سنين ما انخطبت و يوم انخطبت لمريض نفسي تزوجت صار عقيم بعدين طلقني تعالوا يا جماعة

1. وعلقي قلبك برب الكوون !


2. نصيحة خذوها مني .. طال الزمن أو قصر !

السلام عليكم ورحمة الله
صباح / مساء معطر بذكر الله
كيف حالكم يا فراشات !
إن شاء الله الجميع بخير ، ومن خير لخير يارب ..
القضية وما فيها ،
أنا في الحقيقة ما عندي زوج وبالتالي ما فيه أم زوج ولا حموات ولا أطفال .. عشان اقدر افيدكم بتجاارب أو خبراات
المهم .. قريت المشاكل ، وقريت الردود ,, ناس حكيمة وناس فهيمة وناس غشاشة وناس طيبة وناس على نياتها وناس لئيمة .. والعالم كله مشارب مختلفة ..
لكن يبقى فيه نقطه تجمع الجميع ،
انه الكل في هذا القسم يعرض مشااكل ومصاايب والام واحداث واحزان وو الخ
طيب ..
معليش وقفوا معااي شوي ،،
حنا هنا في المنتدى نشكي ونبغى حل !
أو نفضفض بس !
أو نتكلم وقت الغضب عشان ما ننكبت وانتهينا !
أو حنا نبغى نوصل رسالة .. أنه أنت يالي ما تزوجتي ، ترى في الزواج مشاكل !
ويالي ما خلفتي ترى في العيال مشاكل !
ويالي تطلقتي أو ترملتي أو تأخرتي في الزواج .. ما انتهت الحياة على الارتباط !!
أو أو أو .. مقاصد كثيرة !
المهم .. تجمعنا نقطة ( وجود المشكلة ) ونختلف عند نقطة (إيجاد الحل) !
طيب تعالوا معاي ..
أنا عندي حل ، ولكل المشاكل .. والمصايب ، والبلاوي .. وو كل شي يطراا ع بالك ..
انتي زوجك ما يحبك .. تعالي .... زوجك يضربك .. تعالي ..... يهاوشك ، يعنفك ، يسبك ، يشتمك ، يتلفظ عليك ، يحرمك ، يمنعك ، تعالي انتي ابغاك قلت لك من اول
انتي تطلقتي !! تعالي
انتي تصرفين ع بيتك من راتبك وزوجك بخيل !! تعالي
انتي ما انخطبتي ! تعاالي
انتي فاشلة في كل شي ! تعالي
كلكم تعالوا ..
تعالواا
يقول المصطفى صلى الله عليه وسلم عن سورة البقرة : (اقرأوا البقرة فإن أخذها بركة ، وتركها حسرة ، ولا تستطيعها البطلة) !
يا جماعة الخير .. اش ننتظر !
اش اكثر من النكبات الي صايبتنا !
اش اكثر من البلاوي الي طايحين فيها !
قلوبنا قاسية ، معاصينا كثيرة ، ذنوبنا تغطينا وتكفي أمم معانا !
خلاص ..
حالنا من سيء لأسوأ .. ما نصدق يصلح الوضع الا ويخخرب ..
ومع هذا
ما نوقف مع انفسنا وقفة حازمة وقوية !
خلاص .. خلاص ..
كفاية تسيب .. كفااية انهرامية .. كفاية الآم !
كم وحدة تقول : أكتب ودموعي ع الكيبورد .. أكتب وأنا بأنفجر من القهر ، بأكتب وأنا بأنجن !!
دلوني على حل ، علموني ع الطريق !!
الحل واضح
الطريق معروف
انتي تمشين في طريق واحلامك واقفة عند طرييق ثاني .. واقفة عند طريق الدين والهداية والصلاح !
يا بنات .. بالله اش ننتظر !
اش نبغى اكثر من كذا يحركنا !
خلاص ..
لين متى نعصي وما نتوب ! ونجاهر وما نرجع !
لين متى نستككببر !
لين متى نسمع كلام إبليس ..!!
الله يقول : (أفتتخذونه وذريته أولياء من دوني وهم لكم عدو ؟؟؟ بئس للظالمين بدلا)
يا بناات .. هذي الآية تهزني
الله يعاتبنا .. تتخذون ابليس صااحب من دوني !
وانا الذي اكرمتكم وانعمت عليكم وفضلتكم واعطيتكم !!
تتخذونه ولي ، من دووني انا المتفضل عليكم !
انتم اجل ظالمين .. وبئس الصديق هذا والولي الي بدلتموني به .. جل ربي في علاه
افتحي قلبك .. قبل ما تفتحين عينك وتقرين الآية .. واقري هالكلمتين ..
يا بنات ..
لما تطلعين ع الطيارة .. وتبدى ترتفع !
اش تشوفين الدنيا !
تبدا تصغر ! صح
طيب وبعدين ..
تسيرين تشوفين الناس في حجم الذرة !
طيب ..
طبقي هالمشهد على نفسك الآن .. وعلى مالك الملك سبحانه .. ولله المثل الأعلى
وش انتي الآن !!
اش كبرك .. حرمة معرعرة مسنترة قدام الجهاز كبرك كبر ايش 1
طيب اطلعي شوي وناظري نفسك من الطيارة ..
اطلعي فوق كمآآن
وكمآآآآن
الله جل في علاه يجلس على عرشه ، وموضع قدم الرحمن هو الكرسي ..
الكرسي بالنسبة للعرش مثل حلقة في صحراء !!
يآآلله .. قشعريرة في جسمي !
يعني اش عظمته !!
طيب واش احنا بالنسبة للكرسي ، برضوو مثل حلقة في فلااة وصحراء !
يعني حنا صغار ، ضعاف
الله يقول ، ويخاطبنا وينادينا ( يا ايها الناس أنتم الفقراء الى الله )
فقرااء ، محتااجين ، ضعفاء ، خططنا تبور ، وأحكامنا تجوور ، ويبقى الله ملك الملووك !
المشكلة وين !
انه نطرق كل الابواب .. ونخلي الباب المفتوح الي ينتظرنا ندعي ، ينتظرنا نبكي !!
ينتظرنا نرجوو .. !
وين حنا ياا عاالم !
شوفوا معااي الانبيااء اش حالهم !
كلهم جاتهم مصايب وعكرت حياتهم بلاياا ..
وكلهم جااهم الفرج في وقت التجاءهم بالله وعلى السجادة مثل ما نقول ، ومثل ما ذكر القرآن (في المحراب)
تعالي انتي يالمحرومة من الولد !!
متى بشر الله الكريم نبيه زكريا بالولد .. !!
علميني متى !
قال: (فنادته الملائكة وهو قاائم يصلي في المحراب أن الله بيشرك بيحى ) !
عرفتي متي !
على السجاادة !
تبغين وظيفة !! تبغين فلووس !
تعالي شوفي مريم عليها السلام ..
( كلما دخل عليها زكريا المحراب وجد عندها رزقا ، قال يا مريم أنى لك هذا ! قالت هو من عند الله .. إن الله يرزق من يشاء بغير حساب) !!
عرفتي متى !
لما وقفت بين يدي الله وعكفت على عبادته ، كفاها الله هم الدنيا !
تعالي شوفي موسى عليه السلام !
متى جاته الزوجة !
بعد عمل الخير ..
يقول الله (فسقى لهما << هذا العمل اللي هو السقيا ..
(فسقى لهما ثم تولى إلى الظل ، قال رب إني لما أنزلت إلي من خير فقير .. )طيب اش صار ( قال إني أريد أن أنكحك !! ) سبحان الله العظيم !
ضايق صدرك ! ضايقة فيك الدنيا ! خانقك هالكوون !
تعالي ليونس عليه السلام ..
هرب وشرد وركب البحر ، وفي كل مرة يطلع سهمه عشان يرمووه ..
ورمووه والتقمه الحووت 1
من كان راح ينجيه لو ما نادى الله
(لا اله الا انت سبحانك اني كنت من الظالمين !! فاستجبنا له فشكفنا ما به من غم وكذلك ننجي المؤمنين)
لاا ومو بس نجااة وبس .. ( وأنبتنا عليه شجرة من يقطين ، وأرسلناه إلى مائة ألف أو يزيدون ، فآمنوا ..)
أخرجه ، وأنبت له عشان يشبع ، ورجع لقومه وأقر عينه بإيمانهم كلهم !
آآآآآآه يارب .. الله كريم يا بنات لكن حنا مقصرين كثير !!
انتي مريضة 1 عندك مراجعات ! عندك مواعيد ! قالوا لك شي وخفتي ! مشتبهين في شي !!
تعالي معاايا لأيوب عليه السلام ..
نادى مين !!
الاطباء !! الاستشاريين !! كبار المتخصصين !!
نادى العظي م
نادى العلي م
نادى الكري م
الله جل في علاه
(رب إني مسني الضر وأنت ارحم الراحمين )
طيب اش صار !
(فاستجينا له ووهبنا له أهله ومثلهم معهم رحمة منا ..)
يعني الله شفااه وعطاه مثل اللي كان عنده وضعفه !
طيب ليش !
(رحمة منا ..)
يا بنات ..
ادعوا الرحمن الرحيم
التجئوا للعظيم الكريم
توكلوا على العزيز العليم
فتشي في نفسك ، اش عندك خلل وصلحيه !

