اللي شعرو زي شعري يدخل وان شاء الله يستفيد

اول شي السلام عليكم
كيفكم يارب تكونو بخير
بنات حقولك قصيتي كلها
انا يابنات سويت العشبه الهنديه اللي تخلي الشعر اسود سويتها في صالون عندنا في جده طبعا ماادري هيا مغشوشه ولا ايش هرجتها
المهم سويتها قعدت 3 شهور فرحانه فيها وادلع فيها
لكن بعد الثلاثه شهور والله ثم والله شعري سار يتكسر امسك الشعره بيدي ولاقي اسمع صوت تك تك تك تكسيرات وخلاص قررت اقصو بووي ولد على اساس انو يتحسن
بعد ماقصيتو ريحتو فتره لكن جاكي العيد وابغى اغير شكلي وبعدين كان مقصوص بس ماقد احد شافو مسشور معدل وابغى اسوي تغير رحت وصبغتو
وانا لمن قصيت البوي طبعا في اطراف الشعر باقي الحنى السوده ولمن جات عليها الصبغه الله لايوريكم كيف صار الطرف وصعبه اقصو بيسير طول الشعره اصباعين خليتو قلت بعد كل شهر اقص شويه الين يروح الطرف
راح الطرف وبدا يطول شعري لكن المشكلة العظمى اللي صارت وماني عارفه سببها يابنات وربي واقسم بالله انو شعري مقصف من المنبت وهذا الشي اللي فجعني والتقصيفه شكلها غريب جدا
الشعره الوحده فيها يمكن 8 تقصفات وشكلها زي الشبك يفجع والله وصار كل مايكول اقص عشان يروح لكن شعري من سنه او اكثر الين يومكم هذا عند عظمة رقبتي يعني ماقد شفتو تحت اكتافي ابدا
ودخلت هنا ابغى مساعده تكفون والله مابقيت خلطة الا وسويتها واخذت من مندوبه زيت وكان والله سعرو غالي ب 450 وقلت والله مايغلى على شعري والقاروره صغيره لكن والله مااثر فيا الا بالعكس زاد التساقط وماادري من حقها الزيت ولا العلة في شعري
تكفون يابنات اللي تعرف خلطة زيت يطول بسرعه تقولي ويغزر ماابغى نعومه مع انو شعري مو ناعم بس احبو لانو كيرلي وهذا اللي يساعدني في الخرجات واللي مخلي شعري كانو غزير
بس ابغاه يطول بسرعه اقدر اصبر سنه سنه ونص بس ابغى اشوف طول ملحوظ وابغاه يغزر اللي عندها الله يرزقها جنات الفردوس الاعلى لاتبخل عليا بشي تكفون يافراشات ..