اللغمن البخاري وصل ألحقوه قبل ما يخلص

1. طريقة الشطه البخاريه :: تقشري 3 روس توم وتطحنيهم

صباح الخير يا فراشات
اليوم جبتلكم أكله من المطبخ البخاري
روعه حتاكلي أصابعك وراها
جربوا وقولولي
مقارير اللغمن :
لحم مقطع قطع صغيره جدا
فاصوليا مقطعة طويله
بطاطس مقطعة طويله ونحيفه
جزر مقطع طويل ونحيف
كرنب شرائح خفيفه
بصل مقطع قطع صغيره جدا
4 فصوص توم مطحونه
بهارات (بهار مشكل + ملح + فلفل اسود + ماجي )
طماطم معصوره
ملعقة صلصه
طبعا عجينة اللغمن هادي تلاقيها في السوبر ماركت موجوده على العموم هيا تشبه الإسبكتي بس أعرض شويه تنفع مكرونة الباستا الطويله أو المكرونه الصينيه
إذا عجبتكم وتبغوا طريقة عجينتها قولولي وأنا أكتبلكم هيا
أوكيه
الطريقه :
ح تحطي الزيت ولا السمن في القدر وتكشني البصل والتوم وبعدين تحطي اللحم وتقلبي بإستمراروتحطي البهارات كلها والماجي والفلفل الأسود والملح وتقلبي لمدة دقيقتين
بعد كده تحطي الطماطم المعصوره والصلصه وبعدين تحطي مويه وتقلبيه وتخليه على النار لمدة نصف ساعه
بعد نصف ساعة يكون اللحم استوى نصف استوى تقومي تحطي الخضاروتقلبيه وتحطيلو شويه مويه وتخليه على نار متوسطه الين ما يستوي اللحم والخضار وتبقي مرقه شويه كأنو إيدام يصير
تسلقي المكرونه حقت اللغمن
تغرفيها في صحن التقديم وتحطي إيدام اللغمن عليها وقدميها مع الشطه البخاريه والخل الأسود

طريقة الشطه البخاريه :: تقشري 3 روس توم وتطحنيهم

تحطي في قدر صغير نصف كاسه زيت وتحطي التوم وتخله على النار الين ما يصفر تحطي عليه غطايتين خل اسود وتحطي 4 ملاعق شطه حمرة شطه تكرونيه يعني وتحطي مويه كاسه كبيرة وتخليها على النار الين ماتشوفيها خلاص سارت بتطبخ شويه تطفي عليها
بس أنتبهي مره حارة موحوحه
حطي على اللغمن مع الخل وكلي
دوقي وقوليلي رأيك ؟؟؟؟؟؟؟؟؟؟؟؟؟