الله ينتقملي من الظالم

السلام عليكم ..
مدري صراحه وش أقول
طليقي وأهله ظالميني ظلم الله لايوريكم حيله
هذا غير بنتي الي يبي يخذوها مني ويبغون ينتزعوها مني ماأشوفها أبد ولا زيارات
كاذبين علي كذب ومفترين علي وسوو البلاوي وطلعوا منها مثل الشعره من العجين
ياويلهم من ربهم ومن الظلم الي ركبوه علي كله علشان ياخذون البنت مني يبغون يقهروني
وزود فيهم حقد علي غير طبيعي خلاص كلن راح بطريقه ليه يسون فيني كذا
والله لو أقولكم وش مسوين ان تنجنون لكن الله فوقهم وليس من الظالمين ببعيد
الله ينتقملي منهم حتى انه متزوج ومب فاظي للبنت ياخذها ويرميها عند أهله بس نكال فيني يقومون
البزران يلعبون فيها وهي طفله ماتعرف تدافع عن نفسها اهو مسيطره عليه أمه وأبو بشكل غير متناهي
علشان كذا يتمم حكم أمه وياخذها علشان أمه وأبوه يبون يقهروني وهو بعد يبي يقهرني ياخذها وهو
مايبغاها مرتبط بيت ومب فاظيلها بس علشان انقهري الله يقهره هو وأهله
وطبعا أعرف وحد معرفة ثقه قالت انه غير سياسته هو وأهله مع الزوجه الجديده يعني صارت الطقه
براسي ماعاد أمه وأبوه يدخلون بحياته علشان مايبون يخربون بيته ويفرحون الناس عليه يعني علشان
يقال البلى فيني والسالفه موبس تدخل من قبل أهله ظعف شخصيه الكل أجمع على هذا الشيئ
وحيات تستحيا مع هالأدمي
وأنا خلاص انتهى من حياتي وكارهته كره من يوم مانكد علي عيشبتي للان خلاص وشلهم فيني
أنا بطريق وهم بطريق ليه يسوون فيني هالسو ات حسبي الله عليهم المشكله أهم بأنفسهم معترفين
اني طيبه وجايين يركظون ركظ علشان عارفين أمي مشهوره بالطيب
لكن ماأقول الا حسبي الله عليهم الله ينتقملي منهم والله لو على الي مر علي منهم لين تطلقت كان
أهون نقول فتره وعدت وخلصت لكن للان يشوهون صورتي ويظلمو ين وباليني بلوى الله على الظالم
أنا بس أبي أعرف شي واحد مايخافون يوما تتقلب فيه القلوب والأبصار
مايخافون ولا تحسبن الله غافلا عما يعمل اظالمون انما يؤخرهم ليوم تشخص فيه الأبصار مهطعين مقنعي
روؤسهم لا يرتد اليهم طرفهم وأفئدتهم هواء وش يقولون لربي يوم يوقفون يوم القيامه على رؤس الأشهاد
ويقولهم وش سويتو بنزف الغمام ويعطوني حسناتهم وألقي عليهم من سيئاتي ثم الله أعلم بمصيرهم
جهنم خالدين فيها ولا عذاب بقدر مافعلوا ولا الله أعلم بحالهم مايخافون ربهم بكل زاويه فاتحين محظر على
هالمسكينه نزف الغمام علشان طيبته الزايده صدق الطيبه بهزمن غباء الظلم عاقبته وخيمه وظلمات يوم
القيامه سبحان من يمهل لهم ويستدرجهم من حيث لايعلمون سبحان الله أمورهم الدينيه مش حالك وحنا
مالنا الا الظاهر والله أعم بالبواطن ومع ذالك يخططون ويدبرون وتزين أمورهم والله اني أشك انه استدراج
وأملي لهم ان كيدي متين والي مصلي وصايم ولانزكي أنفسنا على الله متعقده أموره ومهما حاول الذب
عن نفسه من هاؤلاء الظلمه يخيب وين ماظربناها عوجا وهم ظلم وتبلي وافتاء وتمشي كذبتهم
حتى اننا عرظنا كذبهم على مشايخ ثقات وقالوا غريب لأمور تمشي على مايبون بهامحاكم وكل مكان
هذا تحامل واظح وأكثر من شيخ استغربوا وحنا مانقلنالهم الا الحق وماكذبنا ولا فترينا حنا الجنه والنار بين
عيوننا قلنا الي لنا والي علينا والله كلن طايرتن عيونه من ذا الناس صراحه انا شكيت انهم يرشون يتعاملون
بالرشوه والرسول عليه السلام يقول لعن الله الراشي والمرتشي وساعات أقول الظاهر يسحرون والسحر
معلروف حكمه حرام وكفر أتا أخمن والا أظلمهم ولا أقول انه صاير أقول أجل وش قصتهم مشايخ تخاف
ربه تقول مب صحيح الي قاعد يصيرالله والعالم انه استدراج من الله لهم لان الله يستدرج الظالم حتى اذا أ
خذه لم يفلته وهذا ابتلاء لي من الله أأصبر أو أجزع ربي تعلم اني ماجزعت وصبرت وأصطبرت وصابرت
فانصرني على القوم الظالمين
حسبي الله ونعم الوكيل حسبي الله عليهم
عذرا اذا كان الكلام غير مرتب وطولت عليكم بس والله من الحرقه الي فيني الي يشوفني أظحك مايصدق
كل هالمشاكل على راسي ..