اللي زوجها يستلم بالدوام

السلام عليكم ..
لو سمحتم بنات كل وحده زوجها يستلم بالدوام..
ابسألكم كيف تأقلتم على الوضع؟؟
وكم صار لكم سنه وانتم على هالحاله؟؟
وإذا استلم ونام بدوامه تجلسين بالبيت ولا تروحين لاهلك؟؟
ايش الاشياء اللي تسوينها وهو مستلم عشان يفكر فيك؟؟
ونفسيتك إذا استلم كيفها؟؟
لو يخيرونك ان دوامه يتغير توافين ولا لأ؟؟
تعودتي على دوامه وظروف شغله ؟؟
اتمنى يابنات تردون علي ونعتبر هذا موضوع لنا كل وحده تكتب كل شي حتى لو ما سألت عنها..
يابنات انا لسى متزوجه واليوم اول دوام لزوجي ودوامه استلامات يستلم اليوم كامل ممنوع يطلع من الدوام رحت لاهلي اليوم وابنام عندهم..
لكن من لما طلع من الدوام وانا ابكي لدرجة اني اخذت شماغه معاي وكل شوي اشمه ..
متضايقه مره ودي انه يتغير دوامه يوم كامل ما اشوفه ما اقدر والله تعب نفسي مره..
وابعيش طول عمري كذا ما اقدر اتعب..