ان كيدكن عظيم

بنتـ الجيران

26-05-2022 - 05:13 am

السلا عليكم ورحمه الله وبركاته..
<< موقف صار لختي المتزوجه
اليكم القصه..
قبل 3 سنين تقريبا تزوجت اختي..
وكانت تستحي من زوجها يومها عروس..
يعني ماتاقلمت معه بسرعه جلست شهرين وهي حتى تستحي تطلب من زوجها اي طلب تبيه..
المهم..
ذاك اليوم كنا نبي نسافر لديرتنا وبنجلس تقريبا يومين (محنب مطولين)..
ويوم درت اختي دقت علينا وقالت ودي اروح معكم واستحي اعلمه ياربي وش اسوي << توك متزوجه ..
يوم قلنالها بكيفك تصرفي ..تبين تروحين معنا علميه واستاذني منه ولا بنروح عنك..
يوم هي من الحيا استنت ليما راح الشغل وارسلت له رساله..
هو وافق بس ماكان يدري عن وقت السفره..
وراحت جهزت شنطتها الحرمه واتزينت..
يوم مابقى عن روحتنا الا شي بسيط ..
دق عليها وقالها انا بجي بعد شوي صلحيلي شاهي ..
<< هينا هي تورطت ..
تقعد ولا تروح معنا
وشش سوت؟؟؟
ارسلت رساله مكتوب فيها
(( يما الله يعافيك خلاص روحوا مايحتاج اروح معكم لان احمد قالي ابجي بعد شوي وصلحيلي شاهي والظاهر انه مايبيني اروح))
وارسلتها لاحمد زوجها عساس انها بترسلها لامي وغلطت وارسلتها له
يوم دق عليها وقالها لا ساره روحي خلاص والله مادريت انكم بتروحون هالوقت خلاص روحي انا بدبر نفسي ..
وراحت معنا ..
وصدق الله القائل:.
((ان كيدكن عظيم))

التعليقات (8)