اللي تقول هي صريحه تدخل وتجاوب خاص للمتزوجات

كم زائرة دخلت وقرأت هذا الموضوع : 17
وحتى الآن لم يضاف اي رد وجواب على هذه الأسئلة
خلاص ماراح أضيف مواضيع جديده في المنتدى
لأني أضيف مواضيع ولا أحد يضيف مشاركات فيها مع أنها ممتازه ومفيده وشيقه

فديتك لاتزعلي انا اول وحده برد عليك ان شاء الله
لي عوده

كم كان عمرج يوم انخطبتي و كم كان عمر خطيبج ؟؟
عمري كان 17 وزوجي 24
و شنو ردت فعلج يوم دريتي ان فلان متقدم لج ؟؟
اكيد فرح وسعاده
و شنو سويتي في النظره الشرعيه ؟؟
عادي دخلت عليه واكيد كنت خجلانه منه
و شنو شعورج اول مره شفتيه سواء كانت صوره و الا فيس تو فيس ؟
اه بس ياذيك اللحظه لما جات عيني بعينه وربي لحد اليوم حاسه بحلاوتها فديت عيونه
هل كنتوا تعرفونه من قبل و الا كتبه و نصيب ؟
لا مره ماكنت اعرفه مع انه من اهل بابي
و شنو اول هديته عطيتيه و اول هديه عطاج اياها ؟؟
اول هديه له كانت طقم مكياج من ديور طقم عطر من مكياجي وباقه ورد و500 ريال واول هديه اعطيته اياه قلب صغبر مكتوب فيه احبك ورده حمراء ادري اني بخيله ههه بس كنت اتغلى
شي سويتيه ايام الخطوبه و ندمتي عليه حيل ؟؟
مافي شي قد ندمت عليه الحمد لله
موقف لن تنسيه ابداً ابداً سواء محرج و الا مضحك ؟؟
اام وربي مااتذكر
و سؤال للمتزوجات و اللي معقود عليهم
كم كانت فترة ملجتج و هل تأيدين الملجه الطويله و الا القصيره
كانت ملكتي مدتها 4 شهور وانا اقول حلو تكون لا طويله ممله ولاقصيره مخله ههه امزح بس حلو لما تكون نص ونص خير الامور اوسطها
مشكوره يالغلا ع الموضوع الرائع لاتحرمينا من جديدك المتميز
ولاتزعلي ع البنات الله يهديهم انا بعد قد كتبت موضوع واحبطوني الله يهديهم
وانتي استمري في ابداعك
دمتي بسعاده

كم كان عمرج يوم انخطبتي و كم كان عمر خطيبج ؟؟
كان عمري 22 وهو 30
و شنو ردت فعلج يوم دريتي ان فلان متقدم لج ؟؟
فرحت وخفت<<الشعور الطبيعي احس لكل بنت
و شنو سويتي في النظره الشرعيه ؟؟
ماكان فيه نظرة شرعيه..
و شنو شعورج اول مره شفتيه سواء كانت صوره و الا فيس تو فيس ؟
شفته صورة ودخخل قلبي فديته
هل كنتوا تعرفونه من قبل و الا كتبه و نصيب ؟
لا ماعرفه ولاسمعت فيه مع انه من قرايبنا البعيد
و شنو اول هديته عطيتيه و اول هديه عطاج اياها ؟؟
اول هديه لي منه طقم ذهب مع باقة ورد واول هديه له مني درع كاتبه عليه اهداء مع عطر
شي سويتيه ايام الخطوبه و ندمتي عليه حيل ؟؟
مااذكر
موقف لن تنسيه ابداً ابداً سواء محرج و الا مضحك ؟؟
اذكر يوم جا يسالني ابوي عن رايي فيه كسرت اظافري من غير مااحس<<من الحيا وماوعيت الا على ضحك اخواني علي
و سؤال للمتزوجات و اللي معقود عليهم
كم كانت فترة ملجتج و هل تأيدين الملجه الطويله و الا القصيره ؟؟
3 شهور..وخير الامور اوسطها

