الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
  2. وصفات طبخ
  3. وصفات اطباق رئيسية
  4. المنسف خطوه خطوه بالصور لعيون خالتي فرنسا

المنسف خطوه خطوه بالصور لعيون خالتي فرنسا


    • $المظلومه$
    24-07-2022 - 02:23 am
    1. وهيك صار اللبن جاهز

    2. صار دور الارز اللي بده شوية سمنه ونصفي الارز من ماء النقع ونغسله


    بسم الله الرحمن الرحيم
    مسا الخير على الجميع
    اليوم جبتلكم منسف اردني على كيف كيفكم وهاد اقل شي اقدملكم اياه بهالمنتدى الرائع
    وهاد اقل من واجبكم يا جماعه بس تفضلوا على المقسوم
    اول شي راح ابدأ بالمقادير:
    لحمه خروف قطع والافضل تكون كبيره
    كيلو لبن نعاج
    لبن مخيض لتر
    بصله مفرومه ناعم
    كيلو ارز صنوايت
    سمنه عربيه
    بهارات منسف
    هيل مطحون
    بقدونس مفروم
    مكسرات صنوبر ولور او حسب الرغبه بس الصنوبر ضروري
    وملح
    وهسه بدي اشرحلكم طريقة تخضير المنسف
    اول شي بدنا نسلق اللحمه بنقوم بغسل اللحمه ووضعها بالطنجره على النار ثم اضافة البصله المفرومه وتركها تغلي
    ثم نزيل الرغوه على الوجه عند اول غليه
    وتركها لمدة ساعتين على نار هاديه
    في هذه الاثناء راح ننقع الارز بالماء الدافئ
    ونبدا بتحضير اللبن اللي راح يحتاج انا نضع علبة اللبن بالخلاط مع بيضه نيه وشوية ملح
    ونخلطها بالخلاط جيدا لمدة 3 دقائق ثم نضعها بطنجره على الغاز مع اللبن المخيض وبنشغل النار على الحامي
    ونقوم بتحريك اللبن المخلوط مع المخيض بملعقه على النار بشكل دائري لحد الغليان حتى اللبن ما يخرب
    يعني هون مو لازم نترك اللبن بدون تحريك لانه راح يخرب ويفرط
    بعد الغليان نبعده عن النار ونراعي انه اللحمه تكون استوت والمرقه كمان تغلى ونبداباضافة مرق اللحم شوي شوي
    على اللبن لحد ما يكون سمكه جيد يعني انتوا لاحطوا انه ما يكون خفيف ونضيف اللحمه والملح ونتركه على النار المتوسطة لمدة10 دقائق مع ملاحظة عدم وضع غطاء على الطنجره
    واخيرا نضيف بهارات المنسف او شوية هيل مع شوية كركم علشان اللي بحب يغير اللون وملعقتين سمن عربي

    وهيك صار اللبن جاهز

    صار دور الارز اللي بده شوية سمنه ونصفي الارز من ماء النقع ونغسله

    ونضيفه للطنجره ونحركه من السمنه يعني بدنا نخلي كل حبه يوصلها السمنه وبعدين بنضيف الملح والكركم واخيرا نضيف الماء على ارز حتى يزيد عن ارتفاع الارز بمقدار 3 سم ونغطي الارز ونخليه يغلى شوي بعدين نخفف النار على الارز ونتركه لينضج لمدة ثلث ساعه
    وهسه بدنا نصكب المنسف طبعا للسكب كمان طريقه لانه لازم نحضر الخبز العربي ونفرده في الصدر ونسكب عليه من اللبن اللي حضرناه وبعدين نفرد الارز على الصدر زي ما انتوا شايفين بالصوره
    وهسه راح ننشل اللحمه من اللبن ونضعها على الارز
    وهسه بدنا نزين الصدر بالصنوبر وازا بتحبوا لوز كمان شوية بقدونس مفروم
    وهاي صورة اللبن
    وهاي كمان صوره للمنسف
    وصحتين وعافيه منقول للامانه لخاطر اللي طلب الطريقه


    التعليقات (7)
    • rayanxv
    rayanxv
    24-07-2022 - 05:34 am

    يمي يسلمو على نفلك

    • أم فـئ
    أم فـئ
    24-07-2022 - 06:36 am

    يمي يمي وصفة لذيذة
    بارك الله فيكِ

    • احساااااسي كبير
    احساااااسي كبير
    24-07-2022 - 07:37 am

    يعطيك العاافية

    • من بين الناس حبيته
    من بين الناس حبيته
    24-07-2022 - 08:38 am

    يسلمو بس وشو لبن مخيض

    • عروب
    عروب
    24-07-2022 - 09:39 am

    يم يم يم
    يسلمو

    • اخت دمعة
    اخت دمعة
    24-07-2022 - 11:41 am

    يسلمو غلاتي
    تحيتي

    • البلسم الراقي
    البلسم الراقي
    24-07-2022 - 01:43 pm

    يعطيكي الف عافيه
    وتسلم الايادي صار لي كم يوم مشتهية اعمل منسف لانه لذيذ
    بعملة انشالله واللي مايعرف يعملة يجرب الطريقة احسن طبق بالحياة
    اموت علية يم يم يم يم يم يم

    صيآني←
    المصقعة على اصولها→

    فتيات Ftayat اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.

    © فتيات Ftayat 2024