وعلقي قلبك برب الكوون !

نصيحة خذوها مني .. طال الزمن أو قصر !

• ادرسي أسماء الله الحسنى .. اسمعي دروس مشروحة لها .. تنفتح لك هالدنياا بكبرها ! عندك شرح د.نوال العيد الله يسعدها من موقع الواحات وتسمعينه بأي لحظة أو تحملنه على جهازك أو جوالك ! المهم انك تعرفين انتي مخلوقة لايش ! ومن الي خلقك ! وكيف تعبدينه حق العبادة !
• اقري سورة البقرة يوميا أو يوم- ايه ويوم لا أو ع الاقل ، كل ثلااث ايام مرة ..
• استغفري استغفري استغفري
• ادعي و تضرعي وتحري مواطن الاجابة ( آخر ساعة من الجمعة ، بين الاذان والاقامة ، عند نزول المطر ، اول ما يقول المؤذن الله اكبر هنا فيه دعوة مجابة ، اذا مرة صليتي في المسجد لما يقيم و تصطف الصفوف للصلاة هنا دعوة مجاابة ،، لما تنامين الليل وتصحين تتقلبين وترجعين تنامين هنناا دعوة مجابة ، حديث( من تعار من الليل ..) .... الثلث الاخير من الليل دعوة مجاابة .. لما تسمعين صوت الديك دعووة مجاابة ..

وان شاء الله يوصل قلوبكم
أتمنى من الإدارة ما تحذف الموضوع أو تنقله ..
لأنه هنا تجمع كبير ، وهنا مشاكل كثير
وانتظر مشاركاتكم يا الحبيبات ..