كم كان عمرج يوم انخطبتي و كم كان عمر خطيبج ؟؟
عمري 19 وعمره30
و شنو ردت فعلج يوم دريتي ان فلان متقدم لج ؟؟
فرح وخوف وارتباك
و شنو سويتي في النظره الشرعيه ؟؟
اول ماشفته قرب من الباب الرئيسي على طول للباب الثاني قمت ركض لغرفتي وامي انرعبت ودخلت وراي وهو ياحرام وراي على طول اخته وقفته وقالت له وقف وين بتروح وظلت تناديني لين طلعتني امي غصب لين الحين كل مانذكر الموقف نضحك مع بعض
و شنو شعورج اول مره شفتيه سواء كانت صوره و الا فيس تو فيس ؟
انا شفته اول مه فيس تو فيس كنت مستحيه ومنزله راسي وخجلانه مره
هل كنتوا تعرفونه من قبل و الا كتبه و نصيب ؟
هو ولد عمتي انا وهو شفنا بعض قبل مايخطبني بسنه مه وحده او مرتين بحكم انو انا بالاحساء هو بالدمام وماكنا متوقعين انو بنكون من نصيب بعض
و شنو اول هديته عطيتيه و اول هديه عطاج اياها ؟؟
اول هديه عطاني اياها كانت يوم الخطبه الرسيمه صندوق فيه ملابس وفساتين وطقم ذهب وباقة ورد وانا عطيته اول مره في العيد قلب زجاجي مكتوب عليه اسمي واسمه وورد
شي سويتيه ايام الخطوبه و ندمتي عليه حيل ؟؟
الحمدلله ماندمت على شي
موقف لن تنسيه ابداً ابداً سواء محرج و الا مضحك ؟؟
موقف النظره الشرعيه وفي مواقف كثير لو بذكرها ماراح اخلص الا بكره
و سؤال للمتزوجات و اللي معقود عليهم
كم كانت فترة ملجتج و هل تأيدين الملجه الطويله و الا القصيره ؟؟
انا فترة ملكتي كانت 8شهور و3 اسابيع
احس انو في النص افضل من طويله كثير او قصيره كثير

بسم الله الرحمن الرحيم
السلام عليكم ورحمة الله وبركاته
كم كان عمرج يوم انخطبتي و كم كان عمر خطيبج ؟؟
كان عمري 20 وعمر زوجي 23 سنه
و شنو ردت فعلج يوم دريتي ان فلان متقدم لج ؟؟
ام شعور مختلط صراحه كنت فرحانه وخايفه ومتردده
و شنو سويتي في النظره الشرعيه ؟؟
في النظره جاني صمت رهيب يكلمني وانا ماني قادره اقول ولاكلمه ابد وكنت ارجف مره
و شنو شعورج اول مره شفتيه سواء كانت صوره و الا فيس تو فيس ؟
اول مره شفته قبل ماتصير النظره اخته ورتني صورته ودخل قلبي بسرعه >> فديته
هل كنتوا تعرفونه من قبل و الا كتبه و نصيب ؟
هو يقربلي من بعيد بس ماكنت اعرف لاشكله ولااعرف شي عنه
و شنو اول هديته عطيتيه و اول هديه عطاج اياها ؟؟
اول هديه اهداني بوكيه ورد وجوال ..
وانا اول هديه عطيته مجموعه عطر ولوشن وشور جل من فافوم بس نسيت ايش المجموعه
شي سويتيه ايام الخطوبه و ندمتي عليه حيل ؟؟
ولاشي الحمدلله
موقف لن تنسيه ابداً ابداً سواء محرج و الا مضحك ؟؟
ماافتكر شي الحين
و سؤال للمتزوجات و اللي معقود عليهم
كم كانت فترة ملجتج و هل تأيدين الملجه الطويله و الا القصيره ؟؟
ملكتي كانت سنه وشوي
بس كانت الحمدلله من اروع الايام

>>>>>>>>>>>>>.

