اللي يسألون عن طريقه قشر القهوه للتنظيف الرحم هذي طريقتنا يااهل الجنوب

اول شي يا هلا فيكم
بصراحه انا جالسه اشوف الكل يسال عن طريقه قشر القهوه للنفاس او الدوره
وقريت المواضيع هنا لكن للاسف الشديد مو هذي طريقتنا يمكن اهل جيزان يختلفون عننا ما ادري
لكن بالنسبه لنا واللي اقصد اهل الجنوب (( ابتداء من الباحه ___ انتها بأبها ))
هي نجيب قشر القهوه وطبعا هناك بالجنوب على قفا من يشيل سيارات اهل اليمن على الطريق جديده وبالخيش لو تبين
لما تشترينه مايكون محمص الله يطولي اعماركم حتى لو قلتو لونه بني ايه هو لونه بني لكن انتي لازم تاخذينه وتنقيه وبعدين تاخذي ملي يدك يعني قبضه اليد قشر القهوه
تحمسيها على النار شوي بعدين تجيبي البكرج او الابريق اللي تغلي فيه القهوه تحطي فيه القشر بعدين تحطين عليه القرفه فقط القرفه تكون مجروشه مو ناعمه مره واذا ما عندك الا ناعم عادي بس بيطلع عليك مو صافي لما تصبيه ويطلع قوي نكهته شوي وجيبي تمر 6 حبات او 8 حبات على كيفيك اللي يخلي حلاه مضبوط او ممكن تخطين بس خمس حبات تمر وتزيدين شوي سكر وهذا اختياري بس هذا عشان الحلا يصير مضبوط اكثر بعدين تغليها على النار لمده ربع ساعه بعدين بعدين جيبي الترمس وصفيها بالصفايه (( المشخاله )) وبس وتنشرب مثل الشاهي مو مثل القهوه
يعني تتقدم مع فناجيل شاهي عشان كذا نقول خلي القرفه مجروشه عشان يكون صافي شوي وبعدين قشر القهوه ما ينطحن مجرد ينحمس وينحط بس
هذي طريقتنا حن يا اهل الجنوب اذا هاذي طريقه للمناطق الاخرى من الجنوب مثل جيزان ونجران ما ادري بصراحه
فوائدها الله يطولي اعماركم بالصحه والعافيه تصفي الدم في الجسم يشربوها الرجال والحريم والبنات هذا اهم شي انها تصفي الدم ومالها وقت محدد نحن نشربها مثلها مثل الشاهي باي وقت
لكن ليش نركز ايام الدوره والنفاس لانها كمان تنظف الرحم وتطرد الاوساخ اللي فيه وبحكم انها تنقي الدم فهو برضو حلو ومفيد
وان شالله اني افدتكم بهالموضوع والتساؤالات اللي انطرحت كثير على قشر القهوه
وبالتوفيق للجميع
م ل ط و ش للفائدة