاب ولا لبسته وراحت خسارته شفتوا القهر


2. يعني شوفو دلتني على خياطتها وماستنذلت وهذا اكبر دليل على رقي اخلاقها

انا احس انو ناس خربت على ناس انا تعاملت مع مصممتين وربي شفت فرق منهم وهم ثنتين بس مو كذا وحده واحس صار عندي خبرة من الفرق
الاولى كنت مرة مزنوقه ورحت افصل عندها بعد مامدحتها لي وحده ورحت واول شي قالت انتي تجيبين كل شي حتى المقاسات ولاني مزنوقه قلت يالله واجيب القماش والتركيبات والمقاسات مضبوطه
ولما جا وقت البروفه الفستان قصته ابدا مو اللي ابيها وقلت لها تعدلها لان اصلا شكلها ابدا مو حلو وكلش كلش ماينلبس المهم واتفقنا على شكل التركيب بعد التعديل
ورحت استلم الفستان اللي كمان مو في موعده واعطتنياه على السريع وا عند الباب لانها كانت مستعجله وبتطلع وماشفته الا بالبيت
انا شفته والا ماشفته ابدا شي ما ينلبس وقروي وكل اللي طلبته يتعدل ماتعدل منه شعره
والطامه يوم جيت البسه اه يالقهر ملصقه الكلفه تلصيق بالصمغ المسدس على السحاب وماقدرت افتحه علشات البسه ويوم حاولنا فيه انا وخواتي بدى يخرب من كثر الشد لان القماش حرير

وجلس الفستان يحاكيكم في الدولاب ولا لبسته وراحت خسارته شفتوا القهر

والمصممة الثانيه وربي على مااقول شهيد مرة روعه واخلاق وتشتغل بذمه وباين عليها هي نفسها ذوق من طلتها اصلا تحسينها مرتبه وتفهم وشغلها مرة ناعم وفخم
هي طبعا تخيط عند مشغل والخياطه اللي تتعامل معها مرة شي حتى اني مرة جبت معي القماش والموديل اخذ رايها فيه قالت لي روحي لها على طول ماراح استلم منك شي انا اخذ حق شغلي بس وانتي لو جايبه بس الموديل وتبيني اركب لك الاقمشة والتركيبات وكذا اقول ممكن

يعني شوفو دلتني على خياطتها وماستنذلت وهذا اكبر دليل على رقي اخلاقها

المهم لما كنت اسوي بروفة فستاني في المشغل وطبعا هي كان عندها وحده بتستلم فستانها قالت لي انا باسبقك على المشغل لاني باسلم فستان وبتلاقيني هناك علشان بروفتك ولما رحت كانت مرة متضايقة وتتناقش مع الخياطة وسوت لي البروفه سألتها وش فيك وعسى ماشر ورتني فستان معلق وقالت انه صاحبته كان المفروض تجي تستلمه ولما جت المشغل ماحصلتها وانتظرتها ولما دقت عليها اعتذرت وقالت خلاص ماعاد ابيه
وكانت تقول لها انا قصرت بشي والحرمه تقول لا تقولها غيرت في اللي اتفقنا عليه في شي وذيك تقول لا قالت لها الحين سويته لك بعينة القماش اللي تبينه ورحت وركبت لك من الكريستال اللي انتي اخترتيه والموديل نفس اللي تبينه وش كان ردها بصراحه ما حبيته لما تخيط
قالت انا وش ذنبي طيب والمشاوير اللي طقيتها والروحه والجيه والقماش اللي خسرته غير حساب الخياطه علي قالت والله ماحبيته وقفلت
ياعمري عليها حتى الخياطه عصبت وقالت انه نفس الاتفاق وش هالعذر البايخ
وين راح تعب المسكينه وربي رحمتها هي خنقتها العبرة هي تقول ماهمني الفلوس عند ردها يعني كانت تلعب والا ايش خسارة وقت وجهد وفلوس على ايش
وهي والله قمة في الذوق اتعب اقول اخلاق وشغلها مره حلو وماتستاهل
بالله انتو وش رايكم احس بعد هالموقف مو بس المصممات يتاخذ منهم موقف حتى الزباين بعضهم الله يهديهم