اموت فيه

فتوش99

19-09-2022 - 01:59 pm

السلام عليكم خواتي انا اسوي ريجيم و اموت في الكابتشينو والموكا والسوالف هاذي بس ما اشربها الحين
وعندي السكر مال الريجيم هل ينفع اسوي الكابتشينو والموكا بالسكر الدايت او مافيه بدائل غير العصاير لاني طول اليوم اشرب العصاير ومليت منها
او اذا احد عنده مشروبات دايت وحلوه يعطيني اياها بليز
ومشكورين خواتي

التعليقات (5)

ابتساااامة أمل

19-09-2022 - 05:38 pm

الحقيقة ما عندي خلفية بس ان شاء الله البنات ما يقصرون معك............

^فراشة وردية^

19-09-2022 - 06:39 pm

غاليتي فتوش..
ممكن تشربين قهوة وموكا لكن ما تكثرين منها يعني مرة أو مرتين بالأسبوع..
وأحسن لك تستخدمين سكر الرجيم إذا كنتي بتشربيهم..
بس إنتي لا تشربينها دايم ..
أسأل الله إنك تنحفين وتوصلين للوزن اللي تبينه..

دانه الدانات الخبر

19-09-2022 - 07:40 pm

اهلين حبيبتي عادي تقدرين تشربين ماادري تعرفين الكابوتشينو الايطاليه حقه نستله انا اشرب وحده باليوم مع سكر دايت وفيه انواع بالسوبر ماركت كابوتشينو وموكا وقهوه فرنسيه تجيك مخصوصه للرجيم تلقينها في القسم حق الدايت وبعدين بقولك ترى العصاير تسمن لاتكثرين منها لانه كوب واحد من العصير فيه 150 كالوري

قمر الشرقيـmـه

19-09-2022 - 08:41 pm

ماادري والله ياحبيبتي كنت بتمنى ساعدك
بس ماحبيت فوت من غير مابرد

رgggز

19-09-2022 - 09:42 pm

حبيبتي انا ماشيه برجيم الحين واشرب كابتشينو واميريكان كوفي يوميا عادي بس بسكر الرجيم
الموكا لا تكثرينه لانه فيه كاكاو انا اشربه مرتين او ثلاث بالاسبوع
اتمنى اكون ساعدتك ...

عوامل تحد من فقدان الوزن←
بنات الله ينحف اللي ترد عاي→