الفوتاتشيني السلطه الشمبانيا من ابتكاري انا وبس

مس,,,اء &صب,,,اح
الخير والسرور
اليوم حبيت اجيب لكم سفرت الغداء حقتي انا وزوي اليوم واجرها من شوشتها واخليها تنسدح قدامكم
انا مشهوره بالفوتاتشيني الي اسويه وشراب الشمبانيه السعودي وطبعا طريقتي مستحيل تلاقوها في اي مكان للانها من ابتكار فقط
وراح اقولكم كيف اسويها واكلوها كل الي تحبوهم راح يحبونها موت
انا الكل يشتهي الفوتاتشيني حقتي والكل يبي الطريقه قلت انزلها لكم تجربونها
يلا شمرو للاكمام بأسم العلي القدير نبدأ
اول شي ،،، المقادير
انا توني ل 4 اشهر متزوجه يعني مقاديري راح تكون لشخصين انتو عاد زودو
هذي المكرونه الي راح استخدمها الي تيجي زي الشرائط تيجي نوعين وانا حبيت اوريكم كل النوعين اقصد شركتين
انا بصراحه احب الي لون كرتونها احمر مره احلا من الثانيه
1_ نسلق المكرونه مع زبده و3 حبات هيل وليمون ناشف وورق الغار ومكعب ماجي ونتركها ع النار لين تستوي وتسير زي كذا
2- نجيب الربيان او الدجاج ع حسب الرغبه انا اليوم اخترت لكم الربيان وهذي صورته واخترته مره كبير عشان لايضيع وسط للاكله ونسلقه مع شوية هيل وليمون اسود وورق غار وملح عشان تروح ريحته الشينه وبس
معلومه >>> {الي تبي تسويه بالدجاج تستخدم الصدور وبعد ماتسلقها تقطعها مربعات}
بعد مايستوي الربيان ناخذه ونقطعه نصفين مثل الصوره وبعد كذا نجيب بصل وفلفل رومي الوان ونقطعهم وجزره مبشوره
نحمر البصل مع ورق الغار واليمون للاسود ومكعب ماجي
بعد كذا نجيب الفلفل الرومي الي قطعته والجزره الي بشرتها والفلفل للاسود والكمون والكاري والبهارات المشكله اهم شي حاولي تكثري بهار للان كل الطبخه تعتمد ع البهر الي بالربيان ونحطهم سوى ونقلبهم لين يذبل
بعد كذا نحط عليه الربيان الي قطعناه ونخليهم ع النار لمدة 10 دقائق ونغطي عليهم وبعد كل فتره وفتره نقلبهم
وبعد ماتستوي وتتماسك نحطها فوق المكرونه بعد ماتكون استوت واتصفت تماماونقلبهم مع بعض
الحين اخر خطوه لاتسوين ها الخطوه الا اذا القبيله كلهم قدهم زاهبين ومستنين الغداء للان حلاتها تتقدم وقتها ولا بتتعجن عليك
ناخذ كريمة الخفق انا كفتني علبه صغيره ناخذها ونحطها فوق المكرونه ونبدا نقلب المكرونه بهدوء لمدة 5 دقائق ونرفعها من ع النار ونحطها بصحن التقديم
كذا نكون خلصنا الفوتاتشيني وراح نبداء بالسلطه
السلطه الي راح اعملها سهله مره وطلع طعمها يجنن يمي يمي سويتها من راسي ع حسب اللاغراض المتوفره عندي بس والله طلع طعمها كشخه
بسم الملك الجبار نبدأ
ناخذ خبز زنقطعه مكعبات ونقليه بالزيت لين تحمر وبعد كذا
ناخذ خيار +خس+ طماطم+جزر مبشور
ونقطعم قطع صغيره
ونضيف عصير ليمون +فلفل اسود ناعم+ كمون
بعد كذا نضيف لها تتبيلة الصلطه باالطماطم والبهار من شركة قودي ونخلطهم مع بعض وبس طعمها يجن يابنات فيها ملوحه لاذعه تهبل يمي يمي
وبعد كذا نقدمها زي مانحب وماننسى نرش فوقها الخبز الي قليناه
الحين دور العصير الي هوه شمبانيا عربي
اتحدى لو اي احد قد سواه بها الطريقه بالعاده الناس تحط سفن +عصير تفاح وكذا مره مايعجبني مره سامج خذو الطريقه الي ع اصوله وراح تشكروني
الطريقه :
ناخذ
1-ليمونه
2-وحده تفاحه
3- شوسته نعناع
نقطعم شرائح ونحطهم في جيك التقديم
بعد كذانجيب
1-مياه غازيه او زي مايسمونه بعض الناس مياه فواره
2-كودرد
3-بايسن
3-سفن
4- عصير تفاح
كلها من العلب الصغيره تكون
نحطهم مع بعض نكبها كلها مع الفواكه الي قطعناها ويسير شكلها كذا
عن اذنكم دقايق بس احضر السفره قبل يجي زوجي من الدوام
الحمد الله قدرت اكشخ واتمكيج قبل يجي
باقي اصور لكم السفره
وهذا شكل السفره النهائي
ياويلكم لو حشيتوني عشان للاكل قليل او شي بس ترى مافي اي مناسبه بس حبيت اعمل غداء رومنسي ويعبر لحبيب قلبي عن الي بقلبي
:ق1::ق1::ق1::ق1: نصيحه:ق1::ق1::ق1::ق1:
استغلي كل لحضه وثانيه ودقيقه حتى لوكانت بسيطه في انك تحسسين زوجك بحبك واهتمامك له
أنتي
و
أنتي
و
أنتي
كلكم راح تقومو وتسو غداء للازواجكم اجباري خلي ها الغداء شي حلو لو يلف زوجك كل الدنياء ماراح يستغني عن غداك وجوك الحلو حتى لو كانت اكلاتك بسيطه مثل الي سويتها
والله زوجي مره انبسط مني
ويارب
يارب
انتو بعد ازواجكم يطيرو فيكم فوق وينبسطو
اي وحده حابه تنقل الطبخه هيه محلله بس لازم يكون اسمها { أكلة رورو}
لكل وحده عجبتها طبخاتي
تدعيلي
ان الله لايحرمني من زوجي
ويرزقني الذريه الصالحه
فديت قلووبكم كلكم