الي متضايقة من زوجهاا وتبيه يتعدل تشوف شنو سوت الأخت دلوعة حبي

:
أخواتي هذا الموضوع نقلته من أحدى المنتديات
لصاحبته العضوه الأخت / دلوعه حبي
حسيت انه مره مفيد لكم ....
تفضلوا اقروه ......
أمانة يابنات اللي تقرا الموضوع تبدأ بدعوة صادقة
ان الله يثبتني على طاعته ويهدي زوجه ويصلحه لي
اللي قرا موضوعي السابق عرفت قصتي ومعاناتي مع زوجي
كنت حييل متضايقة ومو عارفة ش
نو الحل .. أتطلق واحرم بناتي من ابوهم والا استحمل وابكي كل يوم واعاني..
قمت توضيت واستخرت لربي ابي حل
ونمت طبعا انا معطيته ظهري وهو ولا همه
قمت الصبح واتخذت قرار غير حياتي وقلبها فوق تحت بحمد الله
طبعا استغنيت عن اشياء وايد
منها الشباصة اللي تكبر الراس
وحف الحواجب والعباية المزخرفة الضيجة والملفته للنظر
صج كان صعب في البداية
بس اريح..
المهم
بديت التزم بصلاتي واذكر ربي في كل واهم شي اذكار الصباح والمساء
القران كل يوم
والقرار الأهم( كل ما انقهر واتضايق منه ما اتكلم ولا اتناجر اقوم اصلي ركعتين وادعي وابكي حيل )
ما شكيت الا لله وما اتجهت الا لله..
طلبته انه يريحني وياخذني عنده جواره افضل من حياة العذاب..
زوجي تم على حاله ما يهمه ازعل ولا لا
يعني احرمه من .. ولا ما احرمه عادي
تمينا اسبوع ما قربنا من بعض
كنت كل يوم اسهر طول الليل ابجي وادعي واصلي
ويشوفني ولا يهمه
بعدين قررت قرار اني اصير طبيعية وانسى الزعل.. دقيت عليه قلت له حبيبي ليش كل هذا انت شنو تبي بالضبط
قال اللي يبيه وقلت اذا سويت اللي تبيه ( مع اني اسويه بس هو تفكيره على كيفه) تحترمني؟
قال بالعكس انا احترمج واحبج انتي ام عيالي وزوجتي .
قلت انا مو عاجبتك: قال ليش انتي تتخيلين اشياء وتصدقينها .. مو اني ما اقولج انج مو حلوة انه معناته اني ما اشوفج حلوة
بس انا طبعي ما احب اتكلم .. انا لو مو عاجبتني دقيقة ما اخليج ولا اتزوج اللي ابي ..
قالي كلمة حسيت اني هبلة( فل انا الحمدلله الله عطاني على قد نيتي وعطاني اللي اتمنى
( انا مو كامل واخطي بس انتي احلى مافيج انج استحملتيني)
بنات والله بغيت اموت
ماكنت مصدقة نفسي..
المهم رحت الجمعية وشريت اغرااض بسوي عشا
ودقيت قلت له لا تتعشى قال ماشي
سويت عشا رومنسي على طريقة لانوتر احلى مطعم
واخذت شور وكشخت بقميص اغراء ووردة طبيعية على شعري ودقيت عليه جان يقولي
انا ما اقدر انا رايح المحل مع سيارة صاحبي ما اقدر استعجله
العادة اعصب واتنرفز.. مسكت نفسي وضحكت قلت عاادي حبيبي متى ما قدرت انا ناطرتك..
احسبي 10 دقايق وهو موجود قال انا خليت صاحبي واخذت سيارتي بتعشا معاج واروح..
طبعا اول مرة يعاملني بهالحنية والاحترام
تعشى وعجبه العشاا حيل
كنت هادية وابتسم كأني الهبلة..
ولبس ملابسه بيروح حق رفيجه وقبل لا يطلع ناديته ولميته وباسني وقلت لا ترووح بدلع ولصقت.ز
قال اودي السيارة واجره جر ..
والله يابنات اقل من عشر دقايق ورد
وبدها تغيرت معاملته لي مرة وحده صار يسوبف وياخذ رايي بكل شي ويبوسنس اذا طلع واذا شافني يبتسم بفرح
انا مستغربة هالتغيير
بس ما في شي بعيد عن ربج
الله لا اله الا هو لا شريك له له الحمد وله الملك وهو على كل شيء قدير
اتجهوا لله بتلقون اللي يسركم
والله كنت فاقده الامل بزوجي والحين انا اسعد بشر
امانه ادعولي يسخره لي ويهديه ويثبتني على طاعة ربي
&&&&&&&&&&&&&&&&&&&&&&&&&&&&&&&&&&&&&&&&
الله يسعدهم دوم .....
شفتوا شلون الدنيا ماتسوى : (
وبعض الحريم الله يهديهم يكبرون المواضيع بدال مايصلحونها :/
ألجأوا إلى الله في كل مشكله تواجهكم
وان شاء الله ماتشوفون الا اللي يسركم
وخلوا املكم بالله كبير
قالت بغير من حياتي وفعلا غيرتها وصبرت
قال الرب ادعوني استجب لكم ودعيت لين نالت اللي تبيه
عسى الله يتمم السعاده عليها وعليكم
ويسخركم لأزواجكم يارب