ا المعجزة اللي غيرت حياتي أشرقت شمسي

أبت علي نفسي أن يدخل شهر الخير و انا لم أبوح لكم بسري الجديد
اول شيء أحلفكم بالله
قولوا (( ما شاء الله تبارك الله ))
انا بهديكم سر لو طبقتوه راح تتغير حياتكم مثا ما تغيرت حياتي
أشهد بأني صاحبة هذا الموضوع
http://alfrasha.maktoob.com/alfrasha19/thread1299964/
اللي اخترت عنوانه للاسف ( انا فعلا كرهت نفسي )
و الحين أنا انسانه ثانية لك الحمد يا رب
انا نحفت و تغير شكلي و الكل قال عني واو
بدون اي مجهود مني بالعكس كنت في قمة سعادتي
لاني عرفت السر الكبير للتغيير
صحيح اني للحين ما وصلت للوزن المثالي
بس من ناحية الشكل تغير جذري
الكل لاحظ حتى محارمي الرجال لاحظوا مع انه ما يلاحظون الشي بسهولة
بس لان كان نحفي واضح لو على الميزان ما نزلت الا 5 كيلو
في شهرين
و المفاجأة الكبيرة
ان وجهي كان مدور و خدودي شحلاتها باين عليها الصحة ما شاء الله تبارك الرحمن
و هذا كان الاهم بالنسبة لي
لان فيه بنات ينحفون و للاسف الوجه يسمر و الخدود تروح
و بعدين الناس تقولها السمنه عليك احلى
عمر السمنه ما كانت حلوة الله يكفينا شرها
السر الكبير اللي بفضل الله ثم بفضله نحفت
اقري بهدوء و تركيز و اعزمي انك تحاولين
اول شيء كلنا نعرف
ان الفواكه و الخضروات صديقة الجسم
و ان المقليات و الحلويات عدو
و ان الرياضة مهمة للصحة و للدورة الدموية قبل النحف
و ان القهوة و الشاي تضر الجسم
و ان في الحركة بركة
و ان و ان و ان و ان
و للاسف يا كثر المعلومات اللي نعرفها عن الاكل الصحي بس ما نطبق
ليه ما نطبق ؟؟؟
انا اقولكم ليه
لان الانسان بطبيعته يقرب من الاشياء اللي تجيب له متعة
و يبتعد عن الاشياء اللي تسبب له الألم
احنا عندنا سلاحين
( متعة و ألم )
اي شيء نحس انه يسبب لنا مشاعر الالم نبتعد عنه
و الدليل ان الطفل لما يمد ايده على النار ما يعرف انها حارة و لما عرف من خلال تجربته انها حارة و تسبب الالم ابتعد عنها
و اي شيء نحس انه ممكن يجلب لنا المتعة اكيد بنقرب منه
طيب
الحين فكروا معاي
في العقل نظام مبرمج من خلال التربية و مواقف الوالدين و المدرسة و الزملاء و التجارب الخاصة
مبرمج على ما يسبب له المتعة و الالم
يعني كل وحده فينا في عقلها لسته للاشياء اللي تسبب الالم
العقل الباطن حافظها فهو يبتعد تلقائيا عن هالاشياء و مهما حاولتي تسوينها تلقين نفسك تبتعدين عنها بدون احساس منك
مثل اللي تحاول تستمر على الرياضة تلقى نفسها تجاهد و تجاهد و بالاخير ما تستمر غير اسبوع و تتركها
لانها متبرمجة على ان الرياضة تسبب الالم النفسي لها
و عنده لسته للي الاشياء اللي تسبب المتعة
فهو يخليك تسوين اشياء بدون احساس منك لانك مبرمجة على ان هالاشياء تسبب لك المتعة
فمثلا وحده تحب الحلويات تلقونها يوميا تاكل 10 حبات و يمكن اكثر
و احيانا تقول و الله رحت تلقائيا و اكلتها بدون احساس
احنا الحين مبرمجين من خلال الطفولة و الابوين و المدرسة و الاصدقاء و غيرها
بس البشارة يا بنات
احنا نقدر نغير هالبرمجة بكل سهولة
عن طريق العبارات اللي نرددها كل يوم و عن طريق المشااعر
عندنا طريقين
مشاعر و عبارات نرددها يوميا و خاصة قبل النوم
بقولكم مثال
انا كنت ما احب امشي على السير و أمل منه بسرعة
و دايما كنت اردد
انا ا ما احب امشي على السير
انا اطفش بسرعة من الرياضة
الله يعين مدري كيف بصبر على المشي مدة 45 دقيقة
فأبدأ الرياضة مثلا السبت و انا معاي هالعبارات و اكررها كل يوم و انا احس اني صادقة في كلامي لان هالشي يبي له اردة و عزيمة و احاول اعزم نفسي و اقوي ارادتي
اكثر مدة استمر فيها اسبوع و بعدها يغبر جهاز السير لمدة لا تقل عن الست شهور
