اللي تقول هي تفهم في المكياج تدخل و توريني شطارتها

ان شاء الله البنات ما يقصرون
لكن ان استشيري الكوفيره الي بتروحيلها ايش الاوان المناسبه

بالنسبه حق الشعر حبيبتي انا اقول خليه طايح وحطي مثلا كرستال او اي شي على جنب عند الاذن
واذا على الميك اب روحي حق الصالون وقولي لهم يحطون لج مكيااج لبناني

و المناسبة الثانية راح البس فستان اسود قصير و بدون اكمام طبعا خيووط>> و مافيه اي لون ثاني غير الاسود بس معاه طقم كريستال
بعد قولولي شنو احط مكياج و شنو اسوي شعري>> ابيه بعد طايح بس حركة غير
انا شعري موب طويل لتحت كتفي بس و مقطع 3 قطع>> اشرايكم ارفعه ولا اخليه مفتوح؟؟ ويهي ظعيف و انا وايد ظعيفة شنو يناسبني؟؟
و المكياج مابيه ثقيل اولا لاني موب محترفة و ثانيا لان زواج صديقتي يعني مو قريبتي مو حلوة اطلع كاني اخت العروس
هلا والله اختي شوفي انا يمكن اساعدج بالثانيه وبس الاولى ما اقدر اشوف فراشاتنا الحلوين ان شاء الله يساعدونج
البدله السوده يصلح لها المكياج الوري الزهري الفاتح مع السلفر والاسود بس خفيف موقامج
مع الحمره الورديه نفس درجه الشدو تقريبا وفي حركه حلوه انا ساعات اسويها احط حمره مقاربه من لون الشدو واحط على الحمره شوي من نفس درجه الشدو تطلع واايد حلوه
وشعرج حبيبتي اذا مدرج سوي بف صغير حلو من جدام وحطي فيه كسسوارات ناعمه صغره من نفس لون الكرستال اللي بتلبسينه وخلي الباجي مفلوول >>طايح واذا تحبين تسوين جم خصله كيرلي يعني بحيث يصير شكلج حلو وناعم موكله كيرلي لا يعني بف صغير من جدام ورى طايح مع جم خصله كيرلي ما ادري انتي وعلى حسب ذوقج بغيتحه طايح كله كيفج ونشوف فراشلتنا الحلوين شو يعطونج افكار بعد
واتمنالج حفله سعيده
وان شاء الله ما كون قصرت بشي ..

استشيري الكوافيرة افضل

bee cool 3la 6ool
يسلموو بي كول على مرورج الحلو
بس انا مابي اروح عند كوافيرة بصراحة مكياج الصوالين مايعجبني يحطون ثقيل وايد ابي اسوي في البيت مكياج نااعم

دلع قطري
اسعدني مرورج يادلع
حلوة فكرة الشعر بس انشالله الاقي قطعة كرستال تناسب
اما المكياج مافكر اروح توني شارية مكياج جديد و ابي احط منه>>>>> ههه معليش متخرعة

أنا أقولج الأحسن تسوين شعرج كيرلي مب وايد خفيف يعني وسط عشان لا يبين ضعفج
والمكياج خفيف وايد مب ثجيل وادمجيه بالأسود والذهبي
وان شاء الله بتطلعين ستايل ينن
المكياج يكون جييه بس بدال العيناوي حطي ذهبي اوكي
وشعرج يكون جيه
إذا ما خاب ظني بتطلعين روعه ان شاء الله وأنا خبيرت تسريحات شعر على فكره وهذا تخصصي

جوري^_^
يا احلى و اروع جوري انتي>> ماشالله عليج ذوقج روعة
بالنسبة للمكياج فاهمة عليج تمام التمام و هالمكياج اللي وصفتيه سويته من قبل على هالفستان و طلع روعة و ناعم>> هالمرة افكر اسويه سموكي ماقط سويت>> بس بعد ابي احط وياه وردي و سلفر
و التسريحة بعد وايد عجبتني افكر اسويها بس المشكلة ماعرف يبيلي اتدرب او اروح صالون
يسلمو ياقلبي علافكار الحلوة

حلم روح
روعة افكارج حبيبتي
بالنسبة للمكياج وايد عجبني بس شنو العيناوي مافهمت>> قصدج الموف اسويه ذهبي؟؟ طيب و الروج ذهبي ولا كراميل احلى؟؟
و التسريحة بعد وايد عاجبتني لان بتغطي ظهري راحيكون مكشوف يعني حركة
الله لايحرمنا من افكارج