اللي يعرف في العجاين بسرعه ينقذني

المقادير :
6 أكواب دقيق + ربع كوب سكر + رشة ملح + 2 م خميرة فورية + 1م بيكينج باودر + 5 م طعام زيت + 6 م طعام زبادي ( روب ).
الطريقة:
1. يخلط الحليب والزيت والزبادي مع بعض.
2. في الخلاط ( كأس طحين + خميرة + بيكينج باودر + سكر + ملح ).
3. أضيفي خليط الحليب وأخلطي لمدة 2 د.
4. صب الخليط في الدقيق المتبق ، وتعجن جيدا ثم تخمّر 1 س .
, وهذي المقادير والطريقه يالله وين ردودكم بسرعه

شدعوه 45 دقيقه منزله الموضوع ومحد رد..
والله اني توهقت بهالعجينه

وللعلم تراها ماانتفخت ابد رغم ان صار لها ساعه ونص ..عاد ردوا وشدعوه

حبيبتي اذ صارت تلصق باليد حطي عليها طحين شوي بس واعجني وشوفي
واذا بعدها ردي حطي لين تحسيها صارت تمام
مو تحطي الطحين بجهه وحده اعجني وحطي بجهه وبعدين 2
انا كده اسوي وتطلع تمام

ما انتفخت العجينه
اما ان خميرتك منتهيه مدتها او انك ماحفظتيها بشكل يمنع وصول الهواء لها
الخميره لما تفكينها من علبتها افضل شي لها تحطينها في برطمان زجاجي وفي الفريزر
ام ان خميرتك مانفع معها الضرب في الخلاط احيانا ضرب الخميره في الخلاط يخربها والافضل انك تحطينها في كاس ماء دافيء اقرب للبروده لأن الماء الحار مره يخربها مع شوي سكر واتركيها خمس دقايق بعدين حطيها على العجينه
بالنسبه لي انا حط كل المقادير مع بعض مره وحده والكل تعجبه عجينتي لأنها سهله

قرية الموضوع وقلت ماراح أطلع قبل ماأكتب لك طريقتي في العجينة كانت أقول لأمي أستحاله في يوم من الأيام أني أعجن فطائر واسبب كل ماأعجن ماتضبط ومن بعد ماعملت هالطريقة صارت الفطائر تقولين من برا مره خيال والله راح تدعين لي كل ماعجنتيها:
المقادير:3ملاعق حليب بودر+ 2كأس دقيق الكويت +ملعقة صغيرةملعقة بكنج بودر+قليل من الملح+تخلطين في كأس ماء 2 ملعقة كبيرة سكر+ ملعقة كبيرة خميرة فورية تخلط مع بعض وتوضع على الدقيق والحليب ويضاف إليها ربع الكأس زيت وتعجنينهم مع بعض في حوض العجين الكهربائى أنا عندي مولنكس وتخلطينهم وتخلينها ساعة وتتخمر ومافيها ريحة خميرة وبيضاء مرره طرية بس متلزق في اليدين أنشاء الله تعجبك.

صحيح متاخره بس انا بقوللك السبب
اولا السكر كثير عشان كذا تلصق بس اضيفي شويتين دقيق وتروح المشكله وبالعافيه ياشيف

شوفي حياتي انا اقول لك طريقة سهلة للعجينه انا من يوم اتعلمتها وانا ماشيه عليها لذيذة وطريه وبسيطه جدا جداجدا وانتي جربيها والله ما راح تندمين المقادير 1ك ماء دافئ قليلا فنجان قهوة سكر بيالةشاهي زيت - 3ملعقة حليب بودرة - ملعقة طعام خميرة - 2او2ونصف دقيق الطريقة 0000ضعي اولا الماء في اناء العجن ثم ضعي المقادير جميعها ماعدا الدقيق وقلبيها بملعقة واتركيها لمدة 3دقائق بعدها قلبيها ثم ضعي الدقيق تدريجيا ممكن تاخذ 2ك او 2ونصف الى ان تحسي العجينه اصبحت طريه ومتماسكة ثم اتركيها لمدة ساعة سوف تخمر وتصبح مثل البلونه 000صدقيني اذا نجحت معك العجينه سوف تتر كين اي طريقة اخرى للعجينه وهي لجميع انواع المعجنات00 اتمنى منك تجربتها واخباري با لنتيجة وتقبلي مروري واعتذر على الاطالة وشكرا0

دائما انتم فراشات راائعات في وقت الضيق..
تقبلوا تحياتي وان شا الله راح اجرب اللي كتبتوه كلكم ...