اللي متزوجه أجنبي او تعرف وحده متزوجه اجنبي تدش بليز

السلام عليكم
كيفكم؟ ان شا الله تكونون بخير
ذاك اليوم زارت اختي صديقة حماتها و كان معاها بنت اختها.. يا حلاتها تهبل ما شا الله تقريبا عمرها 8 سنوات و تعطينها أجنبيه على خليجية و البنت ساكته وهادية ولازقه بخالتها ما اتكلمت
اشويه ولا اختي قامت تسأل البنت تبين كيكة كاكاو ولا فانيلا ..والبنت ساكته و أطالع خالتها و قامت خالتها اترجم لها بالإنجليزي
عاد اختي قالت حق صديقة حماتهاا قميضه ليش ما علمتوها عربي (لأنها عبالها انها بالمدارس الأجنبيه).. الا تقولها البنت مو عربية لأن ابوها أمريكي .. اختي استغربت اشلون؟؟
جان تقول لها ان اختها متزوجه امريكي مسلم
و بس اختي ما حبت تستفسر زياده لأنها مو ميانه مع المره
فا عاد انا استغربت في خليجيات ماخذين اجانب يعني امريكان ولا اوروبيين ؟ و اشلون الحياة معاهم؟
بنات اللي متزوجه اجنبي يا ليت تقول لنا تجربتها و شنو الإيجابيات و السلبيات بهالزواج؟
و اللي حابه تقول وجهة نظرها بعد حياها