الكزب المكشوف

صباحو\ مسا صبايا كيفكم ان شاء الله بخير
اليوم او بالاحلى هلا وانا اعده تزكرت شي كنت حاكيته لزوجي ومشي عليه يا حرام كاينه شريره
زوجي عربي بس كندي طيب كتير لابعد حد وما بكزب لو شو ما صار وللاسف بكر الناس كلها ما بتكزب مع انه ما بثق بالناس بسهوله>>>>> المهم اخلص
كنت اعده وبتزكر بمواقفي العبيطه اول الخطبه واول الزواج كنت عسل انه كنت صغيره >>>>>>>>حبيبتي ولسه
لا بجد انا لسه صغيره خطبت على ال18 تقريبا وكنت عبيطه كتير انه دلوعه كتير وما عندي هموم همي كان شو بدي البس وشو بدي اعمل بحالي شي جديد
المهم خطبت ومشي الحال اول طلعه مع خطيبي "زوجي الحالي">>>>لا يا شيخ
حكيت لزوجي انه انا متل تاتا "جدتي" عيوني زرء بس انا بحط عدسات عسلي لحتى ما حد يحسدني ولانه لوني ما بناسبه اللون الازرء ومشت انا حكيتها ونسيت
بعد شوي شي ساعه يمكن بحكيلي بكره بدي اجي عندك انا عملت هيك عندي شغل عن اخد دورات بعد الثانوي لانه ما صحلي ادخل جامعه عطول
المهم بحكيلي بس عندي شرط بس اجي بدي شوف العيون الزرء ههه انا عملت هيك
انو عيون بعدين انتبهت انه عيوني الكزب ههه
اعدت ادحك شي ربع ساعه وهو بيتطلع علي مالها هدي المجنونه الله يكون بعوني ازا من اول طلعه هيك كيف بعد الزواج
المهم اعترفت انه عيوني مو زرء وبس حبيت اغير جو
قصه تانيه هادي غبيه كتير بعد ما تجوزنا وسافرنا الى العش تاعنا كنا بمطعم رومنسي كتير وزوجي يا عيني ما بعرف يحكي بحزن بجد انه جديد على الشغله
فجاه بحكيله حبيبي بتعرف حكالي شو عسولتي >>>>> بالانجلش طبعا لانه بالعربي نكته بضل ادحك عليه
بحكيله بتعرف انه تجوزت ئبلك تنين بحكي لا يا شيخ >>>>> تعلمها مني
بحكيلو مو مصدء بدك تعرف القصه تاعت كل واحد حكالي ما عندي مانع هاتي لشوف
حكيتله هاد يا تاج راسي >>>>بتعرفوا عروس وبدي اكل بعئله كيله حلاوه الجبن يم بتشهي
الاول تجوزني كان كبير وغني كتير بس كان عيبه بخيل وانا بكره البخل اجي من هون من هون وهو ابدا بالنهايه قررت انتقم لطفولتي الي ضاعت معه >>>>على فكره انا لما تجوزت كنت 19 سنه
وقررت ائتله وفعلا جبت نوع من انواع الاسيد بتفاعل مع انواع معينه من المشروبات >>>كنت علمي ولسه الكيميا معلئه من كتر ما درستها
المهم واخدته على مطعم وفي المطعم طلبت منه انه انا الي اطلب الاكل بما اني عازمته على حسابه طبعا
وفعلا تم المراد وطلبتله المشروب الي حكيت عنه فوء والاسيد كان بودرا رشيتله ياها بطريقه ساحره وما الها لون كانه رش ملح
واول لئمه والتانيه كان بلش مفعوله والتفاعل تم بالمعده يعني عطل كل اشي >>>>خطيره المهم انه مات ونئلنا على المستشفى ما بان شي بعد الفحص لانه الماده ماده عاديه
اما التاني كان كريم بس كان عيبه الوحيد انه ما بياخدني ولا بجيبني وطالعه روحي بالبيت كمان قررت انتقم لطفولتي معه وانه هو التاني اموته
بس كانت الخطه محكمه جدا كانت سيارته ئديمه كتير من مديل 1900 وخشبه يعني بدها تغير المهم بعبقريتي الزايده قرات عن فرامل السياره منيح وفكيتها وطلع مره لحاله وكان رايح بره البلد
وراح وهو مروح كان لازم يضرب بريك بس للاسف السياره سابت منه وبحكم عمرها كان قضاء وقدر
بس زوجي كان زكي كتير حكالي كم كان عمرك لما تجوزتي الاول وكم كان لما تجوزتي التاني لا وانا التالت ولساتك عمرك 19 انا سكتت زوجي كان مستمع رائع عارف انه سحب فيلم بس سمعني لاخر قطره ئصدي كلمه
بالنهايه كانت القصه الها مغزا انه انا ما بحب البخيل وخبرتي بالكيميا اما الي بكره يطلع وبيتوتي يا ويله كمان>>>>على فكره انا بتعلم كل شي بسرعه الحمد لله احكوا ماشاء الله
هلا يلا يا حلوين بعرف اني برامه كتير بس والله ما في حد احكي معه وانا بغربه وهلا اهلي الله يخليهم بكونوا نايمين بحكم الوئت الفارء بينا
يلا يا صبايا يا حلوين احكولي كزبه مكشوفه كزبتيها على زوجك العزيز