اللي وزنها 100 او90 تشاركيني

أم مايا

30-03-2022 - 10:42 am

اليوم وزنت لقيت نفسي 100 والله مرره انقهرت انا كنت ناويه اسوي عملية تضييق عشان كده اخذت راحتي في الاكل بس ماتوفر معايا المبلغ فقلت مابدهاش حعمل ريجيم بس ابغا احد يشجعني وابدا انا وياها ايش رايكم ممكن اكتر من وحده نبدا من بكره الاربعاء بريجيم اللبن والتمر وبعد اسبوع ريجيم الفشفاش ولسفن اب ونعمل لمدة ساعه رياضه وزي كده كل اسبوع ريجيم شكل عشان مانمل وكل وحده تدخل تقول للتانيه ايش صار معاها ونحدديوم في الاسبوع للميزان ياللا يافراشات ابغا تشجيع

التعليقات (9)

فراشاية فرفوشه

30-03-2022 - 01:19 pm

حبيبتي الله يقويك ويحقق لك امانيك...
وانا من امس بدأت في رجيم الدكتور محمد الجزار لانه كل اسبوعين نظام .....
تمنيت اكون معك لكن بسافر بكره
إنشاء الله الفراشات مايقصرون

أم مايا

30-03-2022 - 02:20 pm

خساره يافرفوشه ياللا يبنات مافي ولا وحده

الورد الاسود

30-03-2022 - 03:21 pm

اني بشاركم وزني فوق 107

--الغلى--

30-03-2022 - 04:22 pm

مساء الخير حبيبتي
ممكن تنظميلنا احنا قروب طريق الرشاقه وباذن الله تلاقي افضل تشجيع
لان الحلو في مجموعتنا انه عددنا قليل بس 5
كمان نفس طريقتك كل اسبوع نظام
حياك الله

أم مايا

30-03-2022 - 05:23 pm

الورد الاسود خلاص بكره نبدا ونجوى فين انتم ؟

possy cat

30-03-2022 - 06:24 pm

انا بدات من يومين رجيم سبعة في سبعة انا سميتة كدة اللي هو ينزل سبعة كيلو في الاسبوع موجود هنا في منتدانا وزهقانه عمري ونفسي اكل الدنيا كلها بس مصممة اكمل لازم اكمل لمتى حفضل كدة وانا كنت في يوم من الايام 58

بدويه ذوق

30-03-2022 - 07:25 pm

انا وزني 74 ينفع اشترك معكم
وياليت احد يعطيني رابط موضوع سبعه بسبعه الله لايهينكم

بدويه ذوق

30-03-2022 - 08:26 pm

بنات قد جربتم امان اكير
الي يسد الشهيه ؟؟؟

جاالا

30-03-2022 - 09:28 pm

يالله حاسه بشعورك انا في العيد كان وزني 100 وطولي 165 وقبل كذا عمري عملت رجيم بس مو مومتعب يعني مافيه حرمان بشكل الي انتي تفكري تعمليه ترى الرجيم والمشي يبغاله طول بال وصبر ايوب ترى اكبر غلط تاكلي حاجه محدده كلي كل شئ بس تجنبي الحلويات ممكن تاكلي حلى مره في الاسبوع بس قطعه وحده واذا انتي مجنونه حلى مثلي افضل ماتذوقيه عشان تتعبي نفسيتك وكمان تجنبي النشويات المكرونه والبطاطس المحمره دمار والاكل الجهاز عموما اجلسي مع نفسك وشوفي انت اش اكثر حاجه كنتي تاكليها وبكثره يعني مثلا انتي مياله للحلويات اقطعي العاده هذي وحتى المنبهات لاتحسيبيها ماتنفخ ترى كنت اش اسوي اشرب قهوة على بالي ماتنفخ والشاي كمان ترى يكون سلولايت انا ماقلت لاتشربينه نهائيا بس خففي منه يعني اذا رحتي عند ناس اشربي فنجال او اثنين من القهوة العربي مو كل يوم تخرجي وتشربي قهوة او شاي مره في الاسبوع برضوا لانه مفيد اكبر دمار بالصحه الببسي حتى لو كان لايت ابتعدي عن المشروبات الغازية اشربي عصير حتى لو معلب مفيد قبل مانام بساعه اشرب شاي اخضر مع النعناع والزنجبيل ترى لاتستهوني فيه واهم شئ في الرجيم الرياضه انا بصراحه لامشتركة مع نادي ولا غيره بس امشي نص ساعه واحيانا اذا مزاجي رايق امشي ساعه على فكره المشي بالنسبه ليه كانه دوام كريه
انا راح اقولك اش اكل ماعندي نظام امشي عليه عشان ماتعقد بس مجرد صححت سلوكي في الاكل مثلا اول مااصحى اشرب مويه تقريب مقدار كاستين بعدها بساعه افطر صامولي اسمر صغير يوم احط فيه جبنه شرائح قليلة الدسم يوم بيض مسلوق ومره لبنه واحط معاها طماطم وخيار واشرب عصير كاسه صغيره لاني ماعرف اكل سندويش من غير ماشرب معه شئ
الغداء ياتعملي صامولي كبير وتحشي الي تبغيه او تهملي ايدام دجاج او استيك مقطع صغار واعمله ايدام مع ربع خبز اسمر وصحن سلطه باي كمية ترى السلطه تشبع
العشاء افضل تاكلي حبتين فاكهه نامي وبطنك خفيف والموية لاتنسيها اشرب مقدار 8 كاسات في اليوم
بس ترى ماتنقصي بسرعه راح يطول لين يوصل جسمك مثالي بس مايطفش لكن لو عملتي رجيم مثل الي قلتي عليه امكن تنتحري بعده مو تتطفشي وشعرك يتساقط و ترى الي ينقص بسرعه يزيد بسرعه مو بس يزيد يزيد وزنك اضعاف اضعافه انتبهي كل شئ بالهداوه حلو

مين جربت منتجات زين الأتات تفيدني←
تصويت لافضل الميزان الاكتروني او العادي→