المصورة ذكرياتي أم خالد

حبيبتي وين المصورة ؟؟؟ بأي منطقه؟؟؟

والله يااختي ....انا في وحده من قريباتي عملت عندها وكان كل شيء تمام ماعدا للاسف
خلفيات الصور وكانت سبب في ان الصور طلعت شوي ملخبطة

انا حجزت عندها راح اجيبها في شبكتي تصور قوليلي ايش في خوفتيني

شكرا للأخوات عالمرور واحلى ما في الوجود لا تخافي مافي شي بالعكس انا جبتها في شبكتي وزواجي والصور تجنن بس حبيت انبهك على اشياء مدري تعرفيها ولا لا
شوفي يا قلبي اول شي النجتيف ما تعطيكي هوه كله يعني حتصورك 6 او7 افلام وحتعطيكي النجتيف حق ال 40 صوره اللي طلبتيها بسس غيرها اذا تبغيه تشتريه كل نجتيف ب30 ريال قالت اذا تبغي تختاري بنفسك الصوره تطلبي بروفه لمن جيتها في الزواج قلت خلاص ابغى بروفه قالت اوكيه الفلم الواحد بروفته ب30 ريال قلت اوكيه يمكت 3 اربعه افلام تطلع حق 90 ,120 مو مشكله جيتها بعد الزواج تقلي حساب البروفه 270 ريال قلت ليش تقول صورناكي 9 افلام تخيلي الورطه ودفعتها غصبن عني
وكمان بنبهك على الصور الخارجيه اي صوره خارجيه ملزمه انك تاخذيها ولا ما تستلمي البوم صورك
بس يا قلبي ولا لاتشيلي هم تصويرهم تراه مره يجنن
بس الزبده اني بنبهك على حركاتهم الاستغلاليه فقط وبالتوفيق يا قمر ومبروك مقدما

لا وبعد قالوا لي اخلاقها مو زينه وتوترتك بزيادة

المصورة (أم خالد) جبتها في شبكتي وكانت أروع من الروعة .. سواء الفيديو والفوتوغرافي وشاشة العرض .. ونفس كلامك أختي *(نوني)* على بروفة الصور مادريت عنها غير بعد الشبكة .. كانت مصورتني 6 أفلام بس قالتلي لو تبي بروفة الفيلم ب 30 ريال يعني كنت عارفة كم فيلم صورتني عشان كذا ما انصدمت .. وقالتلي لو ماتبي بروفة احنا نختارلك الصور يعني ما أجبرتني على البروفة .. المشكلة إن الصور في الأفلام كلها عجبتني .. وطلعتها تقريباً كلها إلا كم صورة .. وأعطتني النيجاتيف كله هدية بدون أي مقابل .. وسوتلي صورة خشبية كبيرة هدية + صورة تتعلق هدية (حجم صغير) والفيديو الغلاف سوته كمان صورة مو على ورق لا صورة حقيقية (هدية) + ألبوم صغير فيه كل الصور اللي بخلفيات وأشعار مقاس (5 في 7) برضو (هدية) وطلبت منها صورة كبيرة اللي تجي مثل الخيال (صورة العريس وشوي تتغير وتصير صورة العروسة) سوتلي هي ب 150 ريال وأعطتني صورة خيال حجمها صغير (هدية) الصراحة (أم خالد) ما عليها كلام بس شوية عصبية بس لو أعطيتيها لسان حلو ومدحتيها تكسبيها وبس تعطيك هدايا أنواع وأشكال .. الله يوفقها ماقصرت معايا في شي وجات صورتني بنفسها يوم الشبكة بس عصبت عليا كثير وعصبت على العريس خ .. كلمة حق (أم خالد عصبية شوية) بس طولي بالك وراح تكسبيها والله ========>> عن تجربة ومبسوطة مع مغامراتها مع أم خالد

شكرا على المعلومة والحمد للة دحين ارتحت وانا لمن رحت حجزت عندها قالتلي بما اني انا اول مرة اصور عندها هي راح تختارلي الصور

لا يا قلبي ارتاحي ولا تشيلي هم ترى تصويرها جنان والكل سألني عن الصور

شكرا على التنبيه يا قلبي لأننا حنجيبها في ملكة اختي بس كيف بتسوي البروفه مافهمت
وسؤال ثاني هيه ايش جنسيتها ومين احسن وحده عندها