المعهد البريطاني بريتش كونسيل الشرقية

Happy moon
التسجيل (مغلق) الآن
تقريبا سكر في اليوم اللي كتبتي فيه الموضوع 28 -10
**
وانا مثلك اسأل عنه .. ابغى معلومات
بس باين حدى امرين:
محد راح له
محد يبي يفيد غيره

حبيبتى انا رحت وسجلت فيه من يوم السبت يعنى تاريخ 25-10وسويت اختبار تحديد مستوى وكان زحمة مرة تقولين كل الشرقية تبغا تتعلم انجلش ههه بس انا ابغا معلومات كافية عن اللى جربوه من قبل يعنى ابغا اعرف قبل لا ادفع فلوس وادبس معاهم هل هم فعلا كويسين الى درجة انك تطلعين بلبل انجليزى لان انا اصلا معاي بكالوريس انجليزى بس ابغا اطور نفسي بالمحادثة عندى المحادثة ضعيفة ابغا اتكلم بطلاقة من دون اخطاء بالازمنة اكيد فهمتى على ..
ومشكورة حبيبتى على ردك..

يابنات والله انكم تفشلون ماتشجعون بليز خلونا نتساعد ونتعاون وكل بنت تقول تجربتها مع المعهد البريطانى ..
أخاف مثلا نبدأ معاهم وبعدين مانستفيد شئ انا عن نفسي مثلا ابغا اطور من المحادثة العامة فقط .

بليز ساعدونى لرفع الموضوع ...

هلا بك اختي,
طلعتي مسجله وتبين زود معلومات .. عاد شفتي محد رد عليك.. يعني اكلتيها
انا راسلتهم ايميل..بعد ماخلص التسجيل هل ممكن انضم لكم قبل تبدون دراسه.. ردوا يعتذرون..
عاد برد عليهم .. واشكرهم انهم ردوني .. لأن "شهر" لايكفي لأكتساب اي مهاره,
ليش السالفه لعبه
**
المهم انتي طمنينا عنك ؟ و كم ساعه في اليوم
و كم يوم في الاسبوع
والسؤال الاهم طاقم التدريس سعودي,عربي او اجانب ؟
**
وفي حالتك .. الشهر ممكن ينفع بما ان عندك لغه وخلفيه.. وحابه تطوّرين منها,
عكس الي تبغى تتعلم اللغه مما جميعه في شهر !
(( ))

هلا وغلا فيك حبيبتى ..
أطنمك انا سجلت مع البنات اللى سجلوا من فترة يعنى بشهر 11 ودفعت 50 ريال اختبار تحديد مستوى وقلت لهم انى بنضم معكم على الفترة الثانية اللى راح تبدأ الدراسة فيها تاريخ 20 -12 يعنى انتى لازم تروحين لهم قبل هالمدة هذى وتسوين تسجيل تقريبا بعد إجازة العيد مع عودة الدراسة روحى اول يوم السبت وسجلى وسوى اختبار تحديد مستوى وهم يحددون لك المستوى اللى يناسبك ويعطونك جدول للدراسة وبالنسبة للمدرسات عندهم كلهم بريطانيات وكنديات وعلى فكرة التسجيل مكانه بالخبر بأبراج الراشد الدور السابع روحى العصر لان الدوام يبدأ من الساعة اربعة لين ثمانية وموفقة اختى ..
أى استفسار انا جاهزة ..
وبالنسبة لوضعى انا والله انى مترددة للحين ماقررت ابدأ ادرس أو لأ لان مدة شهر ماتكفى وانا احتاج اطور لغتى فقط بالمحاثة وهم الدراسةعندهم مستويات كل مستوى قيمته بألفين ومئة وهكذا يعنى اذا فرضنا انك نجحتى فى المستوى المبتدأين الاول وحبيتى تاخذين مستوى المبتدأين الثانى لازم تدفعين مرة ثانية الفين ومية وهكذا ..

happy moon
مشاء الله عليك معلومات وافيه,
وتراني متردده ..
طيب انتي احتكي بالبنات اللي الآن يدرسون .. علشان تاخذين فكره من الواقع,
ومبلغ ال 2100 حق كل مستوى ! ليش ماعندهم اللي تخلص من مستوى تروح للثاني بدون فلوس مثل الباقي ..!
يعني انا بكد عليهم 10,000 مثلاً؟
شوفي سجلت بمعهد (منزمان-وما استمريت لأنه ما اعجبني بتاتا إطلاقا) بفترة الصيف بمبلغ 1800 ,
وهذول 2100 - ليش السالفه فيها تكثيف يعني .. وظاغطين حالهم!
وكم ساعه باليوم ..
وكم يوم بالاسبوع
واقصى مستوى لهم وشو؟ تاخذ الوحده شهاده معتمده؟
يعني مرحلة ال advanced !!
..
8
8
بسم الله علي
تقدرين ماتردين .. من كثر الاسئله
.

هلو حبيبتى ..
شوفي بالنسبة لكلامك انى احتك مع البنات واخذ معلومات منهم شوى صعبة على لان ماعندى مواصلات متوفرة معتمدة على زوجى وزجى دوامه طويل شوى يعنى اذا فرضنا ابغى اروح الفترة الصباحية يعنى لازم يستأذن ويطلع من دوامه عشانى ..
وبالنسبة لموضوع المستويات نعم مثل ماذكرت لك بالضبط كل مستوى وحقه الفين ومية بالضبط ..
وبالنسبة لموضوعك انتى والأدفانسيد مااقدر افيدك لازم تروحين لهم وتسوين اختبار تحديدي مستوى والمعلمة تتناقش معاك وتحددلك المستوى اللى يناسبك وبالتوفيق ..
سي يو ..
صحيح تذكرت سألت وحدة من زميلاتى درست معهم مستويين كلفها تقريبا حدود اربع الاف وميتين وتقول ماستفادت منهم شي اغلبه كتب وحل واجبات مثله مثل اي كلاس بالمدرسة وهى كانت رايحة لهم طالبة فقط المحادثة العامة وقالو لها لازم اختبار تحديد مستوى وعطوها المستوى الثانى تخيلى وهى بكالوريس انجلش مثلى بالضبط مشان كذا ماتشجعت عليهم الى الان ..
على فكرة بحثت مرة واستعلمت عن برنامج اسمه تل مي مور يمكن تلقينه بمكتبةجرير وفيه مثلة برامج تعليمية عبارة عن سيديات واشرطة وكتب تقدرين تشترينها وتتعلمين عليها ..

8
8
انتي تلاحظين كيف الوضع مآساوي ..!
..
انتي جايه تسألين .. وانا جايه اسألك
.
.
يلا الله يسهل لك..,
.
.