كم كان عمرج يوم انخطبتي و كم كان عمر خطيبج ؟؟
عمري 25 وعمره 34
و شنو ردت فعلج يوم دريتي ان فلان متقدم لج ؟؟
رفضت بشدة لأني من المعارضين للزواج
و شنو سويتي في النظره الشرعيه ؟؟
فرحانة بقوة مع اني كنت معارضة بالبداية
و شنو شعورج اول مره شفتيه سواء كانت صوره و الا فيس تو فيس ؟
فيس تو فيس كان هو مرتبك وانا ولا على بالي بس ساكتة وما اطل فيه بس حفظت شكل رجوله تكرموا >>>> ههه
هل كنتوا تعرفونه من قبل و الا كتبه و نصيب ؟
ما نعرفه بس نعرف زوجة ابوه وعلاقتنا معها مو لهناك
و شنو اول هديته عطيتيه و اول هديه عطاج اياها ؟؟
هو عطاني تولة عود كبيرة وعطر فخم
وانا اعطيته قلبي >>>> ماني فاكرة ايش جبتله
شي سويتيه ايام الخطوبه و ندمتي عليه حيل ؟؟
الحمد لله ولا شي
موقف لن تنسيه ابداً ابداً سواء محرج و الا مضحك ؟؟
وقت فحص الزواج جا يكلم بابا وقاله عمو
والمحرج : كان يبي يعطيني الهدية ووقف قبالي في النظرة التانية وحاولت اوقف ما قدرت لأنو مرة قريب مني
و سؤال للمتزوجات و اللي معقود عليهم
كم كانت فترة ملجتج و هل تأيدين الملجه الطويله و الا القصيره ؟؟
انا اؤيد انها مو اقل من شهرين ولا اكثر من اربعة
يعطيكي العافية اسئلة حلوة وعلى فكرة انا توني عروس جديدة >>>>> يعني باركولها

كم كان عمرج يوم انخطبتي و كم كان عمر خطيبج ؟؟
تقريباً انا 24 سنه وزوجي 26
و شنو ردت فعلج يوم دريتي ان فلان متقدم لج ؟؟
بصراحه سجدت شكر لله لاني احبه موت
و شنو سويتي في النظره الشرعيه ؟؟
ابتسمت له حتى كل اللي حولي لاحظوا وسألوني ليش هالابتسامه
و شنو شعورج اول مره شفتيه سواء كانت صوره و الا فيس تو فيس ؟
الحمد لله ارتحت له بقوه مع انه كان يطالعني بنظرات قويه
هل كنتوا تعرفونه من قبل و الا كتبه و نصيب ؟
اكيد اعرفه من قبل ولا وشلون احبه
و شنو اول هديته عطيتيه و اول هديه عطاج اياها ؟؟
اول هديه اعطيته تشكيله جوال على عطر على ساعه ارسلتها له في ذكرى مرور سنه على خطوبتنا وارسلتها له بالفيدكس مفاجأه لانه كان في مدينه غير اللي انا فيها
اول هديه منه سواره ذهب
شي سويتيه ايام الخطوبه و ندمتي عليه حيل ؟؟
ولاشي بالعكس احلى ايام عمري
موقف لن تنسيه ابداً ابداً سواء محرج و الا مضحك ؟؟
مافيه
و سؤال للمتزوجات و اللي معقود عليهم
كم كانت فترة ملجتج و هل تأيدين الملجه الطويله و الا القصيره ؟؟
انا جلست مملكه سنه وتقريباً 4 شهور وكانت روعه صح طويله بس الحمد لله خلصت بدون مشاكل بس احس الوسط احلى مو طويله مره ولا قصيره لانه في الملكه تفهمينه ويفهمك
تحياتي لك