انا اللي خطبني مطلق ادعوا لي

السلام عليكم ورحمة الله وبركاته
بنات اللي قبل هالمره قلت لكم ان خاطبني مطلق وكنت متردده اقبل او لا
وبالاخيره قبلت وسويت تحاليل
حبيت اقولكم اللي صار سبحان الله انا كتبت لكم وكنت مرره خايفه ومع كذا سويت تحاليل
وسبحان الله قبل تطلع النتيجه وحده شافتها امي بالصدفه عند ناس رايح لهم وباركت لامي ع الخطوبه
وقالت اهم شي اطلبوا لها بيت مستقل عشان ماتصير مشاكل بينها وبين زوجته الالى قالت امي الرجال
مطلق وكانت الصدمه لما قالت المراه انه مو مطلق بس زوجته لها حوالي سبع اشهر زعلانه عند اهلها
وع طول امي كلمته بنفسها وقال اي هي زعلانه طيب ليش ماقلت قال كانها مطلقه وربي يابنات مت
القهر ليش الناس ماتخاف ربها وتكذب يعني كل اللي يبيه يقهر زوجته فيني حسسبي الله ونعم الوكيل
طبعا انا بعد هالشي اللي صاار قلت لاهلي خلاص لاتناقشوني ابد لو تنطبق السما ع الارض ماراح اتزوجه
وتكنسسل كل شي وحضرته نشب لنا اطلبوا اللي تبون انا شاريها اي شاريني وهو كل همه يدمر زوجته
ويدمرني انا مسستحيل ابني سعادتي ع تعاسة انسانه ثانيه ولا وادخل حياتي بكذبه من حضرته
والله يابنات وقتها بكيت وانقهرت بس بعدين قلت ان شاء الله انها خيره وربي انقذني قبل املك
وتطيح الفاس بالراس
الله ياجرني ان شااء الله ويعوضني باحسسن منه
تكفوون بنات اللي تدخل تدعي لي لو ماترد ع موضوعي بس تدعي لي والله العظيم ان الدنيا ضاقت فيني
صعبه علي اششوف خواتي اللي اصغر مني يتزوجون وينخطبون وانا حتى اللي خطبني كذاب
غير الكلام اللي سمعته من اخوي لما قلت له الرجال طلع متزوج قال واذا يعني مافيها شي وبعدين
انتي مانتي صغيره خواتك اصغر منك وتزوجن جرحني وربي الله يسامحه ويسعده
اللهم ارزقني زوجا صالحاتقيا غنيا تقر عيني به وتقر عينه بي وارزقني الذريه الصالحه