الى صاحبات الخبرة

ردو
علي بليز

هلا والله ومبروك يا عروسه ..
ربي يتمم لك على خير وعلي وعلى كل عروس ..
أهم شئ .. تحطين في بالك مبلغ معين مثلاً 15 الف
لكل إحتياجاتك !
أنا أقول لك كيف ..
أهم شئ لا تبالغي كثير مرة ..
وخليك مقتصده والله كل وحده تزوجت قبلي
نصحتني هالنصيحة لا تخربطين وآجد بتتندمين ..
مثل ما نصحت وحده من الفراشة وكان كلامي عليها هذا :
أسمعيني زين ..
أول شئ لا تخربطين واجد ..
ولو حسبتيها 46 الف جداً كويسه ..
بقول لك كيف قسمتها :
عطورات
مكياج
تايورات
بجامات
قمصان
جزم
شنط
كماليات
فساتين
/
أختك في الله على أسمها محتاره ..
أخذت طقمين ذهب ناعمين مرة
وأخذت 6 عطورات جوهان ( الشفايف ) ب 100
وسنجورا من الشركة العربية للعود ب 160
و أخذت فور أيفر ب 120 ريال
وعطر عود من الشركة العربية ب 180
و نينا ريتشي ب 220
و ديب ان ب 100
بعد كذا أخذت من بودي شوب مجموعة التوت ب 280
ومن نكتار مجموعة العروسة ب 300
تقريبا 1500 على العطورات
وبعد كذا أخذت من ماك شدو وبلاشر ب 160
ومن لانكوم كحل وماسكارا ب 180
وكحل قلم ديانا و مكياجي ب 65
ومن شارمل كريم الأساس والبودرة
ومجموعة قلوسات
يعني 500 على الميك أب لا تكثرين مرة ..
ثم رحت البجامات أخذت الصراحة من سنتر بوينت وماكس حوالي 10 بجامات
وقميص أول ليلة ب 300
وقمصان وملابس داخلية .. من الهرم و نعومي و ايتام لانجري ..
تقريبا 1500 ريال ..
كذا نكون كم صرفنا ؟
أقل من 5 الآف ..
/
الجزم من سنتر بوينت حلوات وأنيقات وأسعارها جدا رائعة ..
أخذت جزمة سوداء و بنفسجي ..
أخذت جزم وآطيه مريحة أسود و فوشي ووردي وأبيض وأسود و بني .. عمليات ومريحات ..
ومع القصير والبرمودا أحلى ..
أخذت صندل ذهبي وفضي وبني و عشبي ..
و من ماكسأخذت شبابشب بيت ..
تقريبا كلهم ب 600 ريال
أخذت شنط أساسية فقط أسود ذهبي فضي أبيض
وزيتي اساسا كان عندي شنط ماركات وحلوة فعشان كذا ماكثرت ..
يعني كم على الشنط ؟ 600 ريال تقريبا ..
أكسسوارات من الى أخذت بما يقارب 1500 ريال
أكثرها من اكسسواريز و بنوتتي و الجوهرة ..
شراشف صلاة مع سجادات الطقم 2 ب 80 ريال
جلابيات وتايورات خلي لهم 2000 ريال
ولا تبالغي بالغالي .. اذا تبين ماركه اخذي تايور واحد ماركة ..
يعني خذي 5 تايورات 3 جلابيات حلوة ..
و3 جلابيات عملية ومريحه للبيت .. مهما يكون راح تحتاجينهم ..
الكماليات نقول لهم 3000 ريال ..
أدوات خياطة تنظيف بشرة مقص مبرد فيتامين اظافير مخدر طبي قطن مسحات طبيه لزق جروح
فرشاتك معجون شامبو بلسم حمام زيت كريم شعر زيت اولاي تفتيح وترطيب جيبي كريمات مرطبة و مناديل ازالة المكياج فرش المكياج صتاديق بأحجام لبان حلاو شرائح انتعاش الفم فوط صحية شموع ورود مجففة اضاءات بسيطة جدا .. حبل الورود المضيئة ..
فساتين جيبي فستانيين بس .. الواحد ب 1800 او 2000 ..
بمودات بناطيل شورتات وبديهات جيبي 5 حبات من كل شئ ولا تنسين تنورة جنز جيبيها ماركة ..
ويبقى معاك كثير ..
حوالي 30 ألف
تصرفي فيها بالفستان بالكوشة بأي شئ ..
لا تنسين صندوق الصلاة ..
وصندوق تحطين فيه شموعك وورودك وبالوناتك والكروت وتخبينه عنه .. قرأت النصيحة وأعجبتني .. وورق ملون كمان .. عشان التجديد والحفلات .. و أقمشة تل وساتان ..
وشئ من كماليات الغرفة مثل اللي موجوده بماكس و بوينت ..
ولا تنسين جيبي كم مفرش سرير كتجديد وتغيير ..
ولا تنسين تجيبي كروت هدايا و عطر هدية له و ساعه تخبينهم لوقت الحاجة ..
والفستان ترى الايجار أحسن ويفك أزمه
أحسن من يبقى فستانك بدون فايده و راح تضطرين
تبيعينه أو وحده تطلبه منك !
وبالتوفيق والله ييسر امرك ويتتمم لي ولك على خير والجميع يارب ..
ادعي لي زواجي الشهر الجاي الله يعين ..

أهم شي حطي مبلغ الحجوزات على جنب ولا تقربين منه ولو تتصدقين لو بمبلغ بسيط ربي يبارك بمهرك بأذن الله .. أنا كنت أكتب فقوقل أحتياجات العروس مشتريات العروس وكانت تطلع لي قائمة ساعدتني كثير فالتجهيز
بالتوفيق