اول مره اسألكم لاتفشلوني

1. السلام عليكم و رحمة الله و بركاته:


2. المهم:


3. فالافضل لمن حابة تسوي خلطتي أنها تسويها بالضبط...


4. و لا تخافون من ريحة الزبدة تروح مع الغسل...

السلام عليكم انا عندي مشكلة تساقط الشعر مع الولاده الي عندها حل الله يجزاها خير تقولي عليه وقلت بستخدم الخلطة هذي كتبتها وحده في منتدى ثاني وانا جبتها لكم بسويها واقلكم النتايج فيه وحده فيكم استخدمتها والمشكلة الثانيه صبغت شعري ببني واشقر فاتح بس الخصل الاشقر طلعت مره فاتحة ثلجي يعني بيضاء والله انقهرت من الكوفيره مافية حل للون الثلجي يصير ذهبي وودي احط على هذي الخلطة فيتامين بأيش تنصحوني اشتري والخلطة هذي هي وطبعا منقوله

السلام عليكم و رحمة الله و بركاته:

بداية بقولكم ، أنه أنا كنت صابغة شعري و أهملته فصار جاف ، فقلت أعتني به بحاجة طبيعية علشان يخف الجفاف ، بس للأسف كل ما له يجف أكثر ، فلم رحت للكوافيرة أبغى أدرجه لانه طويل شوي ، قالت لي شعرك جاف جدا جدا ، فقلت عاد أنا أستخدم خلطة .......................
فقالت لي غلط ، شعرك مصبوغ ، و الشعر المصبوغ ما نحط عليه أي حاجة طبيعية لانها راح تتفاعل مع الصبغة و تضره ..
قلت طيب وش أستخدم ؟؟ قالت: الزيوت ، و حمامات الكريم ، و اي حاجة خاصة بالشعر المصبوغ سواء شامبو أو بلسم أو كريم ......
قلت خلاص فحذفت من خلطتي كل المواد الطبيعية و خليت الزيت بس ، و الحمدلله خف الجفاف ..

المهم:

أنا زي ما قلت لكم الخلطة هاذي كنت أستخدمها للقضاء على الجفاف يعني ترطيب شعري ( هذا هدفي ) لكن بعد ما أستخدمت الخلطة تقريبا بأسبوعين بشكل يوم وراء يوم أو ثلاثة و الله ما أذكر ، لاحظت نمو شعر لي في مقدمة رأسي ( المنطقة هذي كانت خفيفة عندي ) بس أنا ما صدقت قلت يمكن أتوهم ، فسكت و قلت بشوف اذا أحد لاحظ ..
و في يوم كنت في زيارة لجارة لي قديمة ما شفتها من زمان فقالت لي وش في شعرك متقطع من قدام ( هي شافت الشعر الصغير اللي طالع و حسبت أنه شعري متقطع ) فضحكت و قلت لا هذا شعر جديد..
و حاجة ثانية كنت في زيارة لأهلي و كنت رافعة شعري كله ، فقال أخوي: أنتي مو كان شعرك خفيف من قدام و فيه فراغات ، و ين راحت ؟؟؟
قلت و الله و اضح ، قالت أمي: ايه فيه شعر صغير طالع لك ، و أختي قالت: حتى أنا ملاحظة من زمان..
فصدقت شكوكي ، و قلت لهم عن الخلطة اللي أستعملت ( مع العلم أني ما كنت أستخدم غيرها) فأمي على طول أستخدمتها و والله ما أكذب عليكم طلع لها شعر من قدام مع أنه شعرها كثير بس طلع زيادة....
الحين بقول لكم الخلطة هي عبارة عن:
زبادي ( أنا أحط 4 ملاعق ، طبعا على حسب الشعر )
قطعة زبدة ( الحجم الصغير اللي يجيك في كرتون )
م ك مايونيز
م ك خميرة فورية
شوية خل
و أحيان أحط بيضة
أخلطهم زين و أخليهم دقيقة ثم أحطهم على شعري كله ثم أرفعه و احط عليه قبعة بلاستيكية و أربطه بأيشارب ثقيل شوي ، ثم أخليه ساعتين و أحيانا أطول الى 4 ساعات ...
ثم أغسله بالماء و الشامبو زين و احط عليه بلسم و أمشطه و الفه طاقية ، و لما ينشف أفكه بدون أستشوار أذا كنت ما راح أطلع...
أمي كانت تستخدم نفس الخلطة بس بدون ما تحط خميرة أو مايونيز فما أثر أي حاجة ، فأنا أتوقع أنه السر فيهم..
بس علشان يتأكد الاثر سوي نفس خلطتي يمكن ما ينفع الا أن يكونوا مع بعض لانه أنا من أول كنت أستخدم الزبادي مع باقي المكونات بس بدون زبدة و مع ذلك ما كان فيه أي أثر..

فالافضل لمن حابة تسوي خلطتي أنها تسويها بالضبط...

و لا تخافون من ريحة الزبدة تروح مع الغسل...

و على فكرة أنا بعد كلام الكوافيرة حذفت كل حاجة الا الزبدة ، و كنت أحطه بالليل و انام فيه طبعا اذا كنت عند أهلي أو أحطها ساعتين اذا راح زوجي للدوام ثم أغسله قبل ما يجي..و الحمدلله صار شعري رطب حتى أني صبغته للعيد بس ما جف و لا خشن ، و أنا مستمرة مع الزبدة أن شاء الله حتى اني حاطة الحين في شعري..
فلا تنسون صاحبات الشعر المصبوغ أبتعدوا عن المواد الطبيعية غير الزيوت لانها تضر الشعر أكثر ..