الفزعه الفزعه يابنات الامارت تكفون لاتردوني

*فراشة زوجها*

13-04-2022 - 03:49 am

السلام عليكم ورحمته وبركاته :frashagir
اهلين وسهلين باحلى فراشات اتمنى ان تكونوا جميعا بالف صحه وعافيه
وهذا ترى اول موضوع اشارك فيه ههه ومن اولها طلبات الله يعينكم أأأأأأمين<<<<<اخلصي وبلا هذره زايده
المهم ياحلوات وانا احب المهم دائما<<<<ماعندها حكي وتبي تختصر
الموضوع ومافيه ان اخو خويتي رايح باذن الله الامارات وقايلهم الي تبون من هناك اطلبوه ولا يردكم الا لسانكم عاد اهم ماصدقو خبر بس فيه مشكله
انهم مايعرفون وش يبون بالضبط عاد انا قلت لها مالك الا هيفاء:7_2_118[1 ههه لالالا اقصد مالك الا منتدى الفراشات وبنات الامارات العسلات:de43r راعيات الفزعه وربي اني صاجه ولا انافق
فطلبي ياحلوات وشتنصحون خويتي وانا طبعا لاني ماانزل موضوع ببلاش لازم يجبلي معاهم<<<<<ماتسوي الشي لله :fdse:
ابي شي من عندكم مش موجود بالسعوديه وانتم عاد تعرفون البنات وش يحبون
يعني ابي شي مميز بالامارات مو عندنا هني
يشمل طبعا الجلابيات والعود والمكياج ولاتنسون المدينه واسماء المراكز والمحلات لاهنتو
وبس طولت عليكم وابي ردودكم العسل :sdgsdgh:
ومشكورين :)

التعليقات (7)

*فراشة زوجها*

13-04-2022 - 07:11 am

وينكم ثمان الي دشو ولا احد فيهم رد على موضوعي
وين فزعتكم بليز ساعدوني

فتاة الشرق

13-04-2022 - 08:12 am

ياهلا ومرحبا فيج اختي فراشة زوجها .. راح انفيدج انشالله .. ولي رجعه للموضوع ..

فتاة الشرق

13-04-2022 - 09:13 am

شوفي اختي انا جمعت لج بعض المعلومات ... من بخور وجلابيات وعطور وساعات وشيل واقمشة وغيرها ..
وانتي اختاري منها اللي تبين اوكي ...
افضل العود في مجمع الغرير على شارع الرقة
في الدور الثاني
العود والبخور في سوق مرشد والسوق القديم سوق الجملة في دبي ,
وكذلك في سوق الشارقة القديم والكثير منها في التسوق كالغرير وبرجمان وستي سنتر وغيرها
ما بالنسبة للجلابيات فهي في تباع في سوق عكاظ وكذلك بالجوار منه وبالجوار من سوق الذهب
الشيل والعباة ....مركز أبو هيل ...عندهم موديلات وكل المركز عباة وشيل
اطقم العطور الرائعة ( ماركات )
وملابس الاطفال والشيلات والعبى وفساتين السهرة !!!
وطبعا الا كسسوارات والسيرميكيات المميزة سوق مرشد !!
والحقائب النسائية ( ) !!!
والموبايلات
أقمشة فساتين السهرة تلاقينها في مركز البستان ومركز المنال وشارع الرقة
شيل وشنط وأحذيه وأحزمه و كلش ماركات مقلدة درجة ممتازه في الكرامه ... وكذلك في مركز وربه..... حي الكرامه بالجهه المقابله لمركز برجمان ... يبيلها تاكسي لانه فيه لفات ودخلات و اللي مايعرف المنطقة راح يلف لحد مايتوه ... بعدين بتلاقون محلات تجارية تشبه " العويس وهالطقه " لكن فيها كل ماتبين من شنط واحزمه و كله على بعضه ....
المحلات كثيره لكن اسم بالضبط واحد يقاله " معرض جان فين "

*فراشة زوجها*

13-04-2022 - 10:14 am

مشكوره يافتاة الشرق ربي يسعدك ويوفقك وينولك الي ببالك يارب
بس ممكن تقوليلي شنو اسم البخور الميز الي عندكم والي ريحته حلوه ؟
والشي الثاني اذا ماعليك امر وين يوجد باي مدينه مركز الكرامه ومركز وربه لان بصراحه مااعرف المراكز الي انتي
كاتبتها وين موجوده باي مدينه ؟؟؟؟
والشي الثالث وسامحيني جلابيات الممثلات مثل زينب العسكري والهام فضاله باي مركز اذا تعرفين وهذا سؤال خاص من خويتي وبليز سامحيني على الاسئله والاطاله
والف شكر لك مقدما بس لاتتاخري علي لان اخوها مسافر الخميس باذن الله
والباقي وينكم:(

فتاة الشرق

13-04-2022 - 11:15 am

هلا فيج اختي فراشة زوجها ..
وبالنسبة للبخور الناس اذواق .. الواحد يشم احسن شي واللي يعجبه يشتريه .. بس انا سمعت عن بخور الديوانية وبصراحة ماجربته لكن يقولون وايد حلو ..
والكرامه .. هذي اسم منطقة في دبي فيها محلات لبيع الساعات المقلدة .. اما بالنسبة لمركز وربة فهو في قلب دبي قريب من مركز حمر عين ..
جلابيات الممثلة زينب العسكري وخصوصا في المسلسل الاخير اللي كان يطلع في رمضان ( دنيا القوي )راح تلقينها في محل اسمه ( الأسطورة ) في ابوظبي - شارع النصر - بناية شارل جوردان - بجانب السفارة البريطانية ..ورقم هاتف المحل هو 02-6331773...
ان شالله اكون افدتج بشي ...

*فراشة زوجها*

13-04-2022 - 12:16 pm

الف شكر لك يالغاليه وربي يسعدك بحياتك
افدتيني يالغاليه وماقصرتي والله ينولك الي ببالك

ديمــــــــــــــــــــا

13-04-2022 - 01:17 pm

يعطيك العافيه فتاة الشرق على افادتنا جميعا بهذي المعلومات ..
لاخلى ولاعدم

خلطه عطريه للجسم←
جوال غريب و حلو ولة علاقة بالمكياج→