المشاغل النسائيه وما ادراك ما المشاغل احس اني حقدت عليهم

1. الشمع !! تدرون بعض المشاغل من قوة البخل اللي فيهم ..!


2. طبعا هذي الاشياء سويها بنفسك ماله داعي مشاغل وخرابيط ..


3. واعذروني ع طولة الرد بس إقتنعوا انتم تسوون احسن منهم بألف مرة ..

تجربة شخصية لأحد البنات
بنات والله والله ما تتخيلون ..!
انا من تجربة شخصية احكي لكم ..
قبل 5 سنوات ..كانت بدايتي في الجامعة المهم دخلت قسم بايخ واعتذرت في البيت ..
وجلست في البيت ..الا مدري وشلون امي ورطت نفسها في شراكة في مشغل !!
المشكلة مو هنا ..تورطوا مالقوا لهم احد يمسك المشغل ..
وكلهم إلتفتوا علي بما اني فاضية وجالسة في البيت ..
قلت طيب وش ورانا بروح اداوم هناك تجربة جديدة
وتبدأ هنا مرحلة إكتشاف اللعب ع عقولنا ..
طبعا المشغل كان فيه ثنتين وحدة مغربية والثانية مصرية ..
ماشاء الله شغل كله مكياج حلاوة شعر صبغة استشوار بديكير مانكير كل شيء في العالم يقالكم يعرفونه ...!!
اول شيء ..
المكياج الله لا يوريكم ..مكياج افلام رعب مو طبيعي !!
وتطلع من عندهم الزبونة وهي فرحانة ..
بديت احس انه فيني شيء غلط !!
انا شكلي مو طبيعية ..معقولة فرحانين ..
قلت طيب مو مشكلة وساكته ما ابي اطير اللي يشتغلون ..
المهم في يوم من الأيام طلعت الزبونة وهي مبسوطة وشكلها كان مرعب يا حرام ..
قالت لي المصرية ها اشرايك مش تجنن انا وجهي صار كذا بصراحة هو يبغاله كذا وكذا وكذا ولا هو حلو عموما بس التفاصيل يعني لك عليها .. قالت الزبونة طلبت كذا !!!
قلت طيب اوكي هي حرة ..ومرت الايام وجت (بالصدفة) وحدة تبي تسوي مكياج ..
الا دخلت الغرفة حقت الميك اب ..وقلت لها معليه ادخل معاكي لو سمحتي ابغى اشوف..
قالت ايه عادي حبيبتي ..
قلت حلو ..
المهم الحرمة جالسة تلطخها بالاساس اول شيء..
يوم الحرمة ناظرت نفسها ..قالت لا وش ذا ..
انا في نفسي اقول الحمد الله واخيرا احد اعترف بالإجرام اللي قاعدة تسويه ..
الا قالت وش ذا ابغى اصير أبيضّ من كذا !!!! حطي اساس زيادة
انا كان ودي اقطع ملابسي ومن العصبية تركت المكان ورحت جلست في المكتب وانا اقول ياربيه وشفيه الذوق العام خرب!!
وبعد كم اسبوع كنت فاتحة التلفزيون واتفرج الا يجي فيديو كليب ل بيونسي وكان شعرها اشقر ..
وفجأة طلع (شوشو=الشيطان) وقال يلا يا حنان روحي اصبغي شعرك اشقر اللحين اذا بيونسي وهي سمراء لايق عليها كيف انتي !!! اكيد بتطلعين تجنين
ودامني في المشغل 24 ساعة ليه ما ألعب بنفسي ..طبعا امي محذرتني ألعب في شعري لأنه خلقة ملونّ وفيها اكثر من لونة طبيعي ..
المهم قلت بس ..وحطيت راسي للشيطان وفجأة طلعت النسخة المشوهة من شاكيرا ..!
اول شيء قعدت اصيح وقلت لنفسي استاهل انا السبب اجل اشوف شغلهم واروح برجلي..
وبما اني ماشية ورى كلام امي قلت بكابر ع اللي صار واسوي انه عاجبني ..
رحت البيت ..الا فجأة اشوفهم كلهم متشقلبين ع ظهرهم من الضحك ..
وامي ناظرت بعصبية كذا ..بعدين جلست تضحك كركركر واك واك ..
انا تدمرت نفسيتي ..
وقررت اكشف كل خفايا هذا العالم الجَشع حق المشاغل ..
صبغت شعري اسود اول شيء..
ورجعت بكل إحترام للمشغل عشان أكشفهم وأستقعد لهم ع الحبة..

• إكتشفت انه المكياج اللي يستخدموه من ابو ريالين ! ويروحون يشترون الستاند حق أي ماركة ويعبونه بمكياج ابو ريالين ..!

لما قلت لهم ليه كذا؟ طيب إشتروا لهم ماركة او شيء ..
قالوا الثنتين لا يا حبيبتي لما تجي وحدة وتبغى مكياج بأرخص ثمن تستاهل ينحط ع وجهها الرخيص..
يشترون التقليد من اللي تجيك في شارع الخزان الظاهر ..

• إكتشفت انه أول ما تطلعين من الباب رح يحشون فيكي ويقطعون لحمك لين ما تقولين آمين..

زي وحدة جت تتزين لزوجها , وحطت مكياج وصلحت شعرها ..
يوم طلعت وتأكدوا انها طلعت , قاعدين يضحكون يقولون الله يعين زوجها بيجلس يشيل كل هالطبقات من ع وجهها وبعدين يقوم الصباح يشوفها ع بشاعتها !

• إكتشفت انه تنظيف الوجه , إسمه توصيخ الوجه ..

يروحون أبو ريالين , يجيبون لك ماسكات خيار و مقشر نيتروجينا وآلة بخار وكان الله غفورا رحيما..
وطبعا انتي مغمضة عينك ما تدرين وش قاعد يصير ..
تدفعين 100 ريال و فوق ع ماسك خيار ونيتروجينا !!!!!!!!!!!!!!!!!
الله يعافيك جيبي قدر وفيه بخار وحطي وجهك فيه وإشتغلي تقشير بالمقشر وبعدين ماسك عشان تسدين المسامات و شيء عشان تشدين البشرة فيه زي بياض البيضة ..!
واذا بشرتك مرة تعبانة روحي مركز طبي أعرف بستين ألف مرة من المشاغل النصابين !!

• إكتشفت انهم شايفينا بنك متحرك ..! يعني ما ترخص لك ولا ريال ليه لأنها برأيها انه عندك وهي أولى بها الفلوس ..وشايفة انه شغل يدها يسوى كذا واكثر ..

بنات والله تقطع قلبي في ليلة العيد ..
أم حبشية ومعها بنتين وولد صغير .. المهم شكلهم غلبانين ..
وولدها توه صغنوني ..قالت تبي تستشور شعر البنتين وتفرد شعر الولد ..
وحنا متفقين انه اناظر في المغربية او المصرية وهي تعطيني السعر..
المهم يوم ناظرت في المغربية قالت لي شعر البنت الوحدة ب 80 ريال
والولد فرده ب 50 ..
يوم قلت كذا للحرمة قالت لا مرة غالي وحنا كنا نجي دايم هنا للعيد عشان افرحهم واستشور لهم شعرهم ..
حاولت أقسى واقول هذا بزنس ..قلت لها معليه والله هذي الاسعار..
الموقف اللي ما تخيلته ..انه اخذت عيالها وبكل حزن قالت يلا نروح البيت ..
دوروني هنا حسيت نفسي وحشة
قلت لها تعالي تعالي .. كم تبين ؟
قالت مدري اي شيء بس مو هاالسعر ..
قلت طيب ..
شعر البنت ب 30 و الولد ب 10
انبسطت مرة وانا قلت عيد ليه نكسر فرحتهم ..!!
وفجأأأأاة تجي المغربية وتمسكني ع الجنب قالت هذا سعر؟؟؟ وش تسوين انتي ؟!!
قلت عيد فرحيهم وسوي لهم شعورهم ..
قالت وشغل يدي؟
قلت يجيكي راتب صح ولا لأ ..!
قالت وامسك شعورهم الافريقية بيديني واتعب وانا استشور لهم و افرد للولد اللي شعره #$#!$ وقالت كلام مرة ينرفز ..!!
قمت قلت لها شوفي يا تشتغلين اللحين ولا بتصل ع امي ودبري نفسك الشهر الجاي..!!
هذا شغل وإحترمي الاسعار اللي احطها ..
اشتغلت اوكي..بس لو تشوفونها كيف تعاملهم بكل وصاخة , تشد شعر البنت بوقاحة والولد تشتغل كل شوي وتقول اوف اوف ..!!

• اكتشفت انهم يشوفون العيب منا احنا مو منهم لما يطلع المكياج بايخ ..!

يا تقول هي اصلن بشعة ..!
يا تقول هي طلبت مكياج فلانة وش تحسب نفسها إليسا ولا هيفاء وهبي واك كاكاكا ههه وضحك واستهزاء ..
يا تقول انتم سعوديات كذا تحبون تبيضون نفسكم
ولا يقبلون اي نقد ع مكياجهم ..!
المهم اخر الحكي ما تركت الشغل الا وانا متأكد المغربية والمصرية طردوهم من الشغل ع قلة الأدب اللي يسوونها مع الزباين ..
وقلت لأمي اقول اسحبي شراكتك هذي ..
شريكة امي شايفة انه اهم شيء نكسب اي شيء
وما يهم النوعية ايش هي ..!
يعني مو شايفة انه اهم شيء النظافة والإتقان في العمل ..
خلاص جيبي اي وحدة تحط المكياج وإنتهينا وشعر اي كلام واي استشوار ..
مكياج المشاغل وصخ جدا !! وعادي يستعمله اي احد ولا ينظفون الفراشي ولا حاجة !
فراشي الشعر والاستشوار وصخة ومليانة قرف وحتى لو كان المشغل معروف ومشهور..
كم زبونة بتجي باليوم ؟ بيفضون ينظفون الفرشاة بعد كل وحدة ؟!
المقص كم شعر وحدة قص؟ كل شعورهم نظيفة؟
الخيط حق المشاغل ؟ نظيف ولا لأ؟
الكحل من جدكم تستعملون من عندهم ؟!!!
اذا مرة مغلوب ع امرك وش تسوي وتعرفين وحدة تضبط المكياج ..
خذي مكياجك معك !!! لا تستعملين من عندهم ولا شيء!

الشمع !! تدرون بعض المشاغل من قوة البخل اللي فيهم ..!

وش يسوون شفتوا القماشة اللي تشيلين فيها الشمع ..! تخيلوا يغسلونها ويرجعون يستعملونها..
العود اللي ينحط ع الشمع عشان تشيلين منه , يحطونه ع جلد زبونة يرجع يحطونه عليكي انتي وش ضمنك الزبونة اللي قبلك مو مريضة في جلدها؟ سالفة انها تاخذ العود وتحطه ع جلدها وترجع مرة ثانية للشمع اضمني انه كل الشمع صار وصخ!
طبعا بعض المشاغل وما يخفى علينا يسوون البكيني واكس..
تخيلي المرأة هذي فيها مرض جلدي من زوجها في المناطق الحساسة ..
تجي تنقله لك انتي وفرضا كنتي بنت بالله وش تفسرين للدكتورة ..
تقولين شمع ؟ تقول لك انتي الغلطانة ..

طبعا هذي الاشياء سويها بنفسك ماله داعي مشاغل وخرابيط ..

واعذروني ع طولة الرد بس إقتنعوا انتم تسوون احسن منهم بألف مرة ..

بعد هذا الكلام البقره اللي تصدق كوافيره وهي ما اقتنعت بشغلها .. اذا ما اعجبك المكياج قولي وش ذا البربسه اقول طسي مناك بس. واذا قالت لك شي قولي لها ..اعصابك ياجويل ماردنيال والله لو اوقف بنغالي ف الشارع واقول سو لي مكياج ان يسوي اطلق من شغلك ..انتي حدك تكنسين المشغل ولا تشتغلين ساحره .. ولاتدفعين فلووس .. وقولي لها الشرهه على راعية المشغل اللي مجمعه جاهلات اكبر همهم الفلوس .. وخذي المكياج وكبيه ف الارض واطلعي وارزحي بالباب << ههه تحمست
E]