المثلوثه رروعه يابنات ما تشبعون منها من مطبخي وبالصور بعد حياكم

اهلين يافراشات ياحلوين
تعالوا شوفو المثلوثه على طريقتي وبالصور..طبعا المثلوثه عباره عن 3 طبخات
جريش
قرصان
ورز طبعا ويا تقدم على دجاج او لحم
انا راح اسويهاا باللحم
وبقول كل طبخه لحال وعند التقديم نسوي طبقه من كل شي..يعني جريش ثم قرصان ثم الرز وفوقه طبعا اللحم
بالله نبدأ(الجريش)اسفه ما صورته من الخبه..
الطريقه:
ننقع كأس جريش في ماء فاتر لمدة ساعه على الاقل قبل الطبخ
وفي القدر نحمس نصف بصله مع الزيت
ثم نحط عليها صدر دجاجه
ونقلب
ثم نضيف البهارات والملح وعود دارسين والتقليب مستمر
ثم نضيف كوبين ماء
وكأس حليب او زبادي او لبن
وبعد ما يغلي الخليط نضيف الجريش ونقلب
ثم نخليه لين يبدأ يطبخ ونقصر عليه واذا شفنا الماء ناقص نزيده
ونخليه على الاقل يطبخ 4 ساعات
ونجي للرز
اول شي نحمس بصل مع شوي زيت
ونضيف لومي اسود واعواد دارسين وحب هيل وحبحر او فلفل اخضر الحار وبهارات وملح ونقلب
ومكعبين ماجي
ونقلب ثم نضيف ماء لحد نصف القدر(طبعا نكون ناقعين مقدار الرز اللي نحتاجه من قبل نصف ساعه)
ولما تغلي المويه نضيف الرز ونقلب ونخليه يطبخ ولما يبدأ ينشف نقصر النار عليه ونخليه
نجي الحين للقرصان
نحمس بصله كامله مع زيت وبعد ما تشقر نضيف عليها 2 طماطم ونصف علبه صلصه طماطم ونقلب
ثم نضيف البهارات واعواد الدارسين ولومي اسود وملح طبعا وماجي ونضيف الماي وجزر مقطع حلقات
ونخليه لما يغلي الماء ثم نضيف القرصان الناشف بعد تكسيره شوي ونقلب
وخليه يطبخ وقبل ما نغرفه بربع ساعه نضيف بصل اخضر مقطع(طبعا الازم تنشف المويه ما يكون فيها مويه ابد)
ونجي الحين للحم وتتبيلتها
انا اخترت لحم غنم وسويته قطعه كبيره وتبلتها بالملح والكركم والبهارات المخلطه
ونشويها بالفرن (والطريقه انك تحطيها على شبك الفرن وتحطي صينيه بالرف اللي تحتها وفيها ماء يعني لا تحطيها بصنيه..اشويها على الشبك مباشره)
وبعدين قدميها بهذا الشكل..عن الغرف مثل ما قلنا نحط طبقة جريش ثم قرصان ثم رز وبعدين اللحم
وتكون بهذا الشكل(معليش ما صورت وانا اسوي الطبقات)
وبالهنا والعافيه واتمنى يكون عجبكم
واتمنى الاقي ردودكم الحلوه
(معليش بنات بعض الصور مايله)