ان كان جرح القلوب البيض يهنا لك يموت حبك ولا تنزف شراييني

مساءكم / صباحكم
معطر بالعود
مساء أرق من النسيم << النسيم والا الشفا
ماعلينا
ابخش بالموضوع طوالي << تسمع بالاسلوب
هذي قصيده عجبتني بالحيل وحبيت اسدحها فيذا هع هع
تفضلوا ياقماعه الله يطول عماركم ...
خلاص ابرتاح غادر والسعد فالك
من حضرتك لاجل تقلب لي موازيني
من اي كوكب نزلت وشايفن حالك
من حضرتك لااجل تتعبني وتشقيني
مليت جرحك وتبريرك وموالك
تخطي وترجع تعتذر لااجل ترضيني
ان كان جرح القلوب البيض يهنا لك
يموت حبك ولا تنزف شراييني
يموت قلبي ضما واموت انا هالك
ولااشرب الذل بيدينك وتسقيني
غرورك اعماك تحلم تبني آمالك
نهايتك جات بيدك قبل تنهيني
والله لانت ولاعشره من امثالك
تخضع له النفس ويفكر يمشيني
في واقع الأمر ماني باصغر عيالك
رباني الوقت لاتحلم تربيني
غلاك مات ابتعد وافراقك اشوالك
لاترتجي الدمع واحذر لاتعزيني
ماينزل الدمع لا لأمثالك ولا لأشكالك
اصلاَ من تكون حتى تفقدك عيني
لاعاد تحلم يجي رقمي بجوالك
والله مااخضع ولو ترقص شياطيني
خسرت نفسك ومضنونك وتمثالك
خسارتك للاسف ماعاد تعنيني
طبعا الموضوع ملطوش كالعاده
تشكرات لكل نفره مرت من هينا