اللي تعاني أو تعرف أحد يعاني من القمل تدخل هنا الحل الأكيد من أول مره

1. السلام عليكم ورحمة الله

السلام عليكم ورحمة الله

أحب أقولك أول شي أنا متابعتكم من فتره لفتره بس لضيق وقتي ماشارك معاكم مع اني اسفدت منكم كثير ومن منتديات نسائيه أخرى الله يجزاكم خير في كل فايده تكتبونها
المهم انا ام لبنتين وولد واكبر بناتي بالابتدائي وجلست فتره تحكك شعرها وانا مدري ليه يوم قلت تعالي افتش زين وأتفاجات بوجود حشره براسها وليتها حشره الا كل شعرها مليان جاء في بالي القمل سويت بحث بالنت عن القمل ولقيت الحشره نفس اللي براس بنتي المهم جلست خمس شهور اعاني من بخاخ بارا لشامبوا سنان للخل للتايد لزيت الزيتون للديتول ومافيه فايده حتى لو نظف بنفس الوقت يرجع اليوم الثاني
والمشكله الثانيه ان بعد فتره انعدى البيت كله ومنهم أنا قصيت شعور بناتي لانها صارت تتساقط بشكل فضيع
من التجارب اللي أسويها وقلت يمكن يروح يخف مافيه فايده
لحد ماراح يوم زوجي للصيدلي وحلفه يعطيه شي مضمون مو بارا ومشتقاتها وأحطاه هالبخاخ عباره عن زيت
رميت الكرتون بس الاسم واضح وجاء معاه هالمشط البرتقالي وكرتونته لونها برتقالي وأبيض وسعره بالثلاثين
المهم اشتريت علبتين وكفتنا بالراحه حتى الثانيه استخدمنا نصها بس بس احنا شعورنا قصيره وطريقته
تبخين عالفروه والشعره نفسها ويجلس عالشعر ثمان ساعات وراح تلاقين الطريقه مكتوبه بالتفصيل وبعدها باذن الله راح يروح لان انا استخدام واحد وخلاص
وانا اسوي بحث للعلاج تفاجات ان كل مناطق المملكه تعاني وخصوصا المدارس فياليت اللي تعرف احد يعاني او مدرسه او تدخل منتديات تنقل موضعي حتى يستفيد الكل
انا قلت لمدرسة بنتي عشان تعطي البنات لان كل فصلها حالته حاله وتعرفون الصغار اللي تاخذ طوق هذي ولاشباصتها ولا تلعب بشعرها فانتشر بسرعه
ملاحظه مهمه وصغيره الصيدلي يقول القمل مايعيش برا فروة الراس اكثر من 24 ساعه فاذا طاح عالفرش والكنب لاتخافين ولاشي لانه راح يموت بس اهم شي اول ماتستخدمينه تستخدمينه لكل المصابين بالبيت
بنفس اليوم عشان ماينعدون وغيري مفارش السرير لانهم ماراح يجلسون صاحين اربع وعشرين ساعه حتى لو ماغسلتيها عادي لانه راح يموت من حاله حتى الملابس لاتعقمين ولا شي
اللي تستفيد من تجربتي تدعي لي
وصلى الله وسلم على سيدنا محمد