او اكثر
طيب الحين تعالوا شوفوا وش سويت
قمت غيرت عباراتي اللي ارددها
أنا احب الرياضة
و احب جهازي السير احلى مكان عندي في البيت السير
و احلى وقت لما امشي على السير
لما امشي بسرعة و نشاط احس بانتعاش
ما اتخيل يومي بدون مشي على السير ابدا ما يكمل هاليوم
الا بالرياضة
طبعا تقولون هالعبارات مع مشاعر و احساس و تحاولين تمثلين على نفسك
انك صادقة لان الاهم عقلك الباطن
بكل وقت تقولينها و خاصة قبل النوم
و لما تجين بتشغلين السير
قولي اخيرا جاء وقت الرياضة
و الله يا بنات جت علي ايام
ما احس بنفسي الا و انا مشغلة جهاز السير و امشي
و الدقايق بسرعة تخلص
خلاص تبرمج عقلي
مثال ثاني
انا وحده احب الحلويات بس مو لحد الجنون
بس لازم آكل منها
الحين الحمدلله قطعتها نهائيا
ليه
لاني صرت اردد بيني و بين نفسي
اكره شيء عندي الحلويات
طعمها يلوع الكبد و فوق هذا تراكم في جسمي الدهون
حتى شكلها و لونها يارب لك الحمد على النعمة
خاصة انهم يدخلون في صناعتها دهن الخنزير و احنا عارفين الخنزير شنو أكله
أعوذ بالله منه
و الله يا بنات من بعد ما كنت أقاوم الحلويات خاصة الباونتي و السنيكرس و الكتكات
صرت اكره حتى اشوفها تجيب لي الغثيان لانها تذكرني بالخنزير
ربطت بينها وبين الخنزير
و ارتحت الحمدلله
و الفواكه من بعد ما كنت بالموت آكل حبة بالشهر
صرت ما استغني عن صحن الفواكه يومي
لدرجة الحين اهلي ربطوا بيني و بين الفواكه
و هكذا ابرمج نفسي على المفيد و اللي يغذي جسمي و ينفعني و يقويني على العبادة ان شاء الله
طيب عشان نقتنع اكثر
عمرك شفتي وحده تحب الشوكولاته ما تمدحها ؟؟
الا ما تلقينها تتغزل فيها و تقول انا عاشقة للشوكولاته
هي ما تدري انها قاعده تبرمج نفسها بنفسها
مثال ثاني
احيانا اصادف ناس يحبون اشياء غريبة
مثلا الليمون بالملح
يقطعون ليمونه و يحطون فيها ملح و ياكلونها
اول شيء طعمها مو حلو
ثاني شيء مو زينه للاسنان
و حتى للجسم
طيب وش السر اللي يخليهم يستمتعون فيها برايكم ؟؟
انا اقولكم لانهم دايما يرددون (( طعمها خيالي واو عليه جنان أتلذذ فيه .... ))
مع انها لو بدلت كلامها كان كرهتها
أنا شجون الليالي
عانيت مع الريجيم سنوات و تعذبت من كلمة ( ما عندي ارادة )
وهبني الله هذه المعلومات اللي اخذتها من كتاب ( أيقظ قواك الخفية ) اللي علمتني عنه وحده الله يجزاها عني خير
و كتاب آخر اسمه ( أنت ما تأكله ) استفدت من نصائح اللي فيه
و استفدت منها و تغيرت حياتي بشكل جذري
و اطمح للمزيد بإذن الله
استخدموا قانون ( المتعة و الألم )
في رمضان خاصة مع العبادات
خلونها نبرمج أنفسنا على حب الطاعة و الصلاة و الذكر و القرآن ما نطلع من رمضان و الا احنا نتعلقين بالقرآن بالصلاة بكل شيء يقربنا من الله عز وجل
و راح تلاحظون أنفسكم مستمرين بالطاعات حتى بعد انتهاء رمضان ان شاء الله
اللي مدمن على التدخين يقدر يستخدم هالقانون
و غيره و غيره و غيره
يعني مو حكر على الريجيم لكل شيء
قبل فترة
أحمد شقيري طبعا كلنا نعرفه
صاحب برنامج خواطر اللي يجي في رمضان كاتب في صفحته على الفيس بوك أظن
( اليوم احتفل بمرور 11 سنة على تركي للتدخين و الفضل يعود لله عزو و جل ثم لكتاب أيقظ قواك الخفية للمؤلف أنتوني روبنز )
طلب
كل وحده عندها شيء ودها تستمر عليه
تكتبه لنا هنا و تحاول استخدام قانون المتعة و الالم
يالله خلونا نشوف ابداعاتكم في البرمجة
((( لا تخلين عقلك مثل الحاسب المفتوح كل من جاء دخل المعلومات اللي يبيها
خلي عقلك حاسبك الشخصي برمجيه على ما يفيدك في الدنيا و الآخرة ))
أختكم اللي تحبكم و استفادت منكم كثير
شجون الليالي